Topic: JamiiForums Premium Member Subscription

Ndugu wana JF

Awali ya yote, niwashukuruni nyote!

Tumeliongelea hili jambo kwenye andiko hii, Na sasa ni utekelezaji wake.

Lengo kubwa la kuanzisha utaratibu huu ni kuiwezesha JamiiForums kujiendesha kwa ufanisi zaidi ndani na nje ya Tanzania.

Tunayo mikakakati tuliyoianda ya jinsi gani tunafikiri JF inatakiwa iende, na tunaahidi kuwashirikisha kwanza "Premium Members" wetu kabla haijaanza kutekelezwa.

Hizi alama maalumu zitadumu kwa mwaka moja.

Baada ya mazungumzo marefu ya jinsi ya kupanga hii michango tulikubaliana hivi


Annual Membership Subscriptions

JF Bronze Member 20,000 - 99,000

JF Gold Member 100,000 - 249,000

JF Platinum Member 250,000 - 490,000

JF Tanzanite Member 500,000 - Na zaidi...





Utaratibu wa Malipo


M-Pesa

Tumefanikiwa kupata utaratibu mzuri sana wa kulipia kupitia M-Pesa. Utalipia Subscription Fee kama vile unavyonunua Luku au DSTV na kutuma kwenda kwenye number 888 888


Jinsi ya Kutuma


1. *150#

2. Bonyeza 4 (Pay Bill)

3. Bonyeza 1 (Enter Business Number)

4. Weka 888888

5. Enter Reference No. (tumia 1234)

6. Enter Amount (Weka kiasi unachotaka kutuma)

7. Weka password yako na kisha utume.

Ukishatuma, tuma PM kuja kwangu Mike McKee ukituambia receipt no. uliyoweka na jina lako unalotaka liwekewe Premium Member au tuma email kwenda [email protected] ukituambia receipt number.


CRDB Bank

Account Name: Jamii Media Company Limited
Account Number: 0150413278400
Branch: CRDB Waterfront


Ukishaweka pesa tuma SMS kwenda number hii 0755 642 929 kutuambia jina gani umetumia wakati unaweka hela, na nikiasi gani umeweka, na kutuambia jina unalotaka liwekewe alama maalumu (premium membership).

Sisi tutaithibitisha kwa alama maalum (icon) na kukuwekea kwa hilo jina.

Kwa wale watakaotumia malipo kwa njia ya mtandao (online transfer) ya CRDB, wanaweza wakatutumia receipt kwenda kwenye email ya [email protected]


WesternUnion

Name: Mike Mushi
Address: P.O.BOX 4203 Dar es Salaam
Phone: 0755 642 929
Email: [email protected]


PayPal

Tuma kwenda kwenye email hii [email protected]



Maswali na Majibu


Alama maalumu kwa mtumiaji(Verified User) ni nani?

Verified Users ni wale wanachama wa JF wanaotumia majina yao halisi. Sisi tuna hakikisha kujua kwamba yale majina ni yao kweli na kuwawekea alama maalumu inayoonesha kweli anayeandika kwa jina hili ni yeye halisi.

Naweza kulipia kwa kidogokidogo?

Malipo kidogokidogo yanaruhusiwa kwa wale Platinum na Tanzanite members na zinatakiwa kukamilishwa ndani ya miezi minne.

Nataka kuchangia ila sitaki kuwekwa kwenye makundi

Unaweza ukachangia kwa kutumia viwango hapo juu na usiwekwe kwenye hayo makundi ila ukawekewa “alama” ya premium member inayoonekana hapo juu.

Kuna faida gani nikiwa Bronze Member na nikiwa Tanzanite Member?

Lengo la hii program ni kuwezesha JF, hapa kinachofanywa ni uchangiaji na sisi tunachofanya ni kukutunuku “badge” kutoka na ulichochangia ili kutambua na kuthamini uchangiaji wako.

