Topic: Nape azungumzia Harambee ya CHADEMA, wamjibu na kusema kakurupuka!

NA MWANDISHI WETU

CCM imesema imesikitishwa na iliouita usanii mkubwa unaofanywa na Chadema, kuwahadaa Watanzania kwa kufanya harambee kwa lengo la kuhalalisha mabilioni ya chama hicho yanayodaiwa kutolewa na wafadhali kutoka mataifa tajiri duniani.

Katibu wa Halmashauri Kuu ya Taifa ya CCM, Itikadi na Uenezi, Nape Nnauye aliyasema hayo leo, Agosti 12, 2012, wakati akizungumza na waandishi wa habari, kwenye Ofisi Ndogo ya Makao Makuu ya CCM, mtaa wa Lumumba jijijni Dar es salaam.

“Itakumbukwa mara kadhaa Chadema wamekuwa wakiitisha harambee za kisanii kwa kujaribu kuwahadaa baadhi ya Watanzania kwa kuwaomba wakichangie chama hicho huku viongozi wa chama hicho wakijua kuwa tayari wameshapata mabilioni toka kwa wafadhili wao. Mfano mzuri wa usanii huu ni juzi siku ya Jumamosi, Agosti 10, 2012, kwenye hoteli ya Serena ambapo walifanyika kiini macho cha harambee na kurushwa moja kwa moja na kituo kimoja cha televisheni." alisema Nape.

Alisema ,umekuwa ni utamaduni wa Chadema kuhadaa watu kwa kuitisha harambee za kisanii kina wanapokuwa wameshapewa mabilioni ya fedha na wafadhili wao, ili mradi wahalalishe kuwa fedha wanazotumia zimetokana na michango ya watanzania wakati si kweli.

Nape alisisitiza kuwa CCM wanao ushahidi kuhusu zinakotoka fedha na mikataba wanayoingia Chadema na wafadhili hao na kudai kuwa kama hawatasema wenyewe basi yeye (Nape) ipo siku atawasaidia kwa kutaja wafadhili hao na kuanika hadarani mikataba hiyo.

“Tunao ushahidi wa kutosha unaoonyesha mabilioni waliyopewa Chadema juzi na wafadhili kutoka nje ya nchi kwa lengo la kuendeleza operesheni zao mbalimbali nchini. Cha kushangaza badala ya kuwaambia wanachama wao na Watanzania kwa jumla mikataba na wanakoyapata mabilioni haya, wanawahadaa kwa kuwachangisha na kugeuza mapato hayo mtaji wa baadhi ya watu binafsi ndani ya chama”, Alisema Nape

Nape alidai kwamba, siri kubwa inayofichwa kuhusu mikataba na mabilioni wanayopewa Chadema ni kwa sababu wanaotoa fedha hizo wana ajenda ya kunyemelea rasilimali za nchi hii zinazoanza kuonyesha matumaini ya kuwepo kwa wingi ili wapate kizikwapua kwa urahisi kupitia mgongo wa chama hicho.

"Kwanini mabilioni hayo yanatolewa kwa Chadema wakati huu ambapo sasa Tanzania imo katika kufanya utafiti na ugunduzi wa rasilimali mbalimbali zikiwamo gesi na mafuta? Na Je ufadhili huu kwa Chadema licha ya kufichwa sana na kufanywa siri, una nia njema kwa nchi yetu na rasilimali za nchi yetu? Kwanini ufadhili huu wa mabilioni unafanywa siri ya watu wachache hata ndani ya chama chenyewe?", Nape alihoji.

Alisema, hatua hiyo ya Chadema itaitumbukiza Tanzania katika machafuko yasiyoisha, kama ambavyo inashuhudiwa katika baadhi ya nchi zenye rasilimali kama madini ambako nchi zenye utajiri wa fedha zilijipenyeza kupitia walioitwa wapambanaji wa uhuru na haki katika nchi hizo na hadi sasa hakuna amani.

