JamiiSMS
    Show/Hide This

    Topic: Rais Kikwete awaombe radhi Wanyarwanda

    Report Post
    Page 1 of 8 123 ... LastLast
    Results 1 to 20 of 151
    1. EasyFit's Avatar
      JF Senior Expert Member Array
      Join Date : 4th July 2011
      Posts : 913
      Rep Power : 643
      Likes Received
      653
      Likes Given
      199

      Default Rais Kikwete awaombe radhi Wanyarwanda

      KUNA msuguano wa waziwazi unaoendelea kati ya Tanzania na Rwanda kufuatia ushauri wa Rais Jakaya Kikwete kwa mwenzake Paul Kagame, kumtaka akae na kuzungumza na waasi wa FDLR.


      Msuguano huo ulianza muda mfupi tu baada ya kumalizika kwa kikao cha viongozi wa nchi za Maziwa Makuu kilichofanyika Jamhuri ya Kidemokrasi ya Kongo (DRC) na kuhudhuriwa pia na Katibu Mkuu wa Umoja wa Mataifa, Ban Ki-Moon, chini ya uenyekiti wa Rais wa Uganda, Yoweri Museveni.


      Rais Kikwete alimtaarifu Rais Museveni kile walichojadili baada ya yeye kuchelewa kufika. Alisema ni vema serikali za Rwanda na Uganda zikakaa na kuzungumza na makundi ya waasi wa nchi zao, na kulitolea mfano kundi la waasi wa Rwanda la FDLR.


      Inasemekana ushauri huo uliungwa mkono na Rais Museveni, lakini ulipingwa vikali na Serikali ya Kigali, na tangu wakati huo hadi sasa yamesikika matamshi ya ubabe kutoka kila upande.


      Alhamisi wiki hii, Tanzania kupitia kwa Ofisa Habari wa Wizara ya Mambo ya Nje na Ushirikiano wa Kimataifa, Mkumbwa Ally, imetoa onyo kwa Kigali kuwa wasithubutu kuanzisha vita dhidi ya Tanzania kwa kuwa kitendo hicho kitajibiwa vikali.


      Onyo hilo la Dar es Salaam limekuja kutokana na kauli ya vitisho inayodaiwa kutolewa na Rais Kagame hivi karibuni mjini Kigali kwamba: “Sitapoteza muda wangu kumjibu Kikwete, inajulikana maana kuna mahali hataweza kuvuka…haiwezekani.”


      Kwanza lazima nikiri kuwa ushauri huo wa Rais Kikwete ni mzuri kutokana na dhamira njema iliyobeba ushauri huo. Dhamira inayolenga kuyapatia ufumbuzi wa kudumu matatizo ya kiusalama yanayozikabili nchi za Rwanda, Uganda na DRC kwa miongo kadhaa sasa.


      Hata hivyo, ushauri huu haukuwa sahihi na haukutolewa mahali sahihi. Haukuwa sahihi kwa sababu haukuzingatia ukweli na mtazamo wa Kigali juu ya kundi la waasi la FDLR.


      Kundi la FDLR linaundwa na wanamgambo wa Interahamwe na wanajeshi wa zamani wa jeshi la nchi hiyo chini ya aliyekuwa Rais wa Rwanda hayati Juvenal Habyarimana anayedaiwa kuuawa na vikosi vya Rwandese Patriotic Front vya Rais Kagame mwaka 1994 wakati akitokea Tanzania kwenye mazungumzo ya amani kati ya serikali yake na Kagame.


      Interahamwe na lililokuwa jeshi la Habyarimana ndio waliotekeleza mauaji ya kimbari dhidi ya Watutsi na Wahutu wenye msimamo wa wastani wa Rwanda mwaka 1994. Waliposhindwa vita mwaka 1994 dhidi ya vikosi vya Rais Kagame, walikimbilia katika misitu ya DRC iliyo mashariki mwa nchi hiyo na kuunda kundi hilo la FDLR.


