Topic: MGOMO: Madaktari 319 wafutiwa leseni

MGOMO:Madaktari 319 wafutiwa leseni

Waandishi Wetu BARAZA la Madaktari Tanganyika limewafutia usajili madaktari wote waliokuwa katika mafunzo ya vitendo (Internship), baada ya kupatikana na hatia ya kufanya mgomo wakiwa kazini.Taarifa ya Baraza hilo iliyotolewa Dar es Salaam jana imeeleza kuwa madaktari 319 wamepoteza sifa ya kuendelea na taaluma hiyo hivyo usajili wao umesitishwa rasmi kuanzia jana.Mwenyekiti wa Baraza hilo, Dk Donan Mmbando amewataka madaktari hao kurudisha hati zao za usajili wa muda kwenye Ofisi ya Msajili wa Madaktari. “Kwa kuzingatia masharti ya sheria kuhusu kupata usajili wa muda, Baraza la Madaktari Tanganyika limeridhia kwamba madaktari wote ambao walijihusisha na mgomo, wamepoteza sifa na kwa sababu hiyo usajili wao umesitishwa kuanzia tarehe 11 Julai, 2012.” “Madaktari wote wanaohusika wanatakiwa kurejesha hati za usajili wa muda kwenye Ofisi ya Msajili wa Madaktari kabla ya terehe 17 Julai, 2012.” Dk Mmbando alisema, awali Baraza hilo lilipokea malalamiko kutoka kwa Katibu Mkuu Wizara ya Afya na Ustawi wa Jamii kwamba baadhi ya madaktari waliopata usajili wa muda ili kuwawezesha kufanya mafunzo kwa vitendo (Internship), waligoma kutoa huduma kwa wagonjwa kwa kati ya Juni 23 na Juni 29 mwaka huu. Alisema madaktari hao walipangiwa kutoa huduma katika Hospitali za Muhimbili, KCMC, Rufaa Mbeya, Sekou Toure na Bugando za Mwanza, Amana, Temeke na Mwananyamala za Dar es Salaam, Haydom - Arusha, St Francis-Ifakara na Dodoma. Alisema kutokana na mgomo huo, uongozi wa hospitali husika uliwaandikia barua iliyomtaka kila daktari aliyeshiriki kwenye mgomo huo kuripoti kwa Katibu Mkuu Wizara ya Afya na Ustawi wa Jamii.Dk Mmbando alisema kutokana na malalamiko yaliyowasilishwa kwenye Baraza hilo, Msajili wa Baraza, alimwandikia kila daktari aliyelalamikiwa Taarifa ya Kusudio la kufanya Uchunguzi dhidi yake, juu ya malalamiko yaliyowasilishwa na Katibu Mkuu, Wizara ya Afya na Ustawi wa Jamii. Alisema baada ya kuyafanyia kazi malalamiko hayo, Baraza limebaini kuwa kwa mujibu wa Kifungu cha 15(2) cha Sheria ya Madaktari, Sura ya 152, madaktari waliokuwa kwenye mgomo na ambao kwa sasa wameondolewa katika hospitali walizokuwa wakifanya mafunzo kwa vitendo, wamepoteza sifa za kupata usajili wa muda. Katibu wa Jumuiya ya Madaktari Tanzania (MAT), Dk Edwin Chitage alisema alikuwa hajapata rasmi taarifa hizo licha ya kusikia fununu... “Sijapata taarifa rasmi lakini ni jambo tulilolitarajia na hatutashangaa tukisikia hilo kwa sasa subiri nithibitishe halafu nitatoa msimamo wetu.” Kiongozi wa madaktari kortini Katika hatua nyingine, Rais wa Chama cha Madaktari Tanzania (MAT), Dk Namala Mkopi jana alipandishwa kizimbani katika Mahakama ya Hakimu Mkazi Kisutu, Dar es Salaam, akikabiliwa na mashtaka mawili likiwamo la kudharau amri ya Mahakama Kuu Kitengo cha Kazi ya kuwataka kusitisha mgomo kupitia vyombo vya habari. Amri hiyo ilitolewa Juni 22, mwaka huu na Jaji Sekela Moshi na kuwataka madaktari kurejea kazini mara moja, lakini amri hiyo haikutekelezwa. Jana, Wakili wa Serikali Mwandamizi, Tumaini Kweka alimsomea Dk Mkopi hati ya mashtaka na kumweleza Hakimu Faisal Kahamba kuwa kati ya Juni 26 na 28, mwaka huu, Dk Mkopi akiwa Rais wa MAT, alidharau amri iliyotolewa na Mahakama Kuu Kitengo cha Kazi Juni 26, mwaka huu ikimtaka kutoa tangazo kwa wanachama wa chama hicho kupitia vyombo vya habari kwamba wasishiriki katika mgomo. Kweka alidai kuwa Juni 27, mwaka huu Dk Mkopi aliwashawishi wanachama kushiriki kufanya mgomo kitu ambacho ni kinyume na amri iliyotolewa Juni 26, mwaka huu. Hata hivyo, Dk Mkopi alikana mashtaka hayo na upande wa mashtaka ulidai kuwa upelelezi wa kesi hiyo bado haujakamilika. Kiongozi huyo wa madaktari yupo nje kwa dhamana na kesi hiyo imeahirishwa hadi Agosti 8, mwaka huu itakapotajwa na kuangaliwa kama upelelezi utakuwa umekamilika au la. Afya ya Dk Ulimboka Wakati huo huo, afya ya Mwenyekiti wa Jumuiya ya Madaktari, Dk Steven Ulimboka imezidi kuimarika. Katibu wa Jumuiya hiyo, Dk Edwin Chitage alisema jana kwamba: “Tofauti na ilivyokuwa mwanzo, kwa sasa afya yake imezidi kuimarika, anakula mwenyewe lakini pia anazungumza mwenyewe na rafiki zake wa hapa nchini kwa njia ya simu.” Katika siku za karibuni, hali ya Dk Ulimboka ilielezwa kubadilika ghafla na kulazwa katika Chumba cha Wagonjwa Mahututi (ICU) kutokana matatizo mbalimbali, yaliyotokana na kupigwa ikiwamo figo kushindwa kufanya kazi. Alisafirishwa nje ya nchi kwa matibabu zaidi Juni 28, mwaka huu kwa ushauri uliotolewa na jopo la madaktari lililokuwa likimhudumia. UN yanena Katika hatua nyingine, Mwakilishi Mkazi wa Umoja wa Mataifa (UN) nchini, Dk Alberic Kacou amepokea barua ya MAT kuomba ulinzi kwa Dk Ulimboka anayeendelea na matibabu Afrika Kusini kwa madai kuna kikosi kilichotumwa kuhakikisha harudi nchini akiwa hai. Akizungumza jana Dar es Salaam jana, Dk Kacou alisema suala hilo la kutoa ulinzi watalitoa baada ya kuwasiliana na wote waliohusishwa kwenye waraka wa ombi hilo. Mgomo wamalizika Mgomo uliokuwa ukiendelea katika Hospitali ya Taifa Muhimbili na Taasisi ya Mifupa (Moi), Dar es Salaam umemalizika na huduma katika hospitali hizo zimerejea kama kawaida jana. Waandishi wa habari waliotembelea hospitali hizo waliona wagonjwa wakiwa wanaendelea kupokewa na kupatiwa huduma kama ilivyokuwa awali, kabla ya mgomo uliodumu kwa takriban majuma mawili yaliyopita Habari hii imeandikwa na Tausi Mbowe, Tausi Ally, Leon Bahati na Issa Lazaro, Geofrey Nyang’oro