"Migogoro mingi tunayoshuhudia hasa katika nchi zinazoendelea pamoja na kuwepo sababu zingine lakini moja ya chanzo kikubwa ni uwepo wa utajiri wa rasilimali mbalimbali ambapo mataifa makubwa huzitamani na njia pekee ya kuzipata kwa urahisi ni kuchochea migogoro ya ndani na hivyo kuwa rahisi kupora rasilimali hizo wakati wenye nchi wanahangaika katika migogoro na kuachwa wakiwa masikini wa kutupwa huku waadhirika wakubwa wa migogoro na vita hivi vikiwanufaisha wakubwa.” Alisema Nape.

Nape alitoa mwito kwa Watanzania kuwa ni muhimu macho na ulaghai huo wa Chadema na wafadhili wao na kukitaka chama hicho na wafadhili wao kama kweli wana nia njema na Tanzania, waweke wazi mashariti ya ufadhili huo wa mabilioni ya fedha ili Watanzania wote wajue kama yana manufaa kwao au la hasa ikizingatiwa kuwa vyama vya siasa hapa nchini vinaendeshwa kwa fedha za walipa kodi, hivyo Watanzania wana haki ya kujua.

Pamoja na kuwataka kuweka wazi mashariti yanayoambatana na mabilioni hayo Nape aliwataka Chadema waseme hadharani wenyewe kwamba wamepewa mabilioni hayo, na kuwataka waache mara moja kuwahadaa Watanzania na kujaribu kujipachika kuwa ni Chama cha wanyonge kinachotegemea kujiendesha kwa michango ya watanzania huku wakiendelea kuchukua mabilioni kwa siri kutoka nje.

“ Wasipowaeleza watanzania ukweli , tutawasidia kuwaeleza watanzania ukweli wa kiasi halisi cha mabilioni haya, walikozitoa na mikataba waliyoingia. Lengo la hili ni kuhakikisha kuwa nchi yetu haiwekwi rehani kwa uroho wa madaraka wa baadhi ya wana siasa.” Nape alisema.

Nape akawaasa wanasiasa, kuendesha siasa za nchi kwa kuzingatia uzalendo na kukwepa kudumbukia kwenye tamaa za madaraka kujisahau na kuwa tayari hata kuweka nchi rehani, hasa kipindi hichi ambapo ugunduzi wa rasilimali mbali mbali hasa madini, gesi na mafuta vikiwa vinashika kasi nchini na kwamba ugunduzi huo uwe baraka kwa nchi badala ya laana na kuwa chanzo cha kuiuza nchi.

By John Mnyika

Katika mitandao ya kijamii kumesambazwa habari zikimnukuu msemaji wa CCM kutoa madai mbalimbali ya uzushi katika mkutano na waandishi wa habari kuhusu CHADEMA baada ya CHADEMA kuendelea kutekeleza mikakati na mipango yake ya kuwaunganisha watanzania kupitia falsafa ya ‘nguvu ya umma’ katika kuchangia vuguvugu la mabadiliko (M4C) katika maeneo mbalimbali nchini.

Nitatoa tamko kamili na kueleza hatua za ziada baada ya kupata taarifa iliyotolewa kwa ukamilifu, hata hivyo kuhusu madai yaliyokwisha sambazwa kwenye mitandao ya kijamii na CCM nachukua fursa hii kutoa kauli ya awali kama ifuatavyo:

Kuibuka huku kwa CCM na kufanya propaganda chafu ni ishara ya kwamba CCM inaumizwa na namna ambavyo watanzania wanajitokeza kuunga mkono CHADEMA kwa hali na mali hivyo CCM sasa inatapatapa kujaribu kudhibiti wimbi la mabadiliko kwa kutumia siasa chafu. Mwenyekiti wa CCM Rais Jakaya Kikwete anapaswa kueleza watanzania iwapo mikakati hiyo michafu ina baraka zake na za serikali anayoiongoza kwa kurejea pia madai yaliyotolewa na Waziri wa Ofisi ya Rais (Mahusiano na Uratibu) Steven Wassira kuwa CHADEMA itasambaratishwa katika kipindi cha mwaka mmoja kwa mbinu mbalimbali.