Lengo letu ni mwakani tuweze kutoa packages nzuri kwa kila package. Na sisi pia inatupa mwangaza wa kutambua ni watu kiasi gani wapo, na wenye nia ya kuchangia na kununua hizo packages zitakapoanza.

Kwa kipindi cha mwaka mzima kuna vitu vingi vitakuwa vinaanzishwa na vingi mtakuwa mnatuambia “premium members” mnataka nini.

Hivyo vitu watakaokuwa wa kwanza kujua na kuvitumia kabla havijaanza kuwa wazi ni hawa premium members wetu. Maana yake maoni, ushauri unaanza kutolewa na hawa kwanza.

Kuchangia JF na kuwa premium member kunakupa nafasi wewe kuwa mmoja ya wanachama muhimu watakaoongoza mabadiliko na kuwa mmoja wa watakaoshuhudia mabadiliko hayo ya JF.

Je Subscption fee yangu ya mwaka mzima inaanza lini?

Subscription fee yako ya mwaka mzima inaanza pale utakapolipia. Kama utalipa July, itakwisha july mwaka kesho.

Kwanini hakuna malipo ya TigoPesa na Airtel Money?

Utaratibu kama tulioupata Mpesa ndio tulikuwa tunautaka kama huo TigoPesa, sasa TiGo wamesimamisha hiyo huduma mpaka mwezi wa nane. Hatuna tunachoweza kufanya ni kusubiri mpaka mwezi wa nane. Njia ya kawaida ya kuchukua line ya tigopesa na kuiweka hapa sio salama na wote tunafahamu hii, mtu anaweza kudurufu laini na akaenda kuchukua hiyo pesa.

Airtel Money bado tupo kwenye mchakato wa kupata utaratibu mzuri, na itakapokamilika itawekwa hapa.

Je, inamaana nisipolipia premium members sitoweza tena kuipata JF?

Hapana, JF itaendelea kuwepo kama kawaida.

Hamuoni kuweka hizi “levels” mtaleta matabaka ya waliokuwanacho na wasiokuwa nacho na wachangiaji watawaogopa Tanzanite au Platinum members?

Kwanza lazima tuelewe kwamba “levels” zipo kama “incentive” ya kuwapa hao waliochangia na kiasi gani wamechangia pia kuvutia wengine wachangie. Hii ni kama harambee hivi. Na pia unaweza ukachangia na pia usitake kuwekewa hiyo “alama” ya premium member wala hizo “badge” za levels ukabaki kama kawaida.

Na pia kama kweli utaogopa username ya mtu yenye “alama” ya tanzanite na utashindwa kuongea au kubishana kwenye mada kwasababu unaogopa labda anapesa, sasa hapo tatizo ni kwako wewe. Inakuwaje unaogopa username ya mtu na inakunyima wewe uhuru?

Na kama kweli italeta matabaka na itaondolea watu uhuru wa kuongea, basi itakuwa haina faida na hatutasita kuitasitisha.

Mwisho wa siku, kama wewe ni tanzanite member na hufuati sheria za JF, unapata BAN kama kawaida.


.......

By Mike McKee

Mwisho wa siku, kama wewe ni tanzanite member na hufuati sheria za JF, unapata BAN kama kawaida.
.......

Haya wakuu nitawatafuta tumalizane.....ila hizi BAN mngetafutia namna mzifute.

Mike, mbona unakuwa bubu kuhusu offer ya Gold membership uliyotutangazia mwanzoni kwa mtu atakayelipia katika kipindi cha mwezi mmoja??? Mkuu, sitanyamaza mpaka unipe ufafanuzi wa hili. Samahani lakini kama utaona nakusumbua.

wazo zuri sana

byabato

Naruhusiwa kulipia au ni hao premium members tuu?

By Tume ya katiba

Umesomeka mkuu!

La msingi, michango hii itumiwe kwa maendeleo mazima ya JF Only. ikiwa pamoja na kuuboresha zaidi mtandao, sometimes frame za page zinashake.

