Topic: MGOMO: Madaktari 319 wafutiwa leseni

MGOMO:Madaktari 319 wafutiwa leseni

Waandishi Wetu BARAZA la Madaktari Tanganyika limewafutia usajili madaktari wote waliokuwa katika mafunzo ya vitendo (Internship), baada ya kupatikana na hatia ya kufanya mgomo wakiwa kazini.Taarifa ya Baraza hilo iliyotolewa Dar es Salaam jana imeeleza kuwa madaktari 319 wamepoteza sifa ya kuendelea na taaluma hiyo hivyo usajili wao umesitishwa rasmi kuanzia jana.Mwenyekiti wa Baraza hilo, Dk Donan Mmbando amewataka madaktari hao kurudisha hati zao za usajili wa muda kwenye Ofisi ya Msajili wa Madaktari. “Kwa kuzingatia masharti ya sheria kuhusu kupata usajili wa muda, Baraza la Madaktari Tanganyika limeridhia kwamba madaktari wote ambao walijihusisha na mgomo, wamepoteza sifa na kwa sababu hiyo usajili wao umesitishwa kuanzia tarehe 11 Julai, 2012.” “Madaktari wote wanaohusika wanatakiwa kurejesha hati za usajili wa muda kwenye Ofisi ya Msajili wa Madaktari kabla ya terehe 17 Julai, 2012.” Dk Mmbando alisema, awali Baraza hilo lilipokea malalamiko kutoka kwa Katibu Mkuu Wizara ya Afya na Ustawi wa Jamii kwamba baadhi ya madaktari waliopata usajili wa muda ili kuwawezesha kufanya mafunzo kwa vitendo (Internship), waligoma kutoa huduma kwa wagonjwa kwa kati ya Juni 23 na Juni 29 mwaka huu. Alisema madaktari hao walipangiwa kutoa huduma katika Hospitali za Muhimbili, KCMC, Rufaa Mbeya, Sekou Toure na Bugando za Mwanza, Amana, Temeke na Mwananyamala za Dar es Salaam, Haydom - Arusha, St Francis-Ifakara na Dodoma. Alisema kutokana na mgomo huo, uongozi wa hospitali husika uliwaandikia barua iliyomtaka kila daktari aliyeshiriki kwenye mgomo huo kuripoti kwa Katibu Mkuu Wizara ya Afya na Ustawi wa Jamii.Dk Mmbando alisema kutokana na malalamiko yaliyowasilishwa kwenye Baraza hilo, Msajili wa Baraza, alimwandikia kila daktari aliyelalamikiwa Taarifa ya Kusudio la kufanya Uchunguzi dhidi yake, juu ya malalamiko yaliyowasilishwa na Katibu Mkuu, Wizara ya Afya na Ustawi wa Jamii. Alisema baada ya kuyafanyia kazi malalamiko hayo, Baraza limebaini kuwa kwa mujibu wa Kifungu cha 15(2) cha Sheria ya Madaktari, Sura ya 152, madaktari waliokuwa kwenye mgomo na ambao kwa sasa wameondolewa katika hospitali walizokuwa wakifanya mafunzo kwa vitendo, wamepoteza sifa za kupata usajili wa muda. Katibu wa Jumuiya ya Madaktari Tanzania (MAT), Dk Edwin Chitage alisema alikuwa hajapata rasmi taarifa hizo licha ya kusikia fununu... “Sijapata taarifa rasmi lakini ni jambo tulilolitarajia na hatutashangaa tukisikia hilo kwa sasa subiri nithibitishe halafu nitatoa msimamo wetu.” Kiongozi wa madaktari kortini Katika hatua nyingine, Rais wa Chama cha Madaktari Tanzania (MAT), Dk Namala Mkopi jana alipandishwa kizimbani katika Mahakama ya Hakimu Mkazi