Source: gazeti la mwananchi

By iseesa

Dhaifu yuko kwenye mkutano wa WAZAZI Uingereza!

Kuna haja ya mh. Raisi kuhudhuria mkutano wa uzazi wa mpango hii itasaidia sana kuepuka kuzaa watu wenye akili chafu kama yako. Tunahitaji vizazi makini kwa maendeleo ya taifa hili.

Chama
Gongo la mboto DSM

Hiki ndio kipindi madaktari wanapaswa kuwa pamoja kuliko wakati wowote ule!

Waombe Mungu 2015 ifike watarudi wote na wale waliokimbilia nje miaka ya nyuma kuja kutumikia nchi yao. Hii inaweza kuwa temporary casuality ila yenye manufaa ya muda mrefu kwa hiyo vijana wasife moyo wajue tuko nyuma yao na Mungu ataendelea kuwapigania

Si muda wa kuchekea hii serikali ya CCM iliyochoka. Nasubiri tamko la MAT.

Greats,

Hongera sana Baraza la madaktari Tanganyika, Huu ni uamuzi mzuri ila umechelewa sana.

Pongezi zenu madaktari kitengo cha MOI kwa kusitisha mgomo.

Uamuzi mzuri na wa kungwa mkono sana.

By Excellent

hawawezi wakafanya suluhu kwa mtindo huu

Mtindo gani unaofaa ambao serikali haijautumia?

By chama

Kuna haja ya mh. Raisi kuhudhuria mkutano wa uzazi wa mpango hii itasaidia sana kuepuka kuzaa watu wenye akili chafu kama yako. Tunahitaji vizazi makini kwa maendeleo ya taifa hili.