CCM kwa kuwa imekuwa na kawaida ya kufanya usanii kuhalalisha fedha haramu kama ilivyofanya kwenye chaguzi zilizopita baada ya viongozi waandamizi wa CCM na makada wake kuchota fedha za chafu kifisadi kama zile za kutoka kwenye Akaunti ya Madeni ya Nje (EPA) na vyanzo vingine vichafu na kuzisafisha kupitia harambee za hadaa zilizofanywa na CCM kwa nyakati mbalimbali; inataka kuichafua CHADEMA inayopata fedha kutoka vyanzo halali kwa njia za wazi ili kukatisha tamaa umma wa watanzania unaochangia vuguvugu la mabadiliko.

Viongozi wa CCM wameamua kujidanganya, kuidanganya Serikali yao na kujaribu kuwapotosha watanzania lakini CHADEMA inatambua kwamba watu wachache wanaweza kudanganyika kwa muda mchache lakini si watu wote wakati wote; na kwamba watanzania wa leo kwa uwingi wao hawawezi kudanganyika na uzushi wa kijinga wa CCM.

Ni ukweli ulio wazi kwamba CHADEMA imekuwa ikifanya harambee kwa uwazi kwa nyakati mbalimbali katika kumbi na katika mikutano ya hadhara ikiwemo ya vijijini ambapo michango hutolewa kwa uwazi, aidha michango kwa njia ya simu inaweza kufuatiliwa na kuthibitisha bila shaka yoyote kwamba watanzania wameamua kuchangia mabadiliko ya kweli.

Madai ya CCM kuwa CHADEMA imepokea au itapokea mabilioni ya shilingi kutoka mataifa ya nje ni ya uzushi na narudia kwa mara nyingine tena kuitaka CCM itaje majina ya serikali, taasisi ama makampuni ya nje ambayo CCM inadai kwamba CHADEMA imepokea mabilioni ya shilingi katika siku za karibuni au inatarajia kupokea.

Badala ya CCM kuisingizia CHADEMA ilipaswa CCM ieleze watanzania orodha ya vigogo wa Serikali inayoongozwa na wanachama waandamizi wa CCM ambao wanaelezwa kuwa na akaunti nchini Uswisi na nchi zingine wakituhumiwa kupewa fedha za kifisadi kutoka kwa makampuni ya utafutaji wa mafuta, gesi asili pamoja na uchimbaji wa madini.

CCM ilipaswa ieleze watanzania sababu za kuendelea kusuasua kujivua magamba ya ufisadi kinyume na maazimio ya CCM yaliyofikiwa baada ya msukumo wa CHADEMA kutaja orodha ya mafisadi kwa kuwa kati ya mafisadi hao ni pamoja na viongozi wa CCM walioiingiza nchi katika mikataba mibovu.

By John Mnyika

WanaCCM mtanisamehe, lakini imenibidi kutoa kauli hii ya awali kufuatia madai ya uzushi na ya kijinga yaliyotolewa na Msemaji wa CCM dhidi ya CHADEMA

Madai kama haya yanaendelea kudhihirisha kuwa taifa letu limefika hapa lilipo kwa pamoja na sababu zingine ‘upuuzi wa CCM’. CHADEMA haijawahi kufadhiliwa mabilioni kutoka nje, michango kwenye M4C iwe ni kwenye kumbi za hoteli au vijijini tunapochangiwa na wananchi wenye kutaka mabadiliko ya kweli ni ishara ya imani ambayo watanzania wanayo kwa CHADEMA.