Tupo pamoja mkuu, ina maana Precise pangolin, kachangia kilo hadi kilo 2 na nusu? du ngoja nijikongoje japo nitafute ka BURONZE ka kuuzia sura

Tume ya katiba

Ni kweli JF inahitaji marekebisho mengi, ila sio siri marekebisho pia yanahitaji rasimimali watu na fedha na kwa hali ya sasa hivi, hata uendeshaji wa kila siku tunatoa mifukoni mwetu. Tukiwezeshwa tunaweza tukafanikisha maboresho zaidi

By Anheuser

"Hivyo vitu watakaokuwa wa kwanza" hivyo vitu vitu gani?

Kwa nini ununue kitu cha laki tano na hujui unapata nini?

Kwenye public media nyingine kukiwa na michango ya lazima kama hii basi angalau mtu unapewa ka T-Shirt au kikombe chenye nembo ya JF ukanywee kahawa na utangazie jamvi. Nyinyi JF mmeshindwa hata kuchapisha T-Shirt za buku kumi kumi? Halafu mnaomba laki tano? Hebu kuweni na fund raising creativity for a change.

Idea yako ni nzuri ya kutoa T-Shirt au kikombe. Tutaifanyia kazi. Mkuu huu ni uchangiaji ili kuiwezesha JF.

By Precise pangolin

Mkuu ni muhimu kuchangia siyo tung'ang'anie kufanya michango ya kwenye harusi tu

Ni Kweli siyo tunganganie kufanya michango ya kwenye harusi.

By mfereji maringo

Nikitaka kuanZa kutumia jina langu halisi kwa kubadili lile lisilo halisi ambalo nimekua nikilitumia humu mnaweza kunisaidi?

Yes, Linawezekana kabisa.

By Papizo

Kwa hiyo mkuu Mac kama mtu ana miaka 5 humu ndani na hajatoa mchango wake ila anachangia post kama kawaida na ana uzoefu wa JF then hawezi kuusishwa kuombwa msaada au mawazo yoyote ila ataombwa msaada yule aliyeingia leo na kulipia amount fulani au sijaelewa??nadhani ni vizuri pia mkawafikiria na wale member wa mda mrefu zaidi kuliko kuwaweka pembeni ambapo wanaijuwa vizuri JF kuliko aliyeingia jana au leo.

Sent from my BlackBerry 9800 using JamiiForums

Mkuu, wapo members wa JF ambao sio premium members na tuna consult nao katika maswala mengi. Hapa ni uchangiaji na njia ya sisi kuwafanya wachangiaji wajue nini tunafanya ni kuwashirikisha katika maswala mapya na pia sisi kusikia kutoka kwao wanataka nini. Hii haimanishi kwamba wewe huwezi kutupa sisi ushauri au kutupa maoni yako.

By Papizo

Member wengi waliongia siku chache au miezi kadhaa naona ndio wanaingia na majina yao ila mkongwe wa JF huwezi sikia anasema anataka kutumia jina lake, me still siwezi shawishika kutumia jina langu hapa hili la Papizo linanitosha sana na nitamwaga nondoz humu kama kawaida.

Sent from my BlackBerry 9800 using JamiiForums

Mkuu, hakuna anayekulazimisha kutumia jina lako halisi na wala sio lazima kutumia jina lako.

By georgeallen

je mapato na matumizi ya michango yetu itawekwa wazi? Hii itatusaidia kujua kweli michango yetu ni muhimu na inatumika kwa kazi iliyokusudiwa.

Ndio hii itawekwa wazi mkuu.

By Mzito K

Mkuu kama una akaunti imekula BAN na sio premium mwana jf akichangia kwa akaunti hiyo itakuwa imekula kwake?

Kama umepigwa ban, utasubiri mpaka ban yako iishe ndio utaendelea kutumia jina lako.