Chama
Gongo la mboto DSM

jk, naamini hana tunachoweza kumuheshimia, kwani heshima yetu ni kwa gharama ya dharau yake, halafuuu, kwani salima a.k.a mama mwanaasha si ana ana ana ana anaaa ujaumimba kwa hisani ya watu wa marekani! Atakuwa anahudhuria na kuonyesha kwa mfano bandugu. Heshima ya taifa ilijengwa kwa miaka mingi, sasa nashuhudia ikiporomoshwa kama senema!!!!!!!!!!!!

Kweli sikitiko oh sikitiiko ooh, na machozii yanatutoka mama!
mbona wale wenzetu wanatesekaa mama!
Wako katika makucha ya watu weupe wachacheee mamah!

Witoooooooo, witoooo mama mama, wito,
tanganyika lazima tuikomboe mama! Lazima tuikomboe.
Kwa mitutu na mikuki na mapanga mama! Lazima tuikomboe! -Dar Internatinal-

Baraza la Madaktari Tanganyika haliko huru kutoa maamuzi huru. Mwenyekiti wake ni Dr. Donan Mbando Kaimu Mganga Mkuu wa Serikali, alikuwemo kwenye timu ya majadiliano kati ya madaktari na serikali yeye akiwa upande wa serikali. Serikali inapeleka mashitaka ya madaktari kwa mtu ambaye ana interest katika shauri hilo. Nobody can be a judge on his own case.

Ikiwa serikali haiwezi kuliona hata hili dogo sijui umakini wake. Katika macho ya kisheria hukumu hiyo ni batili

Mimi nataka hizo leseni wasipewe tena ili iwe fundisho kusiwe na migomo huko mbele.

Kama wanaona hawajatendewa haki waende mahakamani ooops waende UN si ndio wanapokimbilia siku hizi.

Kama makaratasi yangekuwa siyo dili basi hata babu wa Loliondo angekuwa daktari bingwa pale Muhimbili.
Halafu hii ni fursa kwa vijana wetu kwenda Trinidad, kiroho safi...

Kuna vijana walifanya wabishi hapo UDSM enzi za Nyerere. Wakaanzisha mgomo wa kijinga kama huu wa madaktari. Alichofanya Nyerere ni kuwafungulia mlango wa Ikulu wakaingia pale na akahakikisha wanazomewa njia nzima hadi wanarudi Mlimani na walipofika makazini wakawa wanatengwa hawapandishwi vyeo. Nendeni mkawaulize wajomba zenu na baba zenu waliofikwa na hii zahma watawahadithia ilivyowagharimu.

By Meking

Kama makaratasi yangekuwa siyo dili basi hata babu wa Loliondo angekuwa daktari bingwa pale Muhimbili.
Halafu hii ni fursa kwa vijana wetu kwenda Trinidad, kiroho safi...

Hawawezi kupokelewa huko kirahisi rahisi hadi wawe cleared huku kwetu.

By BAK

Ndio matatizo ya kuwa na Kiongozi DHAIFU na Serikali DHAIFU siku zote haina utaratibu wa kukaa meza moja na wadau mbali mbali ili kutafuta suluhisho la matatizo husika kwa amani wao wanaona ubabe tu wa kutishana na kukomoana ndiyo njia muafaka. Wangekuwa wanatibiwa nchini sidhani kama wangefikia uamuzi wa hovyo kama huu.

Saa hizi serikali ndo imekuwa "haina utaratibu wa kukaa meza moja na wadau mbalimbali?!!
Nyie watu kwa kugeuza maneno, hivi ni serikali ndiyo ilikataa kuongea na madaktari pale Karimjee siyo?

By Ralphryder

Ilichofanya serikali ni sawasawa,hawa watoto hawajui kama serikali ipo! wanafanya watakacho kiholela tu, wacha sasa wasage rumba mtaani mpaka visigino viende upande! wanafata mkumbo tu kazi yenyewe hawajapata, haya sasa! hawajui mgoma u,meathiri watu kiasi gani! watalijua jiji.

si waende kwa Dr slaa akawape hata udiwani wa kuteuliwa jamani.

By Kichuguu

Ubabe wa serikali utawaumiza zaidi wananchi wanaotegemea hospitali za serikali, siyo hawa madaktari waliofutiwa leseni kwani bado wana ubongo wao. Leseni ni karatasi tu, kulifuta hakuondoi knowledge ambayo madaktari hawa wameshajisheenza vichwani mwao. Time will tell!! Miaka kadhaa iliyopita, Mwinyi mdogo aliwafukuza madakatri Tanzania kutokana na mgomo kama huu; baada ya muda kidogo nikakutana na dakatri mmoja aliyefukuzwa Tanzania akiwa anaendelea na taaluma yake huko Trinidadi tena kwa heshima kubwa sana....