Badala ya CCM kuisingizia CHADEMA kuwa inafadhaliwa na mataifa ya nje kupora rasilimali za nchi ikiwemo mafuta na gesi yanapaswa kupuuzwa kwa kuwa CCM ndio inao wajibu wa kuwatajia watanzania viongozi wa Serikali na CCM waliongiziwa mabilioni Uswisi kuingia mikataba mibovu ya rasilimali za nchi yetu.

Aidha, CHADEMA imekuwa mstari wa mbele kuwataja kwa majina wanaoingia mikataba mibovu ikiwemo kwenye madini, CCM kwa kuwa ilikubali kuwa ina magamba ya ufisadi irejee kwenye orodha ya mafisadi na kuchukua hatua ya kujivua gamba badala ya kufanya siasa chafu dhidi ya CHADEMA.

Majibu zaidi mnaweza kuyasoma kwenye mnyika.blogspot.com na kuendelea kuunganisha nguvu ya umma kupitia CHADEMA katika kuwezesha Tanzania kupata uongozi bora, sera sahihi, mikakati makini na oganizesheni thabiti kwa maendeleo endelevu ya taifa letu na watu wake wote bila kujali itikadi. Hakuna Kulala, Mpaka Kieleweke

Dr. Slaa: Nape kakurupuka!

*Aponda hoja zake, adai hazina tija
*Mjumbe NEC naye amshangaa

KATIBU Mkuu wa Chama cha Demokrasia na Maendeleo (Chadema), Dk. Willbrod Slaa, amesema kamwe hawezi kujibizana na hoja za kukurupuka zilizotolewa na Katibu wa Itikadi na Uenezi wa Chama Cha Mapinduzi (CCM), Nape Nnauye.

Kauli ya Dk. Slaa, imekuja siku moja tu baada ya Nape kukituhumu Chadema kuwa kimekuwa kikiendesha harambee za kukusanya fedha, jambo ambalo ni sawa na usanii mtupu.

Akizungumza na MTANZANIA mjini Dar es Salaam jana, Dk. Slaa alisema Nape si saizi yake kisiasa na wanachokifanya CCM ni kuweweseka na jinsi chama chake, kinavyozidi kukubalika kwa Watanzania.

Alisema CCM, wamekuwa wakikurupuka kutoa hoja ambazo hazina msingi na badala yake zimekuwa na mrengo wa kuwachanganya Watanzania.

“Kwanza napenda kusema Nape si saizi yangu … hoja zake zote nazipuuza, zimejaa propaganda na uchochezi kwa Watanzania.

“Inashangaza kusikia watu hawa wanatuhumu chama chetu, eti kinapokea fedha chafu, inashangaza kuona wao ndio polisi, usalama wa taifa na Benki Kuu (BoT), sasa inakuwaje wanaacha fedha hizi zinaingia nchini?” Alihoji Dk. Slaa.

Alisema inaonyesha wazi namna ambavyo Nape amekosa hoja za msingi za kuwaambia Watanzania.

Alisema atafurahi kusikia Nape anataja mataifa ambayo yamekuwa yakitoa fedha kuifadhili Chadema, kwani kufanya hivyo kutasaidia kupunguza propaganda.

Alisema kuna sheria ya kudhibiti fedha chafu ambayo imepitishwa na Bunge, sasa inakuwaje utekelezaji wake unakuwa mgumu.

“Nawaomba Watanzani watuelewe tunachofanya, kwani kuendelea kuwasikiliza watu hawa tunapotezea mud wetu.

“Watanzania wanatakiwa kufahamu, kuwa umoja wa utaifa unavurugika kutokana na uchochezi kutoka kwa viongozi au watu waliopewa dhamana ya kusimamia na kulinda amani.

“Nimechoshwa na kujibu hoja za kitoto na hii itakuwa ni mara ya mwisho kwangu kumjibu Nape, kwa sababu hoja zenyewe hazina mashiko kwa wananchi.