Kisutu, Dar es Salaam, akikabiliwa na mashtaka mawili likiwamo la kudharau amri ya Mahakama Kuu Kitengo cha Kazi ya kuwataka kusitisha mgomo kupitia vyombo vya habari. Amri hiyo ilitolewa Juni 22, mwaka huu na Jaji Sekela Moshi na kuwataka madaktari kurejea kazini mara moja, lakini amri hiyo haikutekelezwa. Jana, Wakili wa Serikali Mwandamizi, Tumaini Kweka alimsomea Dk Mkopi hati ya mashtaka na kumweleza Hakimu Faisal Kahamba kuwa kati ya Juni 26 na 28, mwaka huu, Dk Mkopi akiwa Rais wa MAT, alidharau amri iliyotolewa na Mahakama Kuu Kitengo cha Kazi Juni 26, mwaka huu ikimtaka kutoa tangazo kwa wanachama wa chama hicho kupitia vyombo vya habari kwamba wasishiriki katika mgomo. Kweka alidai kuwa Juni 27, mwaka huu Dk Mkopi aliwashawishi wanachama kushiriki kufanya mgomo kitu ambacho ni kinyume na amri iliyotolewa Juni 26, mwaka huu. Hata hivyo, Dk Mkopi alikana mashtaka hayo na upande wa mashtaka ulidai kuwa upelelezi wa kesi hiyo bado haujakamilika. Kiongozi huyo wa madaktari yupo nje kwa dhamana na kesi hiyo imeahirishwa hadi Agosti 8, mwaka huu itakapotajwa na kuangaliwa kama upelelezi utakuwa umekamilika au la. Afya ya Dk Ulimboka Wakati huo huo, afya ya Mwenyekiti wa Jumuiya ya Madaktari, Dk Steven Ulimboka imezidi kuimarika. Katibu wa Jumuiya hiyo, Dk Edwin Chitage alisema jana kwamba: “Tofauti na ilivyokuwa mwanzo, kwa sasa afya yake imezidi kuimarika, anakula mwenyewe lakini pia anazungumza mwenyewe na rafiki zake wa hapa nchini kwa njia ya simu.” Katika siku za karibuni, hali ya Dk Ulimboka ilielezwa kubadilika ghafla na kulazwa katika Chumba cha Wagonjwa Mahututi (ICU) kutokana matatizo mbalimbali, yaliyotokana na kupigwa ikiwamo figo kushindwa kufanya kazi. Alisafirishwa nje ya nchi kwa matibabu zaidi Juni 28, mwaka huu kwa ushauri uliotolewa na jopo la madaktari lililokuwa likimhudumia. UN yanena Katika hatua nyingine, Mwakilishi Mkazi wa Umoja wa Mataifa (UN) nchini, Dk Alberic Kacou amepokea barua ya MAT kuomba ulinzi kwa Dk Ulimboka anayeendelea na matibabu Afrika Kusini kwa madai kuna kikosi kilichotumwa kuhakikisha harudi nchini akiwa hai. Akizungumza jana Dar es Salaam jana, Dk Kacou alisema suala hilo la kutoa ulinzi watalitoa baada ya kuwasiliana na wote waliohusishwa kwenye waraka wa ombi hilo. Mgomo wamalizika Mgomo uliokuwa ukiendelea katika Hospitali ya Taifa Muhimbili na Taasisi ya Mifupa (Moi), Dar es Salaam umemalizika na huduma katika hospitali hizo zimerejea kama kawaida jana. Waandishi wa habari waliotembelea hospitali hizo waliona wagonjwa wakiwa wanaendelea kupokewa na kupatiwa huduma kama ilivyokuwa awali, kabla ya mgomo uliodumu kwa takriban majuma mawili yaliyopita Habari hii imeandikwa na Tausi Mbowe, Tausi Ally, Leon Bahati na Issa Lazaro, Geofrey Nyang’oro

