Topic: BAKWATA yatangaza rasmi waislam kugomea sensa!

Hawa Bakwata, wanaikomoa CCM au CUF?

BARAZA Kuu la Waislamu Tanzania (BAKWATA) limetangaza rasmi kutoshiriki sensa ya watu na makazi inayotarajiwa kufanyika nchi nzima Agosti, hadi ombi lao la kuingizwa kwa kipengele cha dini kwenye dodoso la sensa kitakapofanyiwa kazi.

Akizungumza na waandishi wa habari Dar es Salaam jana, Amir Mkuu wa Jumuiya na Taasisi za Kiislamu nchini, Shehe Mussa Kundecha, alisema uamuzi huo umetokana na Serikali kushindwa kusikiliza upande wa Waislamu na kuamua kutokiingiza kipengele hicho.

Alisema katika mkutano wa viongozi wa dini na Ofisi ya Taifa ya Takwimu (NBS) uliofanyika Dodoma Juni 11, waliwasilisha ombi lao la kipengele cha dini kuingizwa kwenye dodoso za sensa ili kupata idadi kamili ya Watanzania kidini.

“Kwa kweli mkutano ulikwenda vizuri, tulitoa sababu zetu za kutaka kipengele hicho kiwemo ili kuondoa utata wa sasa wa kila taasisi na dini kutoa takwimu zinazotofautiana na Kamishna wa Takwimu alipokea maombi yetu na kuahidi kuyawasilisha serikalini na kuyafanyia kazi,” alisema Shehe Kundecha.

Alisema cha kushangaza wakati akifunga mkutano huo, Waziri wa Nchi, Ofisi ya Rais, Uhusiano na Uratibu, Stephen Wasira alibainisha wazi kuwa kamwe Serikali haiwezi kukiingiza kipengele hicho kwenye dodoso za sensa, kwa kuwa kinavunja umoja, amani na utulivu wa Taifa.

Aidha, alisema katika kutetea hoja hiyo, Serikali ilitoa mifano ya nchi za Nigeria na Kenya, ambazo zimefanya sensa na kuingiza kipengele hicho kwenye dodoso, lakini kutokana na kuibuka kwa vuguvugu la kidini katika nchi hizo, hadi leo matokeo ya sensa hizo hayajatangazwa.

Shehe Kundecha alisema Baraza hilo limepokea hoja hizo na kuzisikiliza ingawa halikubaliani nazo kwa kuwa kwa Tanzania bado zipo taasisi na madhehebu ya dini yanayotoa takwimu za kidini yakionesha idadi ya Wakristo, Waislamu na Wapagani huku umoja na amani vikiendelea kuwapo.

“Kama tatizo ni kuvurugika kwa amani, umoja na utulivu, mbona basi vyombo hivi visivyohusika na takwimu vinatoa takwimu hizi tena hadi kwenye mitandao na Serikali kuvifumbia macho, huku kukiwa hakuna umoja wala amani iliyovunjika? Kwa nini isifanyike sensa ya kidini na kupatikana takwimu halisi?” Alihoji.

Alisema kutokana na kauli hiyo, inaonekana wazi kuwa Serikali haijasikiliza kilio cha Waislamu kutaka kipengele cha dini kiingizwe kwenye dodoso za sensa, ili zipatikane takwimu sahihi na rasmi za Watanzania kidini.

“Hivyo basi tunasisitiza Waislamu hatutashiriki sensa mpaka mapendekezo yetu yatakapofanyiwa kazi, tunataka idadi halisi ya Waislamu, ili nasi tujue tunawasaidiaje kimaendeleo na kidini,” alisema.

Ustaadh Sadiki Gogo, alisema mfano uliotumiwa na Serikali kukataa ombi la kuingizwa kwa kipengele cha dini kwenye dodoso la sensa hauna nguvu, kwa kuwa umeegemea upande mmoja na kusahau nchi kama Uganda, Uingereza, Australia na Canada, ambazo katika sensa zao wanatumia kipengele cha dini na hazina matatizo.

Hivi karibuni, Katibu Mkuu wa Shura ya Maimamu Tanzania, Shehe Ponda Issa Ponda, alisema atahakikisha Waislamu hawashiriki Sensa ya Watu na Makazi iwapo Serikali haitarudisha kipengele cha dini katika maswali wanayoulizwa wananchi.

