Topic: Uzalendo wa watanzania

Kwa karibu miaka kama miwili hivi, hisia za uzalendo na kuionea fahari nchi yetu imeanza kuingia na kukita kwa nguvu katika mioyo ya Watanzania. Sitaogopa kusema kuwa hakuna watu katika Afrika ukiondoa labda Waghana wenye kuona fahari sana na nchi yao kama Watanzania hivi sasa. Hata hivyo kwa maoni yangu uzalendo huu wa picha ni uzalendo uliopotoka na unaoficha hasa hisia za wananchi kwa viongozi wao. Kwa namna moja naamini Watanzania wameanza kutofautisha kupenda viongozi wao na kuipenda nchi yao. Sasa hivi hisia hii ya uzalendo imefikia mahali pa kusema "waache waendelee kula, lakini nchini mwetu twalala".

Ni hapa ninapojikuta najiuliza kuwa uzalendo huu wa picha una faida gani katika utendaji na uongozi wa nchi. Je, tunaipenda nchi yetu kweli na kufikia mahali pa kutovumilia uzembe, ugoigoi wa uongozi, na ufinyu wa ubunifu? Je mapenzi yetu ya nchi yanatufanya tusiwaonee haya viongozi uchwara wapendao masihara ambao hutawala kwa mikwara? Ni uzalendo gani tulionao hasa wale walio katika madaraka wa kuona fahari ya nchi yao!.

Katika picha nyingi nilizoziona leo, inaonekana wenye mapenzi sana na wenye kuona fahari zaidi kwa nchi yao ni watu wa kawaida. Tukichukulia mavazi na vibendera kama ishara ya mapenzi hayo, sijaona kiongozi au mfadhili yoyote iliyevaa kitu chochote chenye rangi au alama za Taifa! Na hapa sizungumzii nia na makusidio ya mioyo ya watu, ninajiuliza tu je ni kweli sisi ni wazalendo kwa kuvaa rangi za Taifa na kupepea vibendera vya "Rangi Nne"?

Ni kitu gani hasa kinaweza kutufanya tuoneshe uzalendo wetu pasipo kuvaa rangi hizi za Taifa?

Nimelala nimekesha,Jambo nimefikiria
Bongo nimezichemsha,sipati jibu sawia
Hivi kweli umekwisha?,uzalendo Tanzania?

Ni nani anayejali,adha za Mtanzania?
Yule aliye mkweli,moyoni anaumia
lamuuma Jambo hili, kwa dhati anachukia

Ona walivyoziuza, rasilimali za Watanzania
Kwa kweli inashangaza, mikataba wanayoingia
Kisha tukiwauliza,hawana la kutuambia

Rushwa imekua ngao,kumdhulumu raia
Ubinafsi kwao nguo,vazi la kujivunia
Hizi ndio sera zao?,hawana la kutuambia?

Wananchi amkeni,haki kujitafutia
Mtalala mpaka lini?,saa imeisha wadia
Uwongo ukataeni,waache kuwatania

Hivi ni faida ya nani?,kuvunja demokrasia
Kuwakwaza wapinzani,hili mmeliridhia?
Hivi kweli hatuoni?,yale yanayotokea?

Toeni kauli zenu,wapate kuzisikia
Na mkipiga kura zenu,chagueni wenye nia
Waonyesheni watoto wenu,muelekeo na njia

Wana malenga kazi kwenu sasa!

Naam hata JK kaupata Urais kwa kutumia rushwa

Sumaye: CCM inajichimbia kaburi

na Mwandishi Wetu
Tanzania Daima~Sauti ya Watu

WAZIRI Mkuu mstaafu, Frederick Sumaye, amekitahadharisha Chama Cha Mapinduzi (CCM) kuwa kinajichimbia kaburi endapo kitaendeleza vitendo vya rushwa kwenye uchaguzi pamoja na ufisadi.

Sumaye alitoa kauli hiyo nzito juzi wakati akihojiwa kwenye kipindi cha ‘Jicho Letu Wiki Hii’, kilichorushwa hewani na kituo cha Radio Clouds cha jijini Dar es Salaam.