Source: gazeti la mwananchi

By Ritz

Kuna Interns 700 mwezi ujao wanaanza kazi.

mkuu intern 700 uwatolee wapi?!
waliomaliza;
muh2 ni 170
bugando 50
KCMC 80
HKMU 59
IMTU 65
UDOM HAKUNA
jumla ni wangapi hao?? ---kuna foreigners wanarudi makwao,!!
-kuna watu wenye supplementary so hawawezi kumaliza!!
-kuna wengine wanaanza research ktk NGO( kumbuka internship unafanya muda wowote)
-kuna ambao watafanya internship katika private hospitals!!
ngoja serikali iendelee kuwadanganya..

By Ritz

Haki yao milioni 7,700,000 kwa mwezi mmeishaambiwa muajiri wako hana uwezo wa kutoa mshahara huo kama mnataka masalahi zaidi ruksa kwenda sehemu ingine wanapolipa vizuri.

Akili nzuri sana!! walikuwa wakidai jumla ya 70bn! suluhisho tutaajiri wageni na tumetenga 700bn!! hata kuku angefikiri tofauti na kufanya busara!!

Hapo hakuna Baraza la Madaktari, labda kama walioandika ni watu wa Serikalini, maana kama baraza linaongozwa na madaktari ambao wanaona shida kwenye tasnia ya utabibu hawawezi kuandika hiyo barua. Kama aliyeandika ni KONDAKTA wa daladala sawa maana hajui kinachowasibu.

hahaha
.uajiri kutoka wapi?! nchi gani haina upungufu wa madaktari?
angalia current statistics za WHO za doctor to patient ratio!!
- afu hata kama wakija, unadhani utawalipa sawa na mshahara wa kwao(kumbuka TZ ndio inamalipo madogo ktk nchi za sekta ya Afya ktk East and central Africa)? makazi na usafiri wao je? wakalimani? malipo ya wakalimani? afu unadhani watakaa TZ milele?

Hii ni sawa na mtu anayeamua KUJICHINJA......yaani anakata kichwa chake mwenyewe......just because of a SIMPLE HEADACHE...that an ASPRIN can cure

By Janjaweed

interns huwa hawana liseni... serikali sasa iache ujinga wa kuhadaa kwani wananchi watajua inawahadaa na chuki itaongezekaleseni yua practice hutolewa baada ya dr kumaliza intern na kufanya kazi miaka miwili na kuendelea na kupata approval THIS IS ANOTHER CHEAP LIE TO PEOPLE

Ni kweli interns huwa hawana leseni bali wana vyeti vya usajili wa muda tu (Provision reg certificate) hata mi niliemaliza intern mwaka jana cijapata leseni mpaka after one year. Serikali inadanganya

Bob marley aliimba na leo wimbo wake naona unareflect reality
"running away" album = kaya
mgomo wa madaktari ni sahihi, do not be mixed up by the consequence of the strike, nikikosa ama kuyapata hayo matibabu duni ninayoyagrade group moja na polonium.

By Mzee wa Rula

Sijui akili za mbayuwayu alizosema akichanganya na zake ndiyo mwisho wa panel ya urais ilipofikia katika kusuluhisha hili!!!!!

Dhaifu yuko kwenye mkutano wa WAZAZI Uingereza!

It is a government body, working under the ministry of health.. the chairperson of the council is the chief medical officer who is the presidential appointee. Na miongoni ya maorodhesho yaliyotolewa na madaktari na kuchukuliwa na kamati ya bunge ni kuhusu ku'review structure na function ya baraza lenyewe.... Sishangai uamuzi huu, nashauri madaktari wasife moyo wajipange upya kuna uozo mwingi sana unaoendelea

By simplemind

Medical council has acted unfairly. Mimi nilidhani hili baraza ni similar to institituion of Engineers ambayo inasajili wahandisi and as such should not be playing politics(revoking en mass usajili wa interns wote is suspect). Which begs the question is medical council a goverment body or a proffesional body?

kwa sisi madaktari inabidi tufanye kitu kunusuru hawa wenzetu wliofutiwa leseni za muda.Ni lazima mgomo huanze upya wakitaka watufute wote ili wanajeshi na polisi ndo watibu wagonjwa.Hii inamaanisha kilio chetu hawakioni.Liwalo na liwe

By Ndambonyiliva

So what?

Voluntary is better than force!

By Mzee wa Rula

Sijui akili za mbayuwayu alizosema akichanganya na zake ndiyo mwisho wa panel ya urais ilipofikia katika kusuluhisha hili!!!!!