      Rais Kagame na mamilioni ya wananchi wa Rwanda wa kabila la Watutsi na Wahutu wachache wenye msimamo wa wastani, ni waathirika wakubwa wa ukatili na unyama uliofanywa na FDLR, na bila shaka hawajasahau wala kusamehe.


      Rais Kikwete alipaswa kuzingatia ukweli huu kabla ya kuamua kutoa ushauri wake. Kama angezingatia ukweli huu kabla, bila shaka asingethubutu kumshauri Rais Kagame kukaa meza moja na kundi ambalo halijawahi kuomba msamaha kwa Wanyarwanda wala kuonyesha kujutia uovu wao.


      Halafu Rais Kikwete alikosea kutoa ushauri huo mbele ya mkutano ule. Hapakuwa mahali sahihi kwa jambo zito kama hilo. Angetafuta nafasi nyingine, na kwa maoni yangu angezungumza na marais wenzake kwa faragha, ama wote kwa pamoja au mmoja mmoja.


      Angepata nafasi nzuri zaidi ya kufafanua dhamira ya ushauri wake, na pia angeweza kuona mwitikio wa Rais Kagame juu ya ushauri huo. Ninaamini msuguano wa sasa usingekuwepo kwa sababu wangejadiliana kwa kina na kuyamaliza mambo yote katika chumba kilichofungwa milango.


      Sasa ushauri unataka kuzaa vita ya majirani wawili wanachama wa Jumuiya ya Afrika Mashariki (EAC). Bila shaka madhara yake ni makubwa. Mbali na kusababisha kuharibika kwa mahusiano kati ya nchi hizi, pia zitapoteza maisha ya watu wake na rasilimali, na hivyo kuteteresha uchumi wa kila moja.


      Ni imani yangu Watanzania wengi hawataki na hawawezi kuunga mkono uamuzi wa kuingia vitani na Rwanda. Watanzania hawapo tayari kwa vita vingine, baada ya vile vya Uganda vya mwaka 1978. Tunataka kujenga nchi yetu kiuchumi, kisiasa na kijamii kukimbizana na wakati kwa sababu tupo nyuma sana.


      Namshauri Rais Kikwete awaombe radhi Wanyarwanda, amuombe radhi Rais Kagame. Ampigie simu amwambie yaishe kwa kuwa hakukusudia kumuudhi wala kumkumbusha machungu ya unyama wa Interahamwe, amwalike Dar es Salaam wanywe chai na mnyinyo.


      Na George Maziku
      0659985064


    2. Nyabhurebheka's Avatar
      Member Array
      Join Date : 11th April 2011
      Posts : 67
      Rep Power : 486
      Likes Received
      19
      Likes Given
      1

      Default Re: Rais Kikwete awaombe radhi Wanyarwanda

      Umejitahidi kuandika kiswahili kizuri, sidhani kama kuna mnyarwadi anayeweza kuandika kiswahili kizuri namna hii au ndo matunda ya elimu yetu uliyofaidi bure toka sekondari hadi chuo kikuu wakati wewe ni mnyarwanda? Usimfundishe Rais wa Tanzania nani amuombe msamaha.

    3. Manyerere Jackton's Avatar
      JF Senior Expert Member Array
      Join Date : 11th December 2012
      Posts : 1,281
      Rep Power : 11759892
      Likes Received
      1863
      Likes Given
      330

      Default Re: Rais Kikwete awaombe radhi Wanyarwanda

      Hata kama hammpendi Rais Kikwete, nasema kwa hili hana sababu ya kuomba radhi. Aombe ili iweje? JK watuachie sisi wenyewe tutofautiane naye huku, linapokuja suala la nchi, msimamo wetu ni mmoja-kuungana! Tusikubali kwa namna yoyote kuruhusu nguvu za nje kutuvuruga hata kama Rais wetu wengine humu ndani hawampendi.
      UJAMAA NI IMANI

    4. bwafo's Avatar
      Member Array
      Join Date : 18th March 2011
      Posts : 56
      Rep Power : 487
      Likes Received
      30
      Likes Given
      14

      Default Re: Rais Kikwete awaombe radhi Wanyarwanda

      Mwambie Kagame aongee na FDLR. Hataki aache, Period!
      Pain is nothing compared to what it feels like to Quit

    5. Prishaz's Avatar
      JF Senior Expert Member Array
      Join Date : 18th November 2011
      Location : Jerusalem
      Posts : 763
      Rep Power : 593
      Likes Received
      437
      Likes Given
      338

      Default Re: Rais Kikwete awaombe radhi Wanyarwanda

      Kagame aombwe msamaha kwa lipi! Kuambiwa uweli?
      INGENJA likes this.