Alisema wapo wagombea wa CCM ambao wameingia madarakani kwa rushwa na hali hiyo ikiachwa ni hatari na itakuwa sawa na kukichimbia kaburi chama.

Aliitaka jamii inayopokea rushwa kutambua kuwa kiongozi anayeingia kwa rushwa, hawezi kuchapa kazi ipasavyo, kwani atakuwa akitamba kwamba uongozi wake umetokana na rushwa.

“Kiongozi wa aina hiyo hawezi kuwa mchapakazi na atakachokifanya kila anapoingia madarakani, kazi yake ni kukusanya hela kwa njia halali na haramu, ili ukifika wakati wa uchaguzi, awanunue wapiga kura. Kwa hiyo mchezo wake utakuwa hivyo na mwisho wa siku ni sawa na kukichimbia kaburi chama, na hii ni kwa vyama vyote,” alisema Sumaye.

Akitolea mfano kwa upande wake, Sumaye alisema amekuwa kiongozi kwa muda mrefu, lakini hajawahi kutoa rushwa kwa mtu yeyote, ili ampigie kura.

“Mimi nimekuwa kiongozi kwa muda mrefu, sijawahi kutoa rushwa kwa mpiga kura, hata wakati wa uchaguzi wa kuwania nafasi ya ujumbe wa Halmashauri Kuu (NEC), nilikuwa nikiwakuta watu wamekaa vikundi, lakini niliwaambia wazi wazi kuwa siwezi kutoa rushwa, maana lazima niwe kiongozi wa mfano ndani ya chama changu,” alisema Sumaye.

Hata hivyo, Sumaye alisema gharama wakati wa uchaguzi haziepukiki, lakini zisitokane na watu kutoa rushwa.

“Gharama kwenye uchaguzi huwezi kuzikwepa. Kwa mfano, unatoka hapa unakwenda Mwanza kuomba kura, lazima utatumia pesa kusafiri, ila tujitahidi kabisa kuachana na rushwa,” alisema.

Kuhusu suala la kuwania tena kiti cha urais mwaka 2015, Sumaye alisema hafikirii kujaribu tena nafasi hiyo, lakini kama Watanzania watajitokeza na kumtaka awanie kiti hicho, anaweza kufikiria.

Sumaye alitetea uamuzi wake wa kwenda nje kusoma kuwa haukuwa na malengo ya kisiasa, bali alitaka kupumzika na kubadilishana mawazo na watu wa mataifa mengine.

“Baada ya kumaliza muda wangu, niliamua nikapumzike, lakini sikutaka kupumzika bila kufanya kitu fulani, hivyo nikaamua kwenda shule, nikawa naishi maisha ya kawaida kabisa bila walinzi, nilikuwa najipikia, nafua na hata kunyoosha nguo zangu mwenyewe, lakini sikuwa na nia ya kuongeza elimu ili niwe rais,” alisema.

“Urais tena basi, kwa sababu ya umri na nimeshakuwa kiongozi kwa muda mrefu. Kwa sasa tuna mzee Kikwete, bado ana miaka saba, tumwombee heri, lakini itakapofika muda huo, tutaangalia, ila binafsi sitaki tena kuwania nafasi hiyo,” alisema Sumaye.

Sumaye hadi sasa ni waziri mkuu pekee mstaafu nchini aliyetumikia nafasi hiyo kwa miaka 10 mfululizo, chini ya serikali ya Rais mstaafu Benjamin Mkapa.

Wakati Kolimba aliposema CCM imekosa dira na mwelekeo, walimkalisha chini Dodoma na kupitia vitisho na hata hongo akapata mshituko na kupoteza maisha yake.

Natamka wazi kuwa CCM haina Uzalendo!

Zaidi ya kuwa ilishapoteza dira na mwelekeo tangu ilipokumbatia Azimio la Zanzibar, CCM tangu wakati huo imepoteza Uzalendo.

Tulipigana vita dhidi ya Wakoloni na mamluki mpaka makaburu. Ukweli ni kuwa adui wa maendeleo ya Tanzania ni CCM.