Sidhani kama unafuatilia mambo, kumbuka mara ya kwanza waligoma kuongea hadi na waziri mkuu, rais akakutana nao, wakatulia, awamu hii waliambiwa waendelee na mazungumzo huku huduma zikiendelea kutolewa, wakasema wanaendelea na mgomo ambao hauna kikomo,

Mahakama imechukua nafasi yake ili sheria ichukue mkondo wake kusitisha mgomo na kuamuru maongezi yaendelee, bado madaktari wamekaidi, sasa ndg zangu tuwe wakweli na tusiwe biased, hivi katika hali ambayo sheria na chombo cha kusimamia haki vinakiukwa ni hatua gani zichukuliwe ili watu washerekee ama wafurahi, tukumbuke hii migomo tuliyokuwa yunaishabikia, sasa hivi tena imekuwa lawama, nchi hii tumezidi kelele hata pale ambapo hapastahili hadi tunasahau hata mambo ya msingi na yasiyo ya msingi. Tafakari.

By Ritz

Voluntary is better than force!

Kujitolea ni bora kuliko kutumia nguvu! (ungesema hivi kuliko kuharibu lugha ya watu)

By jogi

Bob marley aliimba na leo wimbo wake naona unareflect reality
"running away" album = kaya
mgomo wa madaktari ni sahihi, do not be mixed up by the consequence of the strike, nikikosa ama kuyapata hayo matibabu duni ninayoyagrade group moja na polonium.

Kaya man.

By ZeMarcopolo

Ritz, kuna makosa yamefanyika, lakini kuhusu interns nakuomba tujaribu kuangalia swala tofauti kidogo. Lets do a little bit more kuhusu hawa interns. Tukumbuke kuwa interns wako katika kujifunza, kujifunza sio kutibu tu bali hata jinsi ya kuishi kazini. Sasa hawa wanaowafundisha kazi wamewaambia kuwa hapa mambo ni kugoma, interns hawezi kumbishia senior wake anayemfundisha. Kumbuka wamekabishidwa kwa registrars na specialists ili wawafundishe na wao wamewafundisha kugoma.

Ndiposa Mbayuwayu akatufundisha kuwa ...changanya na za kwako....LOL!

By jogi

Bob marley aliimba na leo wimbo wake naona unareflect reality
"running away" album = kaya
mgomo wa madaktari ni sahihi, do not be mixed up by the consequence of the strike, nikikosa ama kuyapata hayo matibabu duni ninayoyagrade group moja na polonium.

Kwahiyo wanafanya kazi kwa kufuata ushauri uliopo kwenye ujumbe wa bob?? I wish kama wewe ni lawyer then ukawadefend mahakamani kwa hoja hiyo unayoitumia kuhalalisha mgomo.....

By masabo

kwa sisi madaktari inabidi tufanye kitu kunusuru hawa wenzetu wliofutiwa leseni za muda.Ni lazima mgomo huanze upya wakitaka watufute wote ili wanajeshi na polisi ndo watibu wagonjwa.Hii inamaanisha kilio chetu hawakioni.Liwalo na liwe

Tatizo daktari (if at all u are....) mnacheza na dubwana linaloitwa State tena kwenye nchi isiyo na utamaduni wa viongozi kuwajibika..... You will be on the losing side angalia wasiwape kichwa humu jukwaaani at the end it will remain to be your own issue (personal) though kwa sasa unatumia wingi...kilio chetu.... yakishatimia inakuwa kilio changu...Ivi hata kama Labour law huijui hata mkataba wako hukuuusoma vizuri?? na kiapo uliapa tu bila kujua maana yake?? Maana hivyo mwisho wa siku ndivyo vinavyotumika kukuhukumu...

Bodi imefanya maamuzi kwa mujibu wa sheria; ila katika mazingira ya kibinadamu wawasemehe vijana; kwani walishatii amri ya kurudi kazini; wapewe karipio kali na wawe chini ya ungalizi wa serikali kwa kipindi cha miaka 5 ili liwe fundisho kwa wengine; hasa ukizingatia chanzo cha mgomo ulishinikizwa na wanasiasa wenye agenda zao; vijana walipotoshwa wasamehewe warudi kazini kuwatumikia watanzania.

Chama
Gongo la mboto DSM

Waende hospitali binafsi wana mishahara mizuri kuliko serikali

By Safari_ni_Safari

Kujitolea ni bora kuliko kutumia nguvu! (ungesema hivi kuliko kuharibu lugha ya watu)

Hiari ya shinda utumwa..