    6. Kansime

    7. Kasimba G's Avatar
      JF Senior Expert Member Array
      Join Date : 19th January 2011
      Location : Dar es Salaam
      Posts : 1,791
      Rep Power : 95332
      Likes Received
      549
      Likes Given
      916

      Default

      umeongea kidiplomasia saana, mi naona kuna logic, ukimwambia mtu kitu asipopendezwa nacho, huna budi kumuomba ladhi, i can see the logic behind, manaake ninachoona ni mpambano usio na tija kwa pande zote mbili!

    8. Master plan's Avatar
      JF Senior Expert Member Array
      Join Date : 24th December 2012
      Posts : 1,530
      Rep Power : 690
      Likes Received
      155
      Likes Given
      55

      Default Re: Rais Kikwete awaombe radhi Wanyarwanda

      Msimuhukumu mleta uzi hii habari nimeisoma tangu sa 11 asbh kwenye gazeti la Tanzania daima

    9. Nyakageni's Avatar
      JF Senior Expert Member Array
      Join Date : 1st February 2011
      Posts : 9,168
      Rep Power : 2387
      Likes Received
      1607
      Likes Given
      53

      Default Re: Rais Kikwete awaombe radhi Wanyarwanda

      Vita haina macho, mi sitopigana vita! Huu ni upuuzi. Mpelekeni Ridhwan. JK kayataka mwenyewe

    10. Rapture Man's Avatar
      JF Senior Expert Member Array
      Join Date : 29th December 2010
      Posts : 265
      Rep Power : 541
      Likes Received
      68
      Likes Given
      6

      Default Re: Rais Kikwete awaombe radhi Wanyarwanda

      Quote By EasyFit View Post
      Halafu Rais Kikwete alikosea kutoa ushauri huo mbele ya mkutano ule. Hapakuwa mahali sahihi kwa jambo zito kama hilo. Angetafuta nafasi nyingine, na kwa maoni yangu angezungumza na marais wenzake kwa faragha, ama wote kwa pamoja au mmoja mmoja. Angepata nafasi nzuri zaidi ya kufafanua dhamira ya ushauri wake, na pia angeweza kuona mwitikio wa Rais Kagame juu ya ushauri huo. Ninaamini msuguano wa sasa usingekuwepo kwa sababu wangejadiliana kwa kina na kuyamaliza mambo yote katika chumba kilichofungwa milango.
      ..

      Na George Maziku
      0659985064
      George, nashindwa kuamini kwamba JK aliongea hilo jambo mbele ya Mkutano ule kabla ya kuongea na P Kagame faragha. Kuna uwezekano mkubwa sana kwamba JK na Mamlaka za Tanzania walishaongea sana faraghani na mamlaka za Rwanda kuhusu hilo na mamlaka za Rwanda zikakataa pendekezo hilo huko huko faraghani ndio maana JK kaamua kulibwaga pendekezo hilo mkutanoni.

      JK na mamlaka za TZ hawawezi kukosa ustaarabu kama huu. Haiwezekani. Dhahabu na Urani za DRC ni tamu sana kwa Kagame!
      mamkhande and INGENJA like this.

    11. Ngongo's Avatar
      JF Senior Expert Member Array
      Join Date : 20th September 2008
      Location : Mlima Meru
      Posts : 6,326
      Rep Power : 24342237
      Likes Received
      3687
      Likes Given
      5007

      Default Re: Rais Kikwete awaombe radhi Wanyarwanda

      Ha ha ha EasyFit Kikwete aombe msamaha kwa kipi ?.