“Nasema hivyo, kwa sababu watu hawa wanakurupuka kutoa hoja zisizokuwa na mantiki yoyote…hawana hata makabrasha ya ushahidi wa maneno wanayoyasema …sijui ni aina gani ya viongozi?” alihoji Dk. Slaa.

Juzi Nape alikutana na waandishi wa habari mjini Dar es Salaam na kudai CCM, imeshtushwa na kasi ya Chama cha Demokrasia na Maendeleo (CHADEMA), kuendesha harambee za kukusanya fedha kila kukicha, kitendo ambacho ni sawa na usanii.

Alisema, CHADEMA kimekuwa kikiendesha usanii huo, licha ya ukweli kuwa, kinapokea mamilioni ya fedha kutoka mataifa ya nje.

Alisema CCM, imesikitishwa na kushangazwa na usanii unofanywa na CHADEMA, kwa kuwahadaa Watanzania, kwa kufanya harambee ili kuhalalisha uwepo wa mabilioni ya fedha wanazopewa na wafadhili wao nje ya nchi.

‘‘Umekuwa utamaduni wa chama hiki kuhadaa watu kwa kuitisha harambee za kisanii, baada ya kupewa mabilioni ya fedha na wafadhili wao, ili mradi wahalalishe fedha wanazotumia zimetokana na michango ya Watanzania, wakati si kweli.

“Tunao ushahidi wa kutosha unaoonyesha fedha walizopewa na wafadhili kutoka nje ya nchi, kwa lengo la kuendeleza operesheni mbalimbali nchini. Cha kushangaza, badala ya kuwaambia wanachama wao na Watanzania ukweli wa haya, wanaanza kuwahadaa kwa kuwachangisha na kugeuza mapato haya, mtaji wa baadhi ya watu binafsi ndani ya chama.

“Hebu tujiulize, kwa nini mabilioni haya yanayotolewa kwa Chadema wakati huu, ambao nchi yetu inaendelea kufanya utafiti na ugunduzi wa rasilimali mbalimbali, zikiwamo mafuta na gesi? Je, ufadhili huu licha ya kufichwa sana na kufanywa kwa siri, una nia njema kwa nchi yetu na rasilimali za nchi yetu?” alihoji Nape.

“Ni muhimu Watanzania tukawa macho na ulaghai huu na tunawataka wafadhili wao kama kweli wana nia njema na nchi yetu, waweke wazi masharti ili Watanzania watambue fedha hizi zina manufaa au la,” alisema Nape.

MJUMBE WA NEC

Katika hatua nyingine, Mjumbe wa Halmashauri Kuu ya Taifa (NEC), ambaye hakutaka jina lake liandikwe gazetini, alisema anashangazwa na kauli za Nape.

“Nimeshangazwa mno na kauli hii, nimeshtushwa kusikia eti kuna mataifa ya nje yanayotoa fedha nje kwa ajili ya kuisaidia Chadema…kumbuka Serikali yetu zaidi ya asilimia 30 tunapewa na wafadhili.

“Naamini kusaidiwa na mataifa si ajabu, kwa sasa hata sisi CCM tunasaidiwa na mataifa ya nje ambayo ni rafiki zetu kifedha na kiutawala.

“Naamini Nape ni kiongozi mkubwa ndani ya chama, hii mikataba anayosema angeitaja ningefurahi sana… huu ni udhaifu mkubwa kwa kiongozi wangu, huu ni mwendelezo wa kujenga majungu na fitina,

…hoja yake ya kusema atawataja ni miujizi, kwa sababu hii si mara ya kwanza kwake, kuibuka na maneno ya aina hii… nadhani kiongozi katika chama kikubwa na tawala wanapaswa kukaa chini na kutafakari kabla ya kuongea,” alisema mjumbe huyo.