By Mtoto Wa Mbale

Suala la 'UsIri' kwa wale wasiotumia majina yao halisi kutokana na sababu mbalimbali mtalilinda vipi? Tunajua kuwa ukitumia malipo kwa njia ulizotaja hapo, M-pesa na Bank, lazima jina kamili litaonekana.

Naomba ufafanuzi tafadhali.

Mtoto Wa Mbale Mkuu njia ni nyingi sana ukitaka usiri na watu wasijue jina lako halisi. Mfano, unaweza kumtuma mtu aka deposit pesa CRDB huyo mtu wakati ana depost wala halazimishwi kutumia jina lake halisi, na wewe ukisha deposit unatuma email kutueleza umefanya hivo. Sasa hapo sisi tutakujuaje?

Pia vibanda vya MPESA vipo vingi, unaweza ukatuma kupitia hivo vibanda na wewe ukaja huku ukatutumia hata email au Private Message kwamba malipo yenye receipt number fulani ni yangu.

By Biohazard

Tupo Pamoja

Cheers

By Sizinga

OK etlist m-mezingatia mawazo yetu Watanzania!! Hasa reduction ya viwango hivi vipya!!

Yes. Tumezingatia mawazo ya Watanzania.

By LoyalTzCitizen

Ina maana baada ya mwaka kuisha na status nayo itapotea kama member hayuko tayari ku renew status yake? Mfano alikuwa Senior expert then akawa premier, anaweza tena kurudi kuwa senior expert kama hajarenew hiyo status?

LoyalTzCitizen Hii Program kwa sasa lengo lake ni uchangiaji na uwezeshaji wa JF. Na hiyo icon utakayopewa itadumu kwa mwaka moja. Mwaka kesho mwezi kama huu tutareview kama tutaendelea au la na je tukiendelea itakuwaje. Tunachofikiria kwa sasa ni kwamba, wale wote watakao changia mwaka huu na kushindwa kufanya hivo mwaka kesho basi watapewa icon iliyoandikwa "Proudly JF Member"

By KOMBAJR

Noted Mkuu!

Cheers

By ruttashobolwa

Tunashukuru kwa taarifa mkuu

Shukran Sana

By Bondpost

Nimelitafakari hili jambo hata mimi. Nadhani hapo ndipo watu watakuwa traced kiurahisi sana. Mie kwaukweli sina uhakika kama nitajaribu kufanya hivyo mambo mengi tumeyaongea humu jamvini na watu watakuwa waoga kuleta mada au kuchangia. Mpesa, crdb, lazima zitadisplay anaetuma!

Na ukipiga simu kwao hata namba itaonekana, napata kigugumizi sana kwa hii forum sasa! Fanyeni marketing ya kutafuta matangazo. Kama jf imekuwa na members wengi ni moja ya sababu ya mtu kutangaza biashara zake humu! Sijui marketing officer hajaangalia hilo suala? Pia unapoanza kuweka matabaka madharau yatakuwa zaidi.

Nimeona sana hapa jamvini waweza kutoa mchango wa mawazo mtu anaibuka kusema sijui junior member, kwani kuwa junior member inamaana hata umri, upeo wa kufikiri, elimu na pesa ni junior pia? Nadhani instead ya kuongeza viewers ili mpate matangazo mengi zaidi inaweza kuwa vice versa.

Bondpost

Mkuu ni kweli JF ndio website inayotembelewa na watu wengi zaidi na ndio yenye traffic kubwa Tanzania nzima na hii haina ubishi. Sio kwamba Marketing officer wetu hawafanyi kazi, hapana. Ni kwamba wanaotaka kutangazwa wanakuja na sheria kali.

Mfano wanataka kutangaza, ila nyie members msiongele kampuni yao wala kuongelea managers au CEO wa hizo kampuni, sasa unataka kuona kitu cha aina hiyo JF?

Na pia makampuni hayaoni umuhimu wa kutangaza online. Hawana hata website, email wanatumia za Yahoo.