Waliowajamaa China, Urusi, Cuba, Korea na kwingineko pamoja na kuingia katika mfumo mpya wa uchumi na demokrasia, wameweka Uzalendo mbele.
CCM wanaendelea kuuza nchi na kukosa Uzalendo, hawana hata woga au aibu.

CCM haitufai Watanzania, CCM si Wazalendo, CCM ni makuwadi wa Mabepari na Wanyonyaji!

Je chama tawala chaweza kukosa uzalendo? na mzalendo ni nani hasa?

Mzee Mwanakijiji,

CCM chama tawala inajipende nafsi yake kwanza. Ibara ya 15.1 inasema hivyo. Matendo ya CCM na viongozi wake ni dhahiri si kwa manufaa ya Taifa bali manufaa ya CCM hivyo kwa mfumo wa kisiasa tulionao CCM haina Uzalendo.

Sikupata tafsiri kamili kwa kiswahili lakini merriam-webster inatupa tafsiri kwa kiingereza maana ya Uzalendo na Mzalendo.

Main Entry: pa·tri·ot Pronunciation: \ˈpā-trē-ət, -ˌät, chiefly British ˈpa-trē-ət\ Function: noun Etymology: Middle French patriote compatriot, from Late Latin patriota, from Greek patriōtēs, from patria lineage, from patr-, patēr father Date: 1605 : one who loves his or her country and supports its authority and interests

Main Entry: pa·tri·ot·ism Pronunciation: \ˈpā-trē-ə-ˌti-zəm, chiefly British ˈpa-\ Function: noun Date: circa 1726 : love for or devotion to one's country

Wikipedia wanaendelea kutoa ufafanuzi wa Uzalendo

Patriotism denotes positive and supportive attitudes to a 'fatherland' (Latin patria < Greek patris, πατρίς), by individuals and groups. The 'fatherland' (or 'motherland') can be a region or a city, but patriotism usually applies to a nation and/or a nation-state. Patriotism covers such attitudes as: pride in its achievements and culture, the desire to preserve its character and the basis of the culture, and identification with other members of the nation. Patriotism is closely associated with nationalism, and the terms are often used synonymously. Strictly speaking, nationalism is an ideology - but it often promotes patriotic attitudes as desirable and appropriate. (Both nationalist political movements, and patriotic expression, may, yet need not, be negative towards other people's 'fatherland').
Patriotism has ethical connotations: it implies that the 'fatherland' (however defined) is a moral standard or moral value in itself. The expression my country right or wrong—perhaps a misquotation of the American naval officer Stephen Decatur, but also attributed to Carl Schurz—is the extreme form of this belief. Patriotism also implies that the individual should place the interests of the nation above their personal and group interests. In wartime, the sacrifice may extend to their own life. Death in battle for the fatherland is the archetype of extreme patriotism.

Naona BAK sie mzalendo, kwani amepindisha sana kichwa cha hiyo habari....

Sumaye naye kama ni muumini wa uzalendo ilitakiwe aulizwe kwa nini aliwahi kutamka kuwa "kama mtu anataka mambo yake yamnyookee aingie CCM"....mie naona ana tu-enjoy tu, Sumaye hana lolote la kuikosoa CCM wakati yeye ameshiriki dhambi zao nyingi, ni sawa na Basil Mramba leo aliyekuwa anakosoa Sera za Biashara na Viwanda wakati anachangia bungeni wakati yeye mwenyewe ndiye aliyekuwa Waziri wa Viwanda na Biashara juzi tu...Watu kama hawa wanatakiwa kusutwa mchana kweupe...Tunayapa hasara masikio yetu kuwasikiliza.

Mnapoambiwa CCM imepoteza dira haina maana ya jina ila hao viongozi na waongozwa wote hawajui wanachokifanya,walichonacho ni kila mmoja kutafuta njia za kuiba akimbie au ajiuzulu.

By Rev. Kishoka

Wakati Kolimba aliposema CCM imekosa dira na mwelekeo, walimkalisha chini Dodoma na kupitia vitisho na hata hongo akapata mshituko na kupoteza maisha yake.

Natamka wazi kuwa CCM haina Uzalendo!

