Topic: Lowassa: Mkapa alikuza uchumi, JK punguza matumizi

Waziri Mkuu aliyejiuzulu na Mwenyekiti wa kamati ya mambo ya nje, ulinzi na usalama Mh. Edward Lowassa atazungumzia mgogoro wa Malawi kuhusu ziwa nyasa na pia ugawaji vitalu migodini Katika Kipindi cha SAA 3.00: DAKIKA 45 Kupitia Runinga ya ITV.

Najiuliza maswali alistaili kuongelea haya? Mbona Bungeni huwa mkimya sana? Je Jimbo lake halina matatizo? Ungependa aulizwe maswali gani?

By Njoka Ereguu

21 August 2012 | Gazeti la Mwananchi

WAZIRI Mkuu aliyejiuzulu, Edward Lowassa ameitaka Serikali ya Rais Jakaya Kikwete kupunguza matumizi na kufanya uamuzi wa kukuza uchumi kama ilivyokuwa wakati wa mtangulizi wake, Rais Mstaafu Benjamin Mkapa.

Lowassa alisema, Mkapa alifanya uamuzi mgumu kiuchumi uliowezesha nchi kupiga hatua zaidi kimaendeleo ikilinganishwa na sasa ambapo taifa limekumbwa na mfumuko mkubwa wa bei.

“Serikali ipunguze matumizi ili kupunguza Inflation (mfumuko wa bei) kwani ni tatizo kubwa,” alisema Lowassa katika kipindi cha dakika 45 kilichorushwa na Kituo cha Televisheni cha ITV juzi usiku na kuongeza:

“Rais Mkapa wakati wake alifanya maamuzi mengi ya uchumi, lakini pamoja na wakati wake watu kuuita ukapa, bado alifanya maamuzi mazuri na uchumi ukaenda juu.”

Lowassa alimsifu Mkapa akisema, alifanya uamuzi mgumu wenye lengo la kukuza uchumi na kuyasimamia jambo ambalo linapaswa kuwa mfano kwa Serikali zingine.

“Tusikubali hivyo, tufanye maamuzi ya msingi na tuyaeleze hivyo… Rais Mkapa wakati wake alifanya maamuzi ya kiuchumi akayasimamia, sasa tufanye maamuzi ya namna hiyo na kuyasimamia," alisema Lowassa na kuendelea:

“Mfumuko (wa bei) umefikia asilimia 17.9. Imekuwa hivyo kwa muda mrefu. Wakati wa Rais Mkapa ulishuka zaidi.”

Alisema Serikali ya Rais Kikwete imefanya mambo makubwa, lakini inatakiwa kubana matumizi ili ukuaji wa uchumi umnufaishe mwananchi wa kawaida.

Lowassa ambaye ni Mwenyekiti wa Kamati ya Bunge ya Mambo ya Nje, Ulinzi na Usalama, alisema ili ukuaji wa uchumi umnufaishe mwananchi wa kawaida, lazima mambo matano yafanyike. Alitaja mambo hayo kuwa ni pamoja na usalama wa chakula, upatikanaji wa mafuta na kilimo cha mashamba makubwa.

“Lakini la muhimu zaidi ni Serikali kupunguza matumizi. Lazima Serikali ipunguze matumizi ili kupunguza ‘inflation’ (mfumuko wa bei) lazima kupunguza matumizi, lazima sana,” alisisitiza Lowassa.

Kuhusu usalama wa chakula, Lowassa alitaka wakulima waruhusiwe kuuza mazao yao nje ya nchi bila bughudha.

“Kuna maeneo ambayo nadhani hatujayafanyia kazi, moja ni ‘Food Security’ (usalama wa chakula). Tuangalie uwezekano wa kuongeza hizo barabara zitumike kuwasaidia wakulima,” alisema na kuongeza:

“Kwa mfano wanalima mazao yao Rukwa, tusiwalazimishe kuyauza Arusha kwa sababu gharama za kuyatoa mahindi kutoka Rukwa hadi Arusha ni kubwa mno…Anayetaka kuuza Kenya auze, anayetaka kwenda Burundi ayapeleke. Wakulima wapate nafasi ya kuuza mazao yao kwa uhuru kwa haraka na kwa bei nzuri, hilo ni muhimu sana,” alisema Lowassa.

Kuhusu suala la mafuta alisema ,aliishauri Serikali kununua mafuta kwa wingi wakati wa bei ni nzuri.