Alisema haoni hoja ya msingi ya kuondoa kipengele hicho kwani uzoefu unaonesha kuwa baada ya Serikali kukiondoa, makundi yenye mwelekeo maalumu hutumia nafasi hiyo kutoa takwimu za idadi ya Waislamu, Wakristo na Wapagani.

Pamoja na kauli ya Wasira, Mkurugenzi Mkuu wa NBS, Dk Albina Chuwa, alikataa ombi la mashehe la kujumuisha kipengele cha dini katika dodoso za maswali wakati wa sensa. Alisisitiza mbele ya viongozi wa dini mbalimbali wakiwemo mashehe kuwa maswali yanayohusu kabila na dini hayatajumuishwa kwenye dodoso kwani Serikali haipangi mipango ya maendeleo ya wananchi kwa kufuata itikadi za kidini au ukabila.

CHANZO: HabariLeo

Nasubiri nione kikwete,bilal,makamba,kigoda,z ungu,zitto, kama nao watakataa kuhesabiwa...kweli nasubiri kwa hamu....!

Huenda ni umbumbumbu wangu, naomba mwenye utaalamu anieleze kwa nini DINI si halali kuwepo katika sensa tanzania?

elimu ndogo ni sumu. sisi waislam twende shule kwanza ndo tutajitambua vizuri. viongozi wetu uwa wanakurupuka tu kwa sababu ya shule ndogo ukilinganisha na wakristu

By Tume ya katiba

Hilo jicho lako la tofauti lina makengeza dada betty!

Jicho langu zima kabisa Katiba,halina chongo wala kengeza.Swali langu ni kuwa kama kweli hawana ajenda ya siri na sababu ya kuweka kipengele cha dini ni ili kutoa huduma za kidini waanze Zanzibar maana kule hakuhitaji sensa kujua Waislam ni wengi.Au watumie ushauri wa kuhesabiana misikitini kama wakristo wanavyofanya kupata idadi yao.

By Mtambuzi

Hivi katika nchi hii, dini zinazotambulika kisheria ni uislamu na ukristo? kwa nini dini nyingine hazizungmziwi hapa,mfano dini za kimila sijasikia zikizungumziwa kabisa.

Niliwahi kwenda Polisi, katika kuandikisha malezo yangu nikaulizwa dini yangu, nikajibu kuwa sina dini, mimi ni mpagani, lakini yule askari alilazimisha kwamba lazima nina dini, baada ya kubishana sana akaniuliza dini ya wazazi wangu nikamwambia nao hawana dini, yule askari akasema haiwezekani na mwishowe akanipachika dini ambayo si yangu...

Pole mkuu sio peke aisee. Mi nilipoteza kitambulisho changu pamoja na cha benki nikiwa chuoni Ud nikafuata taratibu zote ilipofika polisi ilikuwa ishu asikwambie mtu ilipofika kipengele cha dini nilisema sina, nikalazimishwa kujaza kutokana na mwelekeo wa jina langu la kuendea shule nikagoma, wakamwita mkuu wa kituo nae bila kufikiri akaanza kunichimba mkwara eti wewe utaenda motoni kijana ebu jaza hapo hizo takwimu zinahitajika, nikamwambia kwani hamuhitaji takwimu za wapagani aisee ikageuka sinema ya bure wakaanza kuitana na kunikejeli. Niligoma aisee na fomu zao za loss report nikawachia kaunta nikasema na watu wa Smartcard nilamba ID nyingine..

By betty marandu

Jicho langu zima kabisa Katiba,halina chongo wala kengeza.Swali langu ni kuwa kama kweli hawana ajenda ya siri na sababu ya kuweka kipengele cha dini ni ili kutoa huduma za kidini waanze Zanzibar maana kule hakuhitaji sensa kujua Waislam ni wengi.Au watumie ushauri wa kuhesabiana misikitini kama wakristo wanavyofanya kupata idadi yao.

Unafikili ni sababu ipi ilipelekea chombo cha habari cha taifa kutoa takwimu za watu kwa dini zao? eti dada yangu hebu nijibu? pia mbona mataifa mengi yana hiki kipengele cha dini na hakuna issue? pia dada betty nini hasa wasiwasi wako kitaalamu kabisa ukiacha hizo hisia?