Wengine wanataka kutangaza ila bei wanayokupa ni ndogo mno kwahiyo ni heri usichukue kabisa.

Mwisho wa siku matangazo yanasaidia kidogo ila kwa sasa hayawezi kugharamia gharama za uendeshaji na pia ukuaji wa JF

By muwaha

Nimekupata Mkuu...ngoja nianze kukusanya fedha ili niipate 'platinum badge'

Cheers Mkuu

By mysteryman

nikitumia jina langu halisi na at the same time nina lets say platinum.......je nitawekewa nembo zote???

Utachagua moja unalitaka liwekewe platinum.

By Shark

Kuna mtu alishawahi kupost thread hapa Jf,
Alivyotoka nje akakana Katu katu kua hakua yeye na leo mmemuwekea "verified user", maana yake nini sasa??

Ukiona yupo verified maana yake anayeandikwa ndio mwenyewe.

By Lyimo

Ninaimani jukwaa letu litazidi kuimarika na kuwa chombo muhimu katika mabadiliko chanya, kuelimishana na kukosoana kwa mantiki.

Ni kweli Juukwa Letu litaimarika

By Ronal Reagan

Kazi nzuri, taarifa safi inajitosheleza twende kazi. Mi mwaka wangu wa bajeti ni September so let's meet there

By WFM

Umetusaidia mkuu..! Binafsi ckujua wajibu wangu kwa JF kwa sababu tunaingia humu kwa kuiba muda wa kazi, hvo sazingine sio rahisi kujua mambo mengi. Naomba uiweke kwny sticky ili na wengine wapate hii knowledge.

Eng. Willy

Mkuu Tutaweka njia ambayo kila member atalazimishwa kusoma hii thread kabla hajasoma kitu kingine chochote. Tutaiweka na sticky pia

By Yo Yo

umeeleweka arifu.......

hivi pesa zatumwa kweli twaona...lakini ni vema kama mngekuwa mnatuambia pia mapato na matumizi ya hiyo michango.....
mfano..mmetumia kiasi gani kulipia server au fedha kiasi gani mmetumia kulipia gharama za watumishi na kiundeshaji..nikiwa zimechanguliwa kihasibu....nasema haya najua litakalotokea later....na ni jambo jema kwa mtu kujua fedha yake inatumika vipi?

Hii taarifa itapatikana. Sasa hivi tunataka fedha ya gharama za uendeshaji na pia fedha kwaajili ya kuanda mikakati mipya ya ukuaji wa JF.

By Chamoto

mzurimie kuendesha hii forum siyo mchezo tukianza na ukarabati (maintenence) inahitaji mtu wa kuangalia kila wakati kama kuna tatizo. Na hapa siongelei moderators bali mtaalamu anayeangalia ulizi wa data na attacks kutoka sehemu mbalimbali mtandaoni.

Pia nafikiri umeone jinsi JF inavyobadilika mara kwa mara, ujue kuna mtu/watu hawalali kuiboresha hii huduma.

Software (Vbulletin) inayoendesha hii forum siyo bure na ni lazma ilipiwe kila mwaka. Pili, lazima ile kwenye servers (dedicated) ambazo gharama zake si chini ya shilingi milioni moja ($800) kwa mwezi ili iweze kutoa huduma maridadi.

Tatu, data zote hizi (mabandiko, picha n.k) lazima zihifziwe mahala fulani kama akiba (backup) endapo tatizo litatokea, hayo yote yanahitaji pesa na hapa sijaongelea malipo ya wafanyakazi, domain name n.k.

Kwahiyo dada yangu usifikiri kuwa watu wanataka kula vichwa bali hizi ni gharama halisi kabisa za uendeshaji.

Hizo forums unazozisema ambazo ni bure sijui ni zipi kwasababu ninavyojua mimi lazima kuwe na njia ya kuingiza mapato, iwe kwa subsription, matangazo au njia nyingine. Binfsi sijui menejimenti ya JF ikoje lakini nauhakika kama wangeweza endesha JF kwa matangazo tuu wasingeweka subscription.