CHANZO: Mtanzania - Agosti 14, 2012

boooooo..kwenda aaaaa zako huko

Thanks god ... CHADEMA is the most famous chorus in this country

Nape is dancing it now and always will

"Kazi ya upande wa mashtaka ni kuthibitisha mashtaka na si kazi ya mshtakiwa" Nape ni mwepesi sana!.. Anataka CHADEMA wataje nini? Kama yeye anadai kuwa anayo 'mikataba' kwanini asiitoe?
Ujinga ni kumtangazia adui yako "Nimekuzunguka pande zote" ili anyooshe mikono juu!.. Ajipange upya.

Daaah nape bwana..

Nimeipenda hii sentensi"wanaotoa fedha hizo wana ajenda ya kunyemelea rasilimali za nchi hii zinazoanza kuonyesha matumaini ya kuwepo kwa wingi ili wapate kizikwapua kwa urahisi kupitia mgongo wa chama hicho".Hii ina maana zile pesa tulizoambiwa zimewekwa Uswisi kwenye akaunti za watu binafsi na makampuni ya gesi na petroli yanayofanya utafiti ni shukrani kwa CDM!

Mfa maji haachi kutapatapa.Wewe na chama chako ndio mnauza nchi yetu kila kukicha.Hizo ni propaganda zenu kama zile za udini na ukanda.Baada ya hizo kuwashinda sasa mnakuja na propaganda mpya.Tumewachoka na hata nchi wafadhili ni wazi hawana imani na nyinyi lakini unalolisema hawawezi kilifanya kwa lengo hilo.

By Ni Mimi Msiogope

"Kazi ya upande wa mashtaka ni kuthibitisha mashtaka na si kazi ya mshtakiwa" Nape ni mwepesi sana!.. Anataka CHADEMA wataje nini? Kama yeye anadai kuwa anayo 'mikataba' kwanini asiitoe?
Ujinga ni kumtangazia adui yako "Nimekuzunguka pande zote" ili anyooshe mikono juu!.. Ajipange upya.

Huyu dogo amepandikizwa roho ya uchawi kwenye nafsi ya hajitambui msameheni !!!!

By Return Of Undertaker

..... huzitamani na njia pekee ya kuzipata kwa urahisi ni kuchochea migogoro ya ndani na hivyo kuwa rahisi kupora rasilimali hizo wakati wenye nchi wanahangaika katika migogoro na kuachwa wakiwa masikini wa kutupwa huku waadhirika wakubwa wa migogoro na vita hivi vikiwanufaisha wakubwa.” Alisema Nape.....

Hapa nafikiri Nape alipitiwa alikuwa anaongelea DRC labda, kwa Tanzania hizo rasilimali zinachotwa mchana kweupe, AMANI tele haisubiri machafuko wala migogoro.

Bandubandu humaliza gogo, inawezekana chama cha msim kuihenyesha ccm? Nape tena!

Nitarudi baadae ngoja niangalie kwanza chesea na man city.

Inasikitisha sana kwa mtu wa cheo chake kusema vitu kama hivyo.
Nilidhani yeye mwenye nyumba angekuwa wa kwanza kumtaja mkaazi anayetaka kuichoma nyumba yake kwa kushirikiana na mtu wa nje kuliko kumtaka mchomaji huyo awaambie wakaazi wengine wa nyumba hiyo ni nani anayeshirikiana naye katika njama mbaya hiyo.

Eti wasipowaeleza wa-Tz ukweli yeye atasema. Ni nini kinachomzuia kusema sasa? Anasubiri mpaka moshi uanze kufuka ndipo aseme jamani nyumba yangu inaungua na mchomaji ninamjua lakini sikutaka kumsema!!?? Wenye akili watamshangaa sana, ndivyo ilivyo kwa kauli hii ya kwake Mhe. Nape.