Zaidi ya kuwa ilishapoteza dira na mwelekeo tangu ilipokumbatia Azimio la Zanzibar, CCM tangu wakati huo imepoteza Uzalendo.

Tulipigana vita dhidi ya Wakoloni na mamluki mpaka makaburu. Ukweli ni kuwa adui wa maendeleo ya Tanzania ni CCM.
Waliowajamaa China, Urusi, Cuba, Korea na kwingineko pamoja na kuingia katika mfumo mpya wa uchumi na demokrasia, wameweka Uzalendo mbele.
CCM wanaendelea kuuza nchi na kukosa Uzalendo, hawana hata woga au aibu.

CCM haitufai Watanzania, CCM si Wazalendo, CCM ni makuwadi wa Mabepari na Wanyonyaji!

Take five REV

By Kinto

Sumaye naye kama ni muumini wa uzalendo ilitakiwe aulizwe kwa nini aliwahi kutamka kuwa "kama mtu anataka mambo yake yamnyookee aingie CCM"....mie naona ana tu-enjoy tu, Sumaye hana lolote la kuikosoa CCM wakati yeye ameshiriki dhambi zao nyingi, ni sawa na Basil Mramba leo aliyekuwa anakosoa Sera za Biashara na Viwanda wakati anachangia bungeni wakati yeye mwenyewe ndiye aliyekuwa Waziri wa Viwanda na Biashara juzi tu...Watu kama hawa wanatakiwa kusutwa mchana kweupe...Tunayapa hasara masikio yetu kuwasikiliza.

Hivi hili gazeti au redio wana agenda gani na Sumaye? Wameshindwa kumuuliza swali kama hili au?

By Mzee Mwanakijiji

Je chama tawala chaweza kukosa uzalendo? na mzalendo ni nani hasa?

Mwenye uwezo wa kuonyesha uzalendo kwa vitendo?

By Mzee Mwanakijiji

Je chama tawala chaweza kukosa uzalendo? na mzalendo ni nani hasa?

Chama Cha CCM kinauzalendo tele... tatizo ni wanachama wake..

Tatizo wanachama!?! Kwani chama kinaweza kuwa chama bila wanachama? Hivi unaweza kwua na chama safi chenye wanachama wachafu?

Mwambieni ataje MALI zake kama alivyofanya mwaka 1995 halafu tuupime UZALENDO wake.

By Mpita Njia

Tatizo wanachama!?! Kwani chama kinaweza kuwa chama bila wanachama? Hivi unaweza kwua na chama safi chenye wanachama wachafu?

Ninacho maanisha ni CCM in baadhi ya wanachama ambao sio wazalendo ndiyo wanafanya chama chote kionekane sio wazalendo, " Its kind of unfair to judge the whole party by the actions of a few....

Ninaona viongozi wetu hawana uzalendo na nchi yao kwa sababu ya matendo yao na vitu wanavyofanya wakiwa viongozi, natolea mfano vitu vichache na kama kuna vingine naomba wana JF muongezee,

1. Mikataba ya madini ambayo imefanywa bila maslahi au kutokujali wananchi pamoja na nchi (Tanzania) halafu kinachosikitisha zaidi hata kiongozi mkuu Raisi anajua hilo na hajafanya lolote kuhusu mikataba. Mikataba ambayo pia iliwekwa wakati wa Raisi aliyepita na yeye alikaa kimya bila ya kufuatilia mikataba iliyowekwa na kibaya zaidi hata yeye mwinyewe anahusika na kujiuzia kwa bei ya kutuba migodi ya Kiwira. Sasa ninachojiuliza je hao maraisi, Mawaziri na makatibu wakuu waliokuwa wanaingia mikataba hiyo je wana Uzalendo?
   
2. Kuuza karibu kila kitu kwa makampuni ya nje mfano Kilimanjaro Hotel, na mashirika mengine mengi. kwani Wa-Tanzania hatuwezi kuendesha kitu chochote? au kwa sababu viongozi hawana uzalendo na wanajiona hawawezi kuongoza ndio maana wanaona wageni ndio wanafaa?
   