JF wamewahi kuweka matangazo ya google adsense mara kadhaa na kuyatoa na hii nafikiri ni kutokana na matangazo hayo kutokidhi gharama za uendeshaji. Matangazo ya google hayalengi watumiaji wa JF kwahiyo wengi wetu hatu-click hizo ads (Kumbuka unapo-click matangazo ya google JF inalipwa).

Pia wengi wetu tunapokuja JF tunataka kuganda hapa hapa tukisoma mabandiko mbalimbali, hatutaki ku-click ads ambazo zitatutoa JF na kutupeleka sehemu nyingine.

Elewa kwamba makampuni makubwa ya kitanzania ambayo yanajitangaza kwenye blog kama za michuzi, MO n.k hayataki kuweka matangazo yao hapa kwasababu zao za kimaslahi kwahiyo JF imekuwa mkiwa aliyekosa mtu wa kumfadhili.

Eniwei niliona nitoe maelezo yasiyo na upendeleo wala maslahi yoyote kama member wakawaida tu isijeonekana jamaa wa JF wanataka kula vichwa kumbe gharama za uendeshaj ni kubwa.

Chamoto

Safi Safi Safi sana Mkuu kwa kuwaelewesha watu. Ulichosema ni 1000% ukweli kabisa.

Gharama zinaongezeka kila siku mfano sasa hivi tuna posts 8,000 kwa siku, maana yake ni kwamba tunahitaji moderators wengi wanaolipwa wanaofanya kazi ya moderation JF kama kazi yao na hii yote inahitaji fedha ambayo hatuna.

Pia JF inakuwa inabidi tuanze ku explore revenue sources zingine sasa kufanya hivi pia inahitaji fedha.

Kuhusu Matangazo nimeongelea hapo juu kwamba hayasaidi kabisa uendeshaji tunahitaji hii michango ili tuendele kukua. Tumekuwa tukiendesha JF kutoka fedha zetu mfukoni ila sasa gharama zinakuwa kubwa kwasababu watu wanaongezeka

Nathani mnakumbuka mwezi uliopita tulipata down time kubwa. Hiyo ni kwasababu ya kuweka miundombinu mingine mipya kwaajili ya ku accomodate watu wengi zaidi.

By Mkirua

Umesomeka mkuu kinachofuata utekelezaji....

Yaaap. Sasa ni utekelezaji.

By kibakwe

asante mkuu nimekupata

Shukraan

By Delegate

Mike vipi sisi tunaoishi nje ya nchi,anyway nilifikiria jinsi ya kutuma hela naona kama ni ngumu kidogo,au tuwekee hapa itakuwaje

Mkuu unaweza kutumia paypal au western union au kuomba ndugu, jamaa au rafiki akakutumia huku tanzania kwa Mpesa au CRDB. Njia zote nimeziweka hapo juu

By Delegate

Mike kama umetembelea facebook na baadhi ya forum kubwa online,je kuna kitu mmjifunza pale??manake mimi ni member wa facebook lakini sijawahi kupata ujumbe kwamba nilipie huduma,facebook wanafanyeje kazi zao mpaka kuweza kuwa na member mil100???je kuna ulazima wa kujifunza kitu pale?

Mkuu naomba unipe link ya baadhi ya forums kubwa duniani unazozijua wewe zenye watu wengi wanaojiendesha kwa faida naamini tukifanya uchunguzi kwao tutaweza kujifunza mengi

Pia huwezi kufananisha Facebook na JF. Huwezi kufananisha investment wanazofanya makampuni ya nje na jinsi hapa kwetu inavyokuwa. Facebook pia wanamatangazo na ndio the only revenue kwa wao kutengeneza pesa. Sisi kampauni hayawezi kutangaza kwetu yanaogopa.