    12. Mwananchi's Avatar
      JF Senior Expert Member Array
      Join Date : 4th October 2012
      Posts : 978
      Rep Power : 591
      Likes Received
      270
      Likes Given
      330

      Default Re: Rais Kikwete awaombe radhi Wanyarwanda

      Japo kumejitahidi kuandika na kutueleza kuwa Kagame na RPF wake walihusika kumwua Rais Habyarimana, umekosea kusema kuwa Rais Kikwete anapaswa kuomba radhi kwa Kagame.
      Aombe radhi kwa kosa gani, kushauri rafiki yako apatane na adui wake ni kosa? Unaopaswa kuelewa kuwa pamoja na Rais Kagame (RPF) kuhusika kumwua Habyarimana mpaka leo hajawahi kuomba radhi au kushitakiwa kwa kosa ambalo ndilo lilikuwa chanzo cha mauaji ya kimbali. Maana mauaji hayo yalikuwa triggered na kifo cha Habyarimana ndio visa vya kulipiza kisasi vilianza.
      Kilichofanyika katika Mahakama ya ICTR ilikuwa ni kukamata wahusika wakuu na kuwahukumu kwa kutumia sheria ya kimataifa ya Command responsibility, kwa maana anafungwa kiongozi aliyehusika kutoa amri na si jeshi zima la watu wadogo wenye kufuata amri tu. Mpango mzima wa Carla de Ponte ulikuwa baada ya Wahutu na Watsu waliohusika kwenye mauaji washitakiwe, lakini Kagame kama kipenzi cha Marekani walishinikiza mpaka yule mama akaondolewa kwenye madaraka ya Mwendesha Mashitaka. Tango hapo Watsi wamepita bila kushitakiwa japo nao ni wahusika.
      Kikwete kama mmoja wa wahusika wakuu katika ukanda wa maziwa alikuwa sahihi kutoa ushauri huo na sioni kwa nini Kagame awakatae Wanyarwanda wenzie na kuwafanya waishie kukaa Congo ukimbinzini hali yeye alipigana kurudi Rwanda kwa mtutu wa bunduki na hapa anashauriwa kupatana kwa njia ya manai na si mtutu? Ebu Maziku funguka acha kutumia kalamu kukwepa wajibu wa kuelimisha jamii kwa sababu za itikadi zako za kupendelea Watsi. FDLR nao wana haki ya kusihi nyumbani kwao, na unapaswa kujua kwamba demokrasi ya kweli inatakiwa nchini Rwanda na siyio kukamata maadui wako kisa wanataka haki sawa kwa kisingizio cha Genocide.
      Mpaka sasa nashangaa Watsi bado kila mwaka wanakumbuka mauaji ya Kimbari badala ya kusika tofauti yao na kusahau. Kama ni hivyo sasa Gacaca yaani mahakama ya reconciliation ilikuwa ya nini kama siyo kuzika tofauti?
      Chiwa and chasuzy like this.

    13. thatha's Avatar
      JF Senior Expert Member Array
      Join Date : 29th April 2011
      Posts : 12,678
      Rep Power : 18142
      Likes Received
      751
      Likes Given
      14

      Default Re: Rais Kikwete awaombe radhi Wanyarwanda

      warwanda wajinga sana mnataka kuombwa radhi kwa kipi kaeni na ujinga wenu tena mda siyo mrefu mtapgwa na umoja wa mataifa .
      Chiwa likes this.

    14. Kibanga Ampiga Mkoloni's Avatar
      JF Senior Expert Member Array
      Join Date : 10th August 2007
      Location : Here! here!
      Posts : 9,875
      Rep Power : 4295479
      Likes Received
      3047
      Likes Given
      1950

      Default Re: Rais Kikwete awaombe radhi Wanyarwanda

      We jamaa mweupeeE,
      Nenda wakakufundishe tena kuandika.

    15. Kibanga Ampiga Mkoloni's Avatar
      JF Senior Expert Member Array
      Join Date : 10th August 2007
      Location : Here! here!
      Posts : 9,875
      Rep Power : 4295479
      Likes Received
      3047
      Likes Given
      1950

      Default

      Quote By Kasimba G View Post
      umeongea kidiplomasia saana, mi naona kuna logic, ukimwambia mtu kitu asipopendezwa nacho, huna budi kumuomba ladhi, i can see the logic behind, manaake ninachoona ni mpambano usio na tija kwa pande zote mbili!
      Tusi wewe? Au M23 ?