3. Viongozi kupokea misaada ya ki-Chama mf CCM walipokea Mil 400 kwa ajili ya UVCCM, ni kwa nini huwa hawafanyi hivyo mara nyingi kwenye mambo ya maendeleo? mara nyingi ni watu wa kawaida wanaofanya hivyo ili kusaidia watu kwa nini viongozi hawafanyi? na wakati wa kampeni wanatumia hela nyingi kutoa t-shirts, khanga na pilau badala ya kutoa mambo ya maendeleo? mf Trekta. Je ni kwa sababu hawana Uzalendo?
   
4. Kununua vitu vya zamani/takataka, vitu vilivyotumika na vibovu vinanunuliwa kwa bei ambayo ni kubwa kuliko bei ya kitu kipya, mf rada, helkopta na magari ya kijeshi, ndege za ATCL, mitambo ya RDC/Dowans?. Kuna siku hapa JF niliwahi kuuliza bei ya mtambo kama wa Dowans nilipewa bei ya mtambo mpya na wenye waranty within 1 hour, kweli wanashindwa kupata vipya? au hata si waje kuuliza hapa? au ndio hivyo kwa sababu ya kukosa Uzalendo?-- Naomba kuuliza hivi magari wanayoletewa wabunge yanakuwa mapya au yamechoka? (kama mapya kwa sababu ni ya kwao ndio maana?)
   
5. Nimesoma humu leo kwamba Waziri Mkuu analalamika/anaongelea kuhusu magari ya kifahari 800 yaliyoagizwa na sio kitu cha maendeleo kama ma-trekta ambayo yangesaidia wananchi, je kiongozi aliyeagiza na kupitisha hayo magari kuagizwa hana uzalendo?
   
6. Viongozi wengine familia zao zinaishi nje ya nchi mf Mgonja. Ni kweli hawa watu wanauzalendo? na kwa nini wanapewa uongozi?
   
7. Wabunge wetu baada ya kuchaguliwa tuu walidai mishahara mipya/ mikubwa na marupurupu na vitu vingine na wakati wakijua kwamba mishahara ya wananchi ni midogo na haiwatoshelezi, je kweli hawa viongozi wana uzalendo?

-hii kitu sijui ni kwa Wa-Tanzania woote au ni nini? nakumbuka wakati najiandaa kuingia UDSM (ingawa sikusoma hapo) wanafunzi wengi walisema wakipewa mikopo hawana mpango wa kuirudisha na walitoa sababu nyingi nyingi kwa nini wasilipe!, je ndiyo akili ambayo viongozi wengi wanaingia nayo wakiwa madarakani? ni ukosefu wa uzalendo au ndivyo wa-Tanzania tulivyo tukiwa nje ya uongozi tuna kelele ila tukiingia kwenye uongozi uzalendo unatushinda na kuanza kuwa ccm (chukua chako mapema)?
-Mambo mengi yanapitishwa Bungeni na ni wabunge wachache wanasimama na kupinga, je wabunge wasio pinga mambo ambayo hayana faida kwa Taifa/wananchi hawana Uzalendo!.

Lusajo , naungana na wewe kwa asilimia mia moja na moja.
Uongozi wa nchi hii sasa hivi unakosa maadili yanayo hitajika kwa ajili ya kuongoza wananchi.
Mwalimu alisema ili kuendelea twahitaji vitu vinne
1 watu
2 ardhi
3 siasa safi
4 uongozi bora

Mwalimu aliona mbali, na huu si ukomunisti wala usoshalisti.
Tatizo kubwa kati ya viongozi wetu ni kutokuwa na dira ya uongozi wa umma.
Sasa hivi kuna
- oungozi wa kurithishana,
-uongozi wa kujinuafaisha(kuuziana nyumba,miradi kupelekwa kwa walio kwenye madaraka)
-uongozi ambao umekaa madrakani(baadaya kurithishana) muda mrefu mno, hivyo kuanza wizi,ulaghai, mikataba ya kujinufaisha n.k.
Hii inayoitwa grand corruption ambayo mheshimiwa JK anaishughulikia sasa hivi ,ni jitihada za kutatua mapungufu makubwa yanayo tokana na kukosekana na utashi wa uongozi wenye uadilifu.