Wewe unaweza kuona kwamba unatumia facebook bure ila kina Facebook wenywe walipewa Millions of dollard na Venture Capitalist au Angel Investment miaka ya mwanzo kwaajili ya investment wakiamini kwamba facebook itakuja kutengeneza pesa siku moja.

Hapa kwetu hata makampuni yanaogopa kutangaza JF na kama wakitangaza JF wanataka makampuni yao yasisemwe au baadhi ya watu wanataka wasiandikwe sasa je ni kitu unachokitaka wewe?

Je unataka kusikia mafisadi wamenunua hisa JF alafu iendeshwe bure kabisa huku ukiwa hauna uhuru wa kuongea?

Kwa Tanzania tunaweza tukafanikisha kuiendesha JF bure kabisa kama wewe Delegate utaichangia JF sisi tuna explore njia Revenue Channels nyingi tukifanikiwa, maana yake hakutakuwa tena na uchangiaji. Anayeweza kuifanyikisha JF na ikawa bure, ni wewe.

By PPM

Kwa watu ambao hawataki ID zao zifahamike tutalipaje?

Unaweza kumtuma mtu bank akaweka deposit. Unaweza kwenda kwenye vibanda vya Mpesa ukatuma then ukatutumia email pamoja na receipt number ya malipo. Sisi hatutaki kujua wewe ni nani.

By WildCard

Akaunti ya Max pale NBC inaweza kuendelea kutumika?

Nitakutumia maelezo mkuu.

By Power

Mike, mbona unakuwa bubu kuhusu offer ya Gold membership uliyotutangazia mwanzoni kwa mtu atakayelipia katika kipindi cha mwezi mmoja??? Mkuu, sitanyamaza mpaka unipe ufafanuzi wa hili. Samahani lakini kama utaona nakusumbua.

Hii nimekujibu Mkuu

By Popompo

Naruhusiwa kulipia au ni hao premium members tuu?

Kila mtu anaruhusiwa kulipia.

By Mathias Byabato

wazo zuri sana

byabato

Cheers!!!

ahsante kwa taarifa

ni sawa nitachangia .wazo ni zuri sana, nawaombea afya njema!

Aaah! This time next year = Las Mas Bobos, JF Tanzanite Member

What a shame Tanzanite zenyewe zimeshachimbuliwa na kuhamishiwa India, Mbuguni kumebaki mishimo tu. Babu Nyerere alisema kama hatujapata akili bado tuziache kwanza haziozi lkn kina dhaifu hawataki kumsikia

Niwashukuru kwanza kwa kazi nzuri sana mi nitachangia muda si mrefu toka sasa. Ombi langu kwenu nataka ni jue gharama za kuweka tangazo langu la biashara, nipeni kwa mwezi, miezi sita, mwaka, nimekuwa nikiulizia hili sipati majibu, Mnaweza kunitumia utaratibu kwa email yangu [email protected]

Nilikua naanza kutuma kwa M Pesa but network inasumbua kutuma, mimi nataka kutoa tangazo hapa JF naomba nijulishwe gharama zake kwa wiki,mwezi miezi 6 na mwaka, na nifanyeje ili kupata huduma hii, E-mail [email protected]. plz nijulisheni

By Mike McKee

mzurimie

Kuchangia uendeshaji wa JF. Hiyo kupata jina au kuwekewa icon ni kama sisi kusema asante ila zaidi ya hapo inakuingiza kwenye "inner circle" ya watu tutakao consult nao katika maswala mbali mbali ya mabadiliko tutakayoanza kufanya hapa JF.

Naomba pia nisaidie link ya hizo Forums za Africa zenye members karibu na million naamini tutaweza kujifunza mengi kutoka kwao katika uendeshaji wa Forums.

Matangazo yalikuwa yanalipa gharama za servers miaka miwili iliyopita ila sio sasa hivi na ongezeko kubwa la watu wanaotumia JF. Inatulazimu sisi kutumia pesa zetu wenywe kuendesha JF.