    16. MgonjwaUkimwi's Avatar
      JF Senior Expert Member Array
      Join Date : 10th March 2006
      Location : Abroad
      Posts : 866
      Rep Power : 911
      Likes Received
      172
      Likes Given
      385

      Default

      Ningeshauri wewe uiombe radhi JF kwa bandiko hili linalomdhalilisha rais wetu.

      Ushauri wa JK aliuweka wazi kwenye mkutano uliokuwa wazi. Ushauri wake ulizingatia maslahi ya Tz kwani mapigano ndani ya DRC yana athiri amani mipakani mwa Tz. Sasa wewe ulitaka JK amwite Kagame falagha ili akamwambie madhara ya vita Tz? Kwa kuhofia nini?

      Kwenye post yako unajichanganya: kwanza unasema ushauri ulikuwa sahihi lakini unakuwa mnafiki kwa kutomshauri Kagame aufuate ushauri huo. Kinachosababisha vita DRC sasa sio ushauri wa JK na mahala alipoutolea bali ni kushindwa kwa Kagame kuwatambua maadui wake. Oops sio kushindwa kuwatambua bali nikukataa kuwatambua ili vita iendelee na m23 waendelee kupora almasi kwa manufaa ya Kagame.

      Mgogoro na vita vinaisha kwa makundi hasimu kukutana na kutambuana uwapo wao. Miaka 16 ya vita imepita kati ya Kagame na FDLR na hakuna mshindi. Ni lini Kagame atakubali njia nyingine ya kumaliza vita hii na nikwanini umoja wa mataifa wasijiridhishe kwamba vita hii inanufaisha Rwanda na ndio maana aiishi?

      All in all, labda ni Rwanda tu ambako mtoa ushauri uliosahihi anapaswa kuomba radhi. Mods muwe mnaziyeyusha mada kama hizi, mana zinaweza zitufanye members wengine tupige below the belt!!

    17. Kwetunikwetu's Avatar
      JF Senior Expert Member Array
      Join Date : 23rd December 2007
      Location : Kwetu uswahilini
      Posts : 1,452
      Rep Power : 935
      Likes Received
      267
      Likes Given
      3

      Default Re: Rais Kikwete awaombe radhi Wanyarwanda

      Muanzisha mada inabidi uiombe radhi JF kwa kuturudisha nyuma mambo ambayo tulishajadili hapa kwa undani, unataka kutupotezea muda kuyarudia. Kagame kapigana na FDLR kawashindwa, sasa ni lazima aongee nao! Katumia kisingizio cha FDLR kuiba mali za Congo na kuua raia, sasa kisingizio hicho sasa basi.
      Chiwa, Ukwaju and MTAZAMO like this.
      Hardly a shoemaker goes barefoot..!

    18. Ritz's Avatar
      JF Gold Member Array
      Join Date : 1st January 2011
      Location : Republic of Nauru
      Posts : 30,038
      Rep Power : 78548053
      Likes Received
      13256
      Likes Given
      1962

      Default Re: Rais Kikwete awaombe radhi Wanyarwanda

      Watu kama nyie ndiyo huwa mnawafumania wake zenu kisha unamwambia vaa twende nyumbani, unamwambia nimekusamehe lakini usirudie hata ajakuomba msamaha.

    19. nkasoukumu's Avatar
      JF Senior Expert Member Array
      Join Date : 27th November 2010
      Posts : 316
      Rep Power : 559
      Likes Received
      71
      Likes Given
      0

      Default Re: Rais Kikwete awaombe radhi Wanyarwanda

      kikwete ameongea mahala panapostahili, ile vita haipiganwi faragha kwa hiyo siyo kitu cha siri na sio siri kwamba kagame ni muhusika kikwete usimuombe radhi huyo mtu anaye ongoza mkoa, asdhanii mziki wetu ata uweza tuta wapiga, mpaka watafuniwe uji
      Chiwa likes this.
      ONLY THE FOOLISH DOG BARK AT THE FLYING BIRDS.