By Bosi Michembe

Pole mkuu sio peke aisee. Mi nilipoteza kitambulisho changu pamoja na cha benki nikiwa chuoni Ud nikafuata taratibu zote ilipofika polisi ilikuwa ishu asikwambie mtu ilipofika kipengele cha dini nilisema sina, nikalazimishwa kujaza kutokana na mwelekeo wa jina langu la kuendea shule nikagoma, wakamwita mkuu wa kituo nae bila kufikiri akaanza kunichimba mkwara eti wewe utaenda motoni kijana ebu jaza hapo hizo takwimu zinahitajika, nikamwambia kwani hamuhitaji takwimu za wapagani aisee ikageuka sinema ya bure wakaanza kuitana na kunikejeli. Niligoma aisee na fomu zao za loss report nikawachia kaunta nikasema na watu wa Smartcard nilamba ID nyingine..

Sasa mkuu kama ni wajibu polisi hadi ukapoteza haki yako ya kisheria, iweje isiwe halali kabisa katika sensa tujue moja?

Hii ni hoja chovu kupindukia kutoka kwa Premium Member wa JF!

By ritz

Serikali ina wajibu wa kuwahesabu raia wake kwenye sensa tunatakiwa tujue kuna Watanzania wangapi Wakirsto, Waislam, Jewish, Hindu, Buddhist, na wasiokuwa na dini, ndio maana ya sensa.

By Tume ya katiba

Unafikili ni sababu ipi ilipelekea chombo cha habari cha taifa kutoa takwimu za watu kwa dini zao? eti dada yangu hebu nijibu? pia mbona mataifa mengi yana hiki kipengele cha dini na hakuna issue? pia dada betty nini hasa wasiwasi wako kitaalamu kabisa ukiacha hizo hisia?

Katiba hujajibu swali langu.Unajua case ya mataifa mengine na letu haiwezi kufanana.Hebu fikiria nchi kama Uingereza ambako haikuwa na madhara,kule watu wamestaarabika zaidi yetu(wengi wamesoma ukilinganisha na sisi).Halafu idadi ya watu kwa dini zao haijakaribiana na sisi.sisi kwa haraka haraka tunakaribiana wakristo na waislam.sasa hiyo sensa ikiweka kipengele cha dini unafikiri itakuwaje kwa wenye misimamo kama ya wanauamsho?Mimi naona kwa hali inavyooneka tz mfano mzuri hapa jf kipengele cha dini kisiwepo.

By betty marandu

Katiba hujajibu swali langu.Unajua case ya mataifa mengine na letu haiwezi kufanana.Hebu fikiria nchi kama Uingereza ambako haikuwa na madhara,kule watu wamestaarabika zaidi yetu(wengi wamesoma ukilinganisha na sisi).Halafu idadi ya watu kwa dini zao haijakaribiana na sisi.sisi kwa haraka haraka tunakaribiana wakristo na waislam.sasa hiyo sensa ikiweka kipengele cha dini unafikiri itakuwaje kwa wenye misimamo kama ya wanauamsho?Mimi naona kwa hali inavyooneka tz mfano mzuri hapa jf kipengele cha dini kisiwepo.

Dada yangu JF haiwezi kuwa sample size sahihi hata kigodo kugeneralize kwa waTZ, labda haupo TZ mwenzangu, lakini huku mtaani hata hiyo JF haijulikani, sikuambii wenye access ya hiyo internet.

Mfumo wa UDINI upo sana kwenye maofisi hasa ya serikali na kwa wasomi tu, huenda mifumo yetu ya ajira ina matatizo na ndio sababu ya yote haya. Lakini kwenye mitaani hakuna hii tensio kubwa, watu wanaishi vyema na wameshazoea "umasikini" walionao. Kuhusu swali lako, ninashindwa kulijibu kwa kuwa limejengeka kihisia zaidi kuwa kuna agenda ya siri jambo ambalo si sahihi na ninahisi ni mtazamo wako binafsi. Mwisho ingawa sensa ni ya Tanzania nzima, lakini kwa upande wa znz hakuna ulazima wa kihivyo, ila huku mainland watu wanachakachua sana hizi takwimu na ndio maana bora ifanyike ijulikane rasmi.