Sasa mkuu utakapoweza kuchangia maana yake unatuwezesha sisi maana yake tunakuwa katika wakati mzuri sasa wakuanza kuongelea maboresho unayotaka kuyaona JF na sisi ndipo tunaweza kurekebisha.

Kuna changamoto kwenye swala zima la Mods ila hichi sio sababu ya mods kupendelea yeyote yule. Tuna jukwaa la malalamiko kama umehisi umeonewa au hujatendewa wema sehemu yeyote ni wajibu wako wewe kwenda kule na kureport hilo tatizo na sisi tutalifanyia kazi.

By Popompo

ni sawa nitachangia .wazo ni zuri sana, nawaombea afya njema!

Shukran sana..

By Bob G

Niwashukuru kwanza kwa kazi nzuri sana mi nitachangia muda si mrefu toka sasa. Ombi langu kwenu nataka ni jue gharama za kuweka tangazo langu la biashara, nipeni kwa mwezi, miezi sita, mwaka, nimekuwa nikiulizia hili sipati majibu, Mnaweza kunitumia utaratibu kwa email yangu [email protected]

Mkuu, nitakutumia email in few hours!!

By Mike McKee

Shukran sana..



Mkuu, nitakutumia email in few hours!!

Mkuu, nimekumbuka kitu baada kuona hio post ya Bob G.

Jaribu kutafuta mpango ambao utawezesha watu wanao weka biashara zao ndogo ndogo kama laptop, magari wawe wanatoa japo kamchango kidogo wa kuweka tangazo.

Kwa vile inaweza kuwa ngumu kuwachaji watu bila kuuza na ni ngumu kujua kama mtu kauza , unaweza kufikiria njia nzuri zaidi hili watu wenye matangazo ya biashara nndogo ndogo waweze kutoa mchango.

Njia moja nimefikiria ni kwamba mtu lazima awe na status ya premium member na zingine zinazoonesha kwamba kashawai kutoa mchango wowote hili kuweza kuweka tangazo la biashara yake ndogo ndogo.
Najua kuna members wengine wamechangia lakini hawa status hizo, nina huakika mtakua mnawajua na kuweza kuruhusu matangazo yao.

Baaadae pia mnaweza kuwa na jukwaa lime list items zinazo uzwa namembers humu hili watu wawe wanaenda huko moja kwa moja na kuona vitu ( kama ebay) na kikiuzwa kinatolewa.

Ni wazo tu mkuu hili kuwezesha JF kujiendeleza zaidi.

Tumekusoma, duuuuuuuuuu.....

By delegate

mike vipi sisi tunaoishi nje ya nchi,anyway nilifikiria jinsi ya kutuma hela naona kama ni ngumu kidogo,au tuwekee hapa itakuwaje

kwa wale wanaoshi nje mkuu kuna option ya online payment visa, master card etc ni rahisi sana, tumefsnya hivyo na sasa mdundo tu

Asante sana Mkuu Mike kwa kazi nzuri and taking into consideration our opinion,
Sasa naona mambo yako vizuri zaidi. Ni action tu zinatakiwa sasa ili JF isonge mbele.

Ila mkuu kweli kuna mtu kauliza swali hapo kuwa kwa walipaji kutumia mtandao kugundulika ni rahisi sana na vile vile navyojua bongo kitu privacy watu kutunza ni ngumu sana je mmejiandaaje na changamoto hizi kaka? Maana unaweza kumsema rais wako kwa kitendo kibaya cha ukweli aichokifanya ila afunike aibu anaweza kutumia mamlaka yake kukutafuta mpka uchochoroni kukupata na hapo ni kwa kuanzia kwenye hayo malipo. Please naomba hili nifahamishwe bro. Na nyie mko tayari kusimamia kwenye usiri??

Nitajitahidi niwepo katika Msafara
Vox populi,Vox dei

JF Daima Paw