Mimi ninadhani kwa ushindani uliopo kwa sasa TZ, yeye angebuni njia rahisi zaidi ya ile ya CDM ili kuhuisha chama chake CCM, kuliko kutoa kauli zenye utata kama hizi ambazo zinazidi kukidhoofisha.

Ooh boy! Mropokaji at work

Huyu jamaa nashindwa nim-define vipi....Kauli kuwa kuna watu wanavizia utajiri wetu ni ujinga na upumbavu...Ni kweli kuwa huyu Nape Nnauye hajui kuwa kuna wawekezaji wanachimba madini utadhani ni ya kwao kipindi hiki kwa mikataba mibovu iliyofikiwa na chama chake na serikali yake? Ni kweli kwa akili zake anaamini chama chake na serikali yake wamelinda mali ya umma kwa kiwango cha kuridhisha hasa madini na wanyama pori? Ni kweli huyu Nape anaamini kuwa CCM haipokei pesa toka kwa mafisadi na wezi? Ni kweli huyu Nape anaamini kuwa serikali yake haipokei misaada toka kwa hao anaowaita ni maadui wa Tanzania?

Ukweli ni kuwa CCM na serikali yake wamekuwa na kuweweseka sana wanapoisikia CHADEMA, na hii ni dalili njema kwa CHADEMA, na huyu kilaza Nape anapaswa kufahamu kuwa, hata kama kuna ukweli kuwa CHADEMA inapokea hiyo misaada kwani kuna kosa? Mbona hii ni kawaida kabisa, Mbona wao CCM wanamahusiano ana vyama vingine, na kuna siku Katibu mkuu wa CCM alipokea wageni toka nchi moja(jina limenitoka) wakiwa ni wafanyabiashara wakubwa toka chama kinachotawala kwenye hiyo nchi? Kwanini CCM wanapenda kuleta propaganda za kijinga na kishenzi kwa kila chama wanachodhani kuwa ni kikwazo kwao? Huu ni upuuzi wa Nape na chama chake pamoja na serikali yake.

Go to hell CCM.

Lissu aliwataja wabunge wa CCM wenye maslahi binafsi na tanesco, wakaja hivi hivi kubwabwaja bila nao kutaja basi hao wapinzani wanaowatuhumu, Nape mbona anamake cheap propaganda na kudhani hivi zama za 1940, anatakiwa ajue kwamba hiki si kizazi cha wajinga kwani yeye kashindwa kuisamimia serkal yake na mikataba mibovu.
Pia ni vyema angezungumzia pia na swala la DEO FILIKUNJOMBE on M4C.

Nape, Dr. Ulimboka amesharudi. Tunasubiri kauli yako kuhusu kurejea kwake.
Watanzania tunasubiri kauli yako kwa hamu..

Kuna muungwana aliwahi kuleta thread ndani humu '" Chunga Ccm inapoanza kulia rafu"..! hawajamaa ukweli wameshikwa PABAYA. Na bado bwana nape,utavua hadi nguo ya mwisho muziki ukikolea sawasawa. Go Chadema, go!

carolite at work

By Molemo

Ooh boy! Mropokaji at work

thanks kamanda for your realization on it cheap petty propaganda.

Dalili za mtu mzima kuchanganyikiwa si lazima aokote makopo. Haya mambo ya Chadema kutoka Chama cha Msimu na kuwa chama cha Uwajibikaji kinaichanganya kabisa CCM.

CCM ikipata nafasi ya kuvuna mapesa ni haki yako, vyama vingine ni makosa, acheni usanii huu akina Nape. Ipo siku Nape utavua Gamba na kuvaa gwanda, na ulivyo kinyonga sitashagaa.

Nape na chama chake amechanganyikiwa. Yeye anafikiri watanzania wa leo ni kama wa enzi zile ya 'zidumu fikra za mwenyekiti' watu wana uelewa kwa saaaana kuliko yeye na chama chake.


Sent from my BlackBerry 9800 using JamiiForums