Naona fitna zinaanza taratiiiibu, baada ya kuutangazia ulimwengu uwepo wa mafuta, gesi na uranium, fitna za mmarekani zinaanza kujidhihirisha, si bure kuna mkono wa mtu hapa, kesho hujui watademand nin hawa jamaa. ili mgeni atawale lazima wenyeji wagombane na wasiwe na maelewana. mmarekani mshenzi sana.

Mimi sioni sababu ya serikali kufanya sensa kwa wakati huu ambapo wanatoa vitambulisho vya Taifa. Idadi ya watu itajulikana tuu kwenye vitambulisho vya Taifa. Hao jamaa Kama wanna guts wasusie na vitambulisho vya Taifa basi maana navyo sijui Kama vina dini.

Kuna watu wanashangaza sana kuhoji eti data za hao waliojitangazia percentage za kidini wameonyesha wao wamepungua percent sasa wameenda wapi? Hivi inakuwaje mtu anashindwa kutofautisha kupungua percent na kupungua idadi? Kupungua percent inawezekana hata kama idadi yao imeongezeka toka wakati ule walipohesabu kwani inawezekana wengine wameongezeka zaidi yao, au wanakufa kwa rate kubwa zaidi nk. Kama kuwabana wakawabane hao waliotoa hizo data na sio serikali inayotaka kujua idadi tuu.

By JacksonMichael

Huenda ni umbumbumbu wangu, naomba mwenye utaalamu anieleze kwa nini DINI si halali kuwepo katika sensa tanzania?

Siyo kila kilicho halali lazima kiwepo kwenye dodoso.

Tangaaaa kunani paleeeee؛mbona maisha yamibadilika؛‎ tangaaa

By Ninaweza

Baada ya kujua idadi ya wana imani fulan!, nini kitafata?

Uchomaji wa makanisa!

By RMA

Uchomaji wa makanisa!

Kazi tunayo tunacho omba Mungu wa kweli atunusuru, Mungu gani anafundisha ukatili? Mungu gani haambiliki? Mungu gani anahukumu pasipo kufuata haki? MTU ANACHOMA KANISA LA MWENZIE NA HAPO ANAFIKIRIA PEPO? kazi kwelikweli?

By Chikwakara

elimu ndogo ni sumu. sisi waislam twende shule kwanza ndo tutajitambua vizuri. viongozi wetu uwa wanakurupuka tu kwa sababu ya shule ndogo ukilinganisha na wakristu

wewe ndio mwenye elimu ndogo, na ndio maana unachelea kusema hayo! Sikulaumu,tayari umeshaathirika na propaganda za hawa jamaa,ukweli hauko hivyo ndugu yangu,hizo ni dhana na mbinu za hawa ndugu zetu kutuathiri kisaikolojia! Nawaheshimu sana hawa wenzetu kwani wengine tumeshaoleana! Kifupi ni kwamba tunaishi kwa kutegemeana!
Hujiulizi kwanini sensa za nyuma kipengele hiki kilikuwepo? Haya mambo yaache kama yalivyo! Bora uwe muoga kwenye kundi la mashujaa! Haki na batili havitangamani! Nitarudi..

By Mkandara

Naona watu mnabishana kitu ambacho kwanza hakina ubaya wowote. Sensa ni ya WATU sio nchi (na watu wake wana dini) hivyo unapotaka kuhesabu watu hakuna ubaya wowote kuweka vipengele hivi ikiwa leo hatutumikii tena siasa ya UJAMAA (Socialism). Hata Wachina na Warusi wao walikataza kabisa na kusema nchi yao haina dini na hata watu wake hawatakiwi kuwa na dini, haya yalikuwa ya miaka ile ya vita baridi. Hivi sasa Wakristu na Waislaam wapo na wanahesabiwa maana lengo la sensa ni kuwajua watu wake kwa makundi ya kijamii.