Aliitaka Serikali kuchukua uamuzi mgumu katika kuimarisha kilimo cha mashamba makubwa na matumizi ya zana za kilimo za kisasa hasa matrekta.

“Trekta ni muhimu sana… Serikali inajitahidi, imeleta matreka mengi ya kutosha… tuongeze mengine, tuondoke kwenye jembe la mkono,..haliwezi kututoa kwenye umaskini,”alisema Lowassa na kuongeza:

“Hata wakati wa Nabii Bwana Yesu, watu walishahama kwenye jembe la mkono… unakumbuka ile habari ya mtu aliyealikwa kwenye sherehe akasema ‘mimi nimenunua jozi ya ngombe nakwenda kulijaribu’ walikuwa wameshahama, sisi mpaka leo tuko na jembe la mkono, haiwezekani.”

Kauli hiyo ya Lowassa imekuja wakati kukiwa na malalamiko kutoka kwa wananchi na wadau wa siasa kuitaka Serikali ipunguze matumizi hasa katika ununuzi wa magari ya kifahari na safari za ndani na nje za viongozi wa Serikali

By sir.JAPHET

Nasubiri kumuona,, akiongea pumba naendelea kujiandalizia man untd live van prsie

msubiri Jk aje kutoa tamko.

Kipindi ni rekoded nikiuliza swali hapa atalijibuje?

Haya swali,anatoa maoni gani kufiatia taarifa ya watz walioficha fedha uswis?

By idawa

hivi hiki kipindi kinakuwaga live au kinakua kimesherodiwa.!

recorded n edited

haya baadaye kidogo atakuja membe hapo kusawazisha

ana maoni gani juu ya gharama za UMEME?

By Seif al Islam

haya baadaye kidogo atakuja membe hapo kusawazisha

then KIKWETE kupitia wazee wa MUSOMA

Naona huwa napita humu na kusoma,
HONGERA LOWASSA KWA KUDESA, Sasa Sijuhi kama ume ACKNOWLEDGE SOURCE:

MBONA WANAUZA KILA KITU: 4th Tanzania Offshore Licensing Round

Bado hajaanza kuongea

Tatizo litakuwa kwa Semunyu maana EL atamubuliza na siku zote jamaa huwa na atekwa mawazo na wageni wake studio.

Muda mwingine anakoswa hata swali la maana ama anabaki kurudia rudia yaliyosemwa na mgeni wake;

mi naomba ndugu zangu, niko mbali.. mtakao angalia, mtuelezee ni nini ataongelea then ndo nitatoa maoni

Hebu tizameni ITV sasa Lowasa anahojiwa.

Kasema afya yake iko safi kabisa ila watu wanatunga habari, anachoumwa yeye ni jicho.

Pia kaongelea kuhusu kauli ya kutangaza vita, kakana kasema wamamnukuu si sawa.

Sasa anaongelea mgogoro na Malawi kwa ujumla.

Tupe update mkuu... Huyo ndio Rais wetu mtarajiwa

Mi cpo mbali na tv ila cmuhitaji mtu huyu 4ril

By usungilo

zimerudi thread za huyu jamaa. Urais unatafutwa hata kwa damu.

Huyo ndiyo Rais wetu na Inshaalah Allah atamuongoza vyema kuwa Rais wa JMT

awashangaa kwa kupotosha ukweli hakana si kweli alitangaza vita bali kama mwenyekiti wa kamati aliunga mkono mapendekezo ya selikari

Du sijafika home. Nasikitika kuikosa hii Tanziwood movie!!!

mwandishi kasoma chuo cha kimjini mjini unategemea nini

By Bajabiri

then KIKWETE kupitia wazee wa MUSOMA

Baadae sana Slaa kupitia Wazee wa Kanisa

lowassa anapapatika tu.naona lile tamko lake la vita linamuandama na limemkalia vibaya.
Jitihada za kujisafisha naona zimegonga mwamba.
Mbaya zaidi hali ya afya bado inatia shaka.

Anaunga mkono kauli ya serikali kuhusu suala la Malawi na kwamba magazeti yalipotosha kwamba yeye ametoa kauli kama amiri jeshi mkuu

Amezungumzia pia afya yake na kusema yuko fiti kwa hali yeyote ile na kwamba ni upotoshaji kusema ana stroke...kwamba hizo ni siasa za watu na malengo yao