    20. kbosho's Avatar
      JF Senior Expert Member Array
      Join Date : 4th June 2012
      Location : dar es saalam
      Posts : 4,910
      Rep Power : 1395
      Likes Received
      874
      Likes Given
      69

      Default Re: Rais Kikwete awaombe radhi Wanyarwanda

      rais wetu anamadhaifu mengi..ila kwa hilo hakukosea na wala awezi kuomba radhi kwa gaidi kagame.
      Chiwa likes this.

    21. Song's Avatar
      Junior Member Array
      Join Date : 5th February 2012
      Posts : 4
      Rep Power : 0
      Likes Received
      2
      Likes Given
      0

      Default Re: Rais Kikwete awaombe radhi Wanyarwanda

      Ukingalia kwa makini huo mtiririko wa matukio utakuja kuona hakukua na sababu ya Msingi kwa Raisi Kikwete kuongelea suala hili kwenye ule mkutano kama kweli nia yake ya dhati ni uondoaji wa tofauti ya serikali ya Rwanda na FDRL kwa njia ya mazungumzo! Mie naona angetumia principle hiyo hiyo anayo idvocate kuwasaidia ndugu zetu na majirani zetu Rwanda....ya kumuita Kagame kukaa naye chini na kuongea nae kirafiki kabisa...kwa sababu mwisho wa siku jukumu linabakia upande wa Kagame kufanya uamuzi wa kukubali kuongea na FDRL au la....najua lisingezaa matunda kwa kikao kimoja au viwili lakini huko mbeleni lingeweza kupewa nafasi ndani ya moyo wa Kagame....anyway halijaharibika kitu coz ata washauri wa Raisi wetu ni binadam wanakosea sometimes....kilichobaki ni Kikwete kujifanya -------- amwite Kagame au hata kama ni kuomba radhi ( which to me is the last option ) wakae, waondoe kwanza hili gape lililopo now la kutunishiana misuli, thn waangalie possibility nyingine ya kukaa na hawa ndugu zet FDRL kutatua migogoro yao! Hili jambo linawezekana ila lina garama kwa njia yoyote utakayotumia! Linaweza likatugarimu

      1.vita kati yetu na Rwanda na muendelezo wa vita kati ya Rwanda na FDRL ambapo hata ndugu zetu ( Watanzania na Warwanda wataathirika kwa kumwaga dam zao au hata athari za kisaikolojia na kiuchumi...kwa sababu vita inagarama kubwa ndugu zangu)

      2. Au kuonekana wajinga kwa kuomba msamaha na kukaa meza moja kirafiki na kutatua hili tatizo...kitu kitakachowasaidia Warwanda na Sisi pia

      I stand to be corrected ila katika maisha yangu mafupi niliyoishi nimeona option ya 2 inakuaga na mafanikio from individual level to the nation al large! Thnx guyz

      Sent from my BlackBerry 9900 using JamiiForums
      Kasimba G likes this.

    22. Clean9

    Page 1 of 8 123 ... LastLast

    Posting Permissions

    • You may not post new threads
    • You may not post replies
    • You may not post attachments
    • You may not edit your posts
    •  

    Who are WE?

    JamiiForums is a 'User Generated Content' site; anyone can register (MUST) and comment or start a new topic.

    You are always welcome! Read more...

    Where are we?

    We have our offices in Dar es Salaam but we still work virtually.

    For anything related to this site please Contact us.

    Contact us now...

    DISCLAIMER

    JamiiForums, its partners, affiliates and advertisers are not responsible for the content of threads/topics that are submitted by users..

    Read more...

    Forum Rules

    JamiiForums is moderated under the rules set by users and moderators to safeguard you.

    You MUST read them and comply accordingly. Read more...

    Privacy Policy

    We are committed to respecting your privacy rights when visiting any JamiiForums.com page, such as this one.

    Read our Privacy Policy. Proceed here...