Kupinga hoja ya Waislaam ni kuonyesha hofu na mashaka ktk matokeo na kama hakuna tunapinga kitu gani ama kutakuwa na ubaya gani kama kipengele hicho kikiwekwa?. Maana kila siku humu JF ubishi ni kuhusu asilimia ya Waislaam na Wakristu, basi bora sensa hii iondoe ubishi huu. Halafu pia sidhani kama sensa haina kipengele cha Jinsia, Kabila, uzawa na kadhalika (haina maana wanatengwa) kwani sensa hii itaweza tu kutufahamisha Tanzania ina wazawa wangapi na wageni wahamiaji wangapi na kwa vipengele vipi. Pasipo vipengele kama hivi utaweza vipi kumhesabu Mkenya au Mrwanda aliyehamia Tz. na vile vile wao wanaweza kusema kabila la nini mbona mnatutenga? Kesho inawezekana tukawa na duo citizenship tutaweza vipi kumtenga Mmalawi ambaye anadai Utazania?.

Kwa hiyo ndugu zangu tuyapokee malalamiko ya watu kwa fikra huru, sii kujifungia ktk sanduku la Udini hata ktk jambo dogo ambalo haliwezi kubadilisha maisha yako isipokuwa kuweka record ya usahihi wa watu wake ktk jamii zao. I wouldn't mind kuwepo vipengele vyote muhimu ktk utunzaji wa record za sensa ambayo kitaalam inatakiwa kuwa na majibu yote.

Shehe wenu kasema hivi

“Hivyo basi tunasisitiza Waislamu hatutashiriki sensa mpaka mapendekezo yetu yatakapofanyiwa kazi, tunataka idadi halisi ya Waislamu, ili nasi tujue tunawasaidiaje kimaendeleo na kidini,” alisema.

Waislam mmelogwa? Kupanga maendeleo yenu mnahitaji kuhesabiwa na serikali? Yaani mkuu Mkandara kwenye karne hii ya 21 Waislam Tanzania hawajui idadi yao mpaka wasubiri serikali iwahesabu ndiyo wapange maendeleo yao?
Naomba unijibu kutoka moyoni...hivi Muislam ni nani? ni mtu tu muislam kwa jina lakini hata msikiti haujui ulivyo au ni mtu anayefuata ibada ya kiislam na kutimiza matakwa yake?
Mkuu wangu sisi wakatoliki(Sijui madhehebu mengine) huwa tunafanya hivi:
Tunazo jumuiya ndogondogo kwenye kila Parokia/Kigango
Kwenye kila jumuiya tuna orodha kamili ya wakatoliki na familia zao
Maendeleo:
Kuna vikundi kama:-
Utoto Mtakatifu-Watoto
Umoja wa Vijana Wakatoliki-vijana
Umoja wa wanawake wakatoliki -wanawake
Umoja wa wanaume wakakatoliki - wanaume

Maendeleo ya vikundi vyote hivyo yanapangwa kwa ushirikiano mkubwa wa ngazi ya chini kabisa(jumuiya ndogondogo)
mpaka ngazi za juu kabisa katika jimbo na Taifa.
Shughuli zote za maendeleo zinakwenda kama zilivyopangwa kwa sababu data zote zipo makao makuu.

Nyinyi ndiyo mnasubiri serikali iwahesabu ndiyo mpange jinsi ya kuwasaidia wenzenu...kweli?
Mimi nadhani wenye hofu ni hawa mashehe(siyo waislam wote) kwa sababu wanaficha lengo lao la ukweli la kutaka kuwekwa kigezo cha dini kwenye sensa. Na hapa inaonekana lengo siyo kupanga maendeleo/kusaidia waislam maana hiyo ingewezekana kirahisi sana kufanyika misikitini.

Mi najiuliza ni kwanini kila chokochoko inaanzishwa na waislamu? Tena ikiwa inahusisha kutendewa jambo na serikali. Mara mnadai mahakama ya kadhi kwa kugharamiwa na serikali, sasa hivi mnataka sensa ya udini. Hii ni kujidharau wenyewe na uwezo wenu. Katika mazingira ya sasa hivi ambapo kuna mgawanyiko wa wazi kidini katika masuala mengi serikali imeamua vyema kwa maslahi ya taifa. Mkae mkijua taifa ni kubwa kuliko dini yenu na mshiriki au msishiriki sensa itafanyika.