Topic: Taarifa kwa wananchi na wafanyakazi wote wa hospitali ya taifa muhimbili

Bodi ya Wadhamini ya Hospitali ya Taifa Muhimbili ilikutana tarehe 28 Juni 2012 kujadili na kutathmini hali ya utendaji na utoaji wa huduma hivi sasa katika Hospitali. Imebainika kwamba utoaji huduma umeathirika kutokana na mgomo wa baadhi ya madaktari unaondelea kwa takriban wiki moja sasa tangu ulipoanza Jumamosi ya tarehe 23 Juni 2012.

Baada ya tathmini hiyo, Bodi ya Wadhamini imeagiza yafuatayoi) Madaktari waliopo kazini waendelee na kazi kama kawaida;(ii) Madaktari waliogoma warejee kazini kutii amri ya Mahakama Kuu Kitengo cha kazi, kwa mujibu wa Kifungu Na. 76 (1) na (2) cha Sheria ya Ajira na Mahusiano Kazini ya mwaka 2004.(iii) Madaktari waliopo likizo warejee kazini mara moja. Utaratibu wa kufidia likizo na nauli zao umeandaliwa. (iv) Uongozi wa Hospitali uwachukulie hatua za kinidhamu wafanyakazi wote watakaoendelea kutokuhudhuria kazini na kufanya kazi bila sababu za msingi kwa mujibu wa Sheria, Kanuni na taratibu za kazi;(v) Uongozi wa Hospitali ufute mara moja ‘rotations’ za Madaktari waliopo kwenye mafunzo kwa vitendo (interns); na(vi) Uongozi wa Hospitali uwapange (re-deploy) Madaktari na Madaktari Bingwa waliopo kwenye maeneo yaliyoathirika wakati huu wa mgomo

Aidha, Bodi ya Wadhamini inawashukuru sana madaktari na wafanyakazi wote ambao wameendelea kuwahudumia wagonjwa wetu na wananchi kwa ujumla. Vilevile, Bodi ya Wadhamini inawasihi madaktari na wafanyakazi wote wawe na subira na waheshimu sheria, kanuni na taratibu zilizopo pamoja na maadili ya taaluma zao.

_________________Dkt. Gabriel UpundaKAIMU MWENYEKITIBODI YA WADHAMINI

Kiganyi, JF.
Mwanzo - ---------------

Hilo ni tamko la bodi sio la serikali,kwa mkanganyiko huu kwanini tusiseme maagizo ya bodi ni null and void?.Mumeyakoroga kwa kumjeruhi Dr. Ulimboka ,sasa hata aliyekuwa haukubali mgomo wa madaktari anaanza kuamini kwamba LISEMWALO LIPO KAMA HALIPO.....Oh!poleni sana watoa maamuzi bila kutafakari kwa kina

Nani alimteka, kumpiga na kumjerehi Dr. Ulimboka?

Gabriel Upunda alikua Mganga Mkuu wa Wizara ya Afya kabla ya kustaafu. Hana moral authority ya kuzungumzia matatizo yanayoikumba sekta ya afya. Alishindwa kusaidia wakati wake. Na ameshindwa akiwa ktk Bodi ya Muhimbili. Ni kizazi kile kile kilichoshindwa!

hilo ni muhimu kabla hamja walazimisha hao madaktari kufanya kazi. nawaona kama hawako nanyi kabisa!

By mwarain

ili Document iwe valid sahihi ya mtoa document iwepo! Sasa mbona hakuna signature? Hizo ni propaganda tu hakuna bodi iliyokaa wala nini! SOLIDARITY FOREVER Drs!!!
Hakuna mtu kurudi hiyo J3!

Usidanganye wenzako...!

Interns ndiyo madaktari watakaolisaidia taifa letu muda mrefu kutokana na umri wao. Lakini ndio watavutia wadogo zao wengi kusomea fani ya udaktari. Unapoona mkuu wa nchi anashindwa kutatua jambo nyeti kama ili ujue kwamba kama nchi tumeshindwa! Na kama mtu yeyote aliyeshindwa hatujitambui. Hakuna nchi yenye madktari wa ziada. Pengine Cuba. Huwezi pewa madaktari wa bure kuhudumia watu wako. Pengine kama tunaendelea kuuza nchi yetu!

By Chal

hapo kwenye red karibu hosp zote wanawafukuza interns, hapa narejea kauli ya MR President katika hotuba yake "Kwa madaktari interns, wanahatarisha maisha yao kwani hawatapata cheti cha kudumu wakishiriki mgomo usiokuwa halali. Lazima watafakari sana kwa hayo wafanyayo"...

By Kibanga Ampiga MKoloni

Hvi inakuwaje wanachukua hatua wakati kesi ipo mahakamani?
Si wasubiri uamuzi wa mahakama?

Uamuzi gani tena unaoutaka na ikiwa serikali ya CCM yenyewe ni mahakama tosha. Wanatoa hukumu ya kumfunga mtu au kumuua pasipo kumsikiliza.


MIZAMBWA
INANIUMA SANA!!!

By Iselamagazi

Sasa naona hii serikali yetu ya chama cha Sisiem inatumia nguvu kuhusu hili sakata la madaktari. Kweli tutafika namna hii?

Hivi ndio tutafika punda haendi hadi kwa fimbo, JK amewachekea sana mkamuona dhaifu mnasema hawezi kufanya maamuzi magumu. Ngoja muone sasa habari yake.

By Chal

hapo kwenye red karibu hosp zote wanawafukuza interns, hapa narejea kauli ya MR President katika hotuba yake "Kwa madaktari interns, wanahatarisha maisha yao kwani hawatapata cheti cha kudumu wakishiriki mgomo usiokuwa halali. Lazima watafakari sana kwa hayo wafanyayo"...

"Mtu mzima hatishiwi nyau"

Hivyo ni vitisho ili waogope kuendelea na mgomo katika kudai haki yao na ya wananchi walalahoi.

Wao Serikali kama wana ujeuri wawafukuze kwanini wanasema maneno kama hayo.

Yaani ni sawa na mtu kumwambia mke wako kuwa "usipofanya hivi na kuendelea kufanya hivyo nitakupa Talaka".


MIZAMBWA
INANIUMA SANA!!!

tutawaona wenye misimamo na waoga

JK ni failure kwa ustawi wa nchi hii..

Sent from my BlackBerry 9300 using JamiiForums

Afadhari madaktari wagome hili kieleweke kuliko kuwaburuza wakafanye kazi. Kutibiwa na Daktari aliyejeruhiwa ni afadhari ukatibiwe na mganga wa kienyeji. Kikwete unajua hilo ? Kaa na watu hawa mpate suruhu , usituletee majeruhi alafu useme umeshinda game , tutakufa zaidi

Kweli nimeamini kusomea udaktari ni uchuro