Mwalimu,
Kila Fani au tasnia ina sheria na muongozo,msilaumu tu serikali kwa hatua waliyoichukua ktk kufuata sheria iliyopo kupitia vyombo husika na sheria kufuata mkondo wake.

Kwanza naweza kusema wamekuwa wavumilivu sana na wengine mkauita UDHAIFU,ni uamuzi mgumu kwa serikali kuuchukuwa DHIDI ya watu wake ,Lakini was the right thing to do........................,sas a wafuate sheria kuomba tena hizo leseni nafikiri milango haijafungwa kabisa.

Na hata wakiamua kwenda kufanya kazi nchi nyingine bado wataomba leseni kwa kufuata sheria za nchi husika na hawa itabidi waombe kufanya Intern ,kwani hawakumaliza intern sasa sijui wapi watakuajiri hata hujamaliza Intern!

By lunyamu

It is a government body, working under the ministry of health.. the chairperson of the council is the chief medical officer who is the presidential appointee. Na miongoni ya maorodhesho yaliyotolewa na madaktari na kuchukuliwa na kamati ya bunge ni kuhusu ku'review structure na function ya baraza lenyewe.... Sishangai uamuzi huu, nashauri madaktari wasife moyo wajipange upya kuna uozo mwingi sana unaoendelea

Poleni madaktari. University grants you the power to read and write and all that apertains my degree then out of blue comes damn political appointee and says thou shall not practice. Where is the justice?

By Njoka Ereguu

Mimi nadhani uamuzi wa kuwafutia lesseni ni hasara kwa serikali yenyewe, imetumia muda na gharama kuwasomesha,bado tunaupungufu mkubwa wa madaktari na hilo pengo la madaktari 319 pengo lao ki-uhalisia haliwezi kuzibika kwa muda mfupi. Ndiyo tunasema wapo 700 wanaomaliza mwezi ujao lakini bado uwepo wao ulikuwa hauwaondowi hao 319 kazini bali ilikuwa inapunguza uhaba mkubwa wa madaktari Tanzania.

Ni vyema uamuzi huu ukaangaliwa kwa njia pana zaidi ili kuepuka maamuzi ya kukomoana, mgomo umeisha wapewe onyo la waruhusiwe kuendelea na kazi. Katika hali ya kawaida ni kwa vile tu hana tabia ya kufanya tathmini ya maamuzi yetu, kufukuza madk 319 kunaathiri pia uchumi wa nchi kwa namna moja au nyingine.

Tuseme walipokuwa wanaajiriwa hawakujua kama watalipwa "kiduchu". Kwa sababu sasa wanajua, na mwajiri anasisitiza kutoweza kuwalipa kwa matakwa yao, zaidi anawashauri watafute mwajiri mwenye uwezo. Hapo tena mgogoro wa nini. Mbona wanakuwa kama wanataka na hawataki? Tuumize vichwa kupunguza tofauti ya vipato na mfumuko wa bei. Kuzidi kuwaongezea pesa madaktari kutaongeza matatizo yote mawili...

Hili suala ni kwa muda tu! Watapewa tu reguistration! Ingawaje sometimes inabidi ufanye maamuzi magumu

By Kichuguu

Ubabe wa serikali utawaumiza zaidi wananchi wanaotegemea hospitali za serikali, siyo hawa madaktari waliofutiwa leseni kwani bado wana ubongo wao. Leseni ni karatasi tu, kulifuta hakuondoi knowledge ambayo madaktari hawa wameshajisheenza vichwani mwao. .

Kaka umekosea kuelewa kuwa bila wao kupata hiyo leseni watakuwa hawaruhusiwi kuajirika katika hospital yoyote. akifanya kazi atafanya kama kishoka kiasi kwamba serikali ikigundua hata huyo mwajiri wake atakuwa hatarini. sasa kwanini ajihatarishie kazi kwa kumchukua mtu ambaye sifa zake hazijakamilika? Hili kaka ni tatizo labda sisi kama taifa tutumie wazee wenye busara wamfate rais kumueleza kuwa kwa hili, hilo baraza limetumia hasira kubwa zaidi. Tukirudi nyuma ivi hawa madaktari hawakuzijua hizi sheria za chama chao?

halafu bado tunaongelea utawala bora tanzania wakati hata utatuzi wa migogoro ya kiwango hiki tu ubabe unatumika....kwanini sasa kupoteza pesa na muda kujiunga na vyombo kama african peer review mechanism ilhali tunafahamu kabisa kuwa tunasoma sifuri katika governancemeter?