Topic: Dr. Slaa: Mfuko wa cement utakuwa Tshs 5,000.. Ni KWELI 100%

Kauli aliyoitoa Dr Slaa wakati wa vuguvugu la kampeni za kisiasa kwamba mfuko wa sement utakuwa Tshs 5,000, badala ya Tshs16,500 kwa sasa kwa wakazi wa DSM na zaidi ya Tshs18,000 kwa wakazi wa nje ya mji huu, nimekuwa nikizitafakari kwa kina sana kwa muda mrefu. Kutokana na Uzoefu wangu wa masuala machache alonijalia mola, nilioona kama ni sentensi ya kisiasa zaidi ya kimatendo, lakini sasa nakiri ni sentenSi makini na ya kweli. Na si 5000 tu bali pia 2,500 au 3000 kwa mfuko wa 50kgs.

Hivi majuzi, nilikuwa namsikiliza Waziri Viwanda na Biashara Dr. Kigoda akizungumzia masuala ya Kiuchumi kwenye kipindi cha TBC asubuhi. Kauli aliyotoa Abdala Kigoda ilinifanya kile kisifa cha kuitwa Dr nikiondoe haraka na natamani nikiingia ofisini kwake nimwite Mr Abdala. Mkongwe Huyu adui mkubwa wa mabango ya “sigara ni hatari kwa Afya yako” alisema , ‘AMESIKIA” wafanya biashara wa hapa wakimweleza kwamba bei ya mfuko wa sement inayouzwa hapa ni ghali sana kulinganisha na bei ya mfuko utaouagiza kutoka India.”

Nikawaza kama mzee huyu, waziri wetu amesikia tu, ameshindwa kufanya tathimini kutumia ziada kidogo ya akili yake iliyompelekea kuitwa DR, kwamba kama hali iko hivyo kwa India km 4,600 tu kutoka TZ, sawa na kwenda kigoma na kurudi dsm mara mbili, ana mipango gani mbadala ya kuhakikisha na hapa kwetu unafuu wa neema unaonekana kwenye gharama ya mifuko ya cement, watu tukajenga?

Sentensi yake hiyo ilinisukumia na kuamsha mawazo yale niliyokuwa nayo awali aliyoyasema Mgombea wa Urais kwa tiketi ya CHADEMA Dr Wilbroad Slaa-2010, kwamba Bei ya sement ni ghali sana, Serikali yake itaipunguza hadi kufikia Tsh5,000. Na hapo ndipo nilipoona nifanye kauchunguzi kadogo sana ambako mdau wa jamvi unaweza kunikosoa lakini uwezo wa kuchunguz kwangu ndipo ulipofikia..

Cha kwanza nikawapigia “madalali wa wagonjwa” (india kuna watu kazi yao ni udalali wa wagonjwa, wanatengeneza dili zao kwa kuwasaka wagonjwa kutoka kwenye nchi zao kama Africa na hata penginepo kupitia mashirika mengi kama LIONS CLUB na mengineyo na kuwa connect na daktari husika na kufanya protocal zote za maandalizi na ndivyo nao wanavyopata kula ..anyway that is not ma topic)..nikawauliza wanitajie bei ya mfuko wa sement kwenye soko la kawaida .. baada ya muda wakaniambia ni Rupia 230. Rupia moja ni sawa na Tsh28.

Kwa hiyo mfuko mmoja wa Kg 50 wa sement kule India ni sawa na Tsh 6,440 (28 x 230). Kwa Kontena la 20ft lina uwezo wa kuchukua tani 35-40, lakini meli nyingi zina standard ya kujaza 40ft kwa tani 20 tu. Sasa tani 20 ni mifuko 400 a cement. Kwa bei ya meli zinazosafirisha 40ft kwa 20ton ni dolar 400 (sawa na tzs 632,000 (1,580 x 400).. tukiacha vikodi vidogo vidogo vya asilimia 2.

so mzigo utafika TZ kwa gharama ya (400[20ton] x 6,440[mfuko] + 632,000[Usafiri] =3,208,000 so Mifuko 400 utaifikisha Tz kwa gharama ya Tshs 3,208,000 na Mifuko 400 utainunua Tz kwenye soko letu kwa gramama ya (400 x 16,500) = 6,600,000 tofauti ya zaidi ya (6,600,000 -3,208,000) = 3,392,000 .. he he he!

Mifuko 400, ukiinunua India na kuiuza TZ Tsh 10,000 tu kwa mfuko utapata Tshs (10,000 x 400)= 4,000,000 na kutengeneza faida chap ya (4,000,000-3,208,000)=792,000.

Biashara ya haraka sana na mifuko itagombaniwa kama njugu na wewe unaifanya biashara yako yote ukiwa nyumbani nyuma ya laptop yako tu na simu ya mkononi basi.

Nikaenda mbali kidogo na kujiuliza kwanini India cement ni bei rahisi. Nikagundua kwamba, kasheshe kubwa ya kutengenza sement iko kwenye maandalizi yake hasa hasa uzalishaji wa vijiwe vidoho vigumu sana vinavyoitwa Clinker. Mchakato wa Kutengeneza malighafi hii clinker ndio mgumu na ghali zaidi. Kwa utafiti mfupi nilioufanya nimegundua utengenezaji wa Clinker Kule India Ni Ghali sana Kulinganisha na hapa kwetu TZ. Nilibahatika kutembelea kiwanda cha Lafarge Mbeya Cement maarufu kwa kutengeneza Cement ya Mnyama (TEMBO CEMENT). --Simba ni Tanga na Twiga ni DSM.

Mchakato wa Kutengeneza Clinker unaanzia kwenye machimbo ya miamba geu yenye vichambuzi (ingredients na Ore mbalimbali) miamba hii hutoka machimboni na kuingizwa kwenye ngome ya mapondo (Crushers) ambapo hupondwa na kuwa miamba midogo mithili ya kokoto na kuzukumizwa kwenye mkanda, na vile vile huchimbwa udongo wa mfinyanzi nao hukimbizwa kwenye mkanda wake mwingine kwa viwango vyao.

Mikanda hii miwili huingizwa kwenye ngome kubwa ya mapondo na kusagwa kwa kuchanganywa kiasi cha kuwa vumbi, hapa ndipo kiasi kikubwa cha Vumbi huzalishwa, kutokana na shughuli pevu inayofanyika. Vumbi hili hudhibitiwa sana ila kiasi kidogo hutolewa nje na kuwa wingu zito sana la Vumbi hatari kwa mazingira. Vumbi hukusanywa kwenye Kiwiko kikubwa na kirefu sana nadhani ndio point ndefu kuliko zote kwenye kiwanda cha simenti, kinachoitwa Cyclone. Cyclone Hili hupokea vumbi hilo na kulisafirisha likahifadhiwe kweye maghala makubwa (Silos) Sasa Vumbi hili laini ndio malighafi ya kutengenezea hizo Clinker.

Vumbi hili hukimbizwa kwenye kinu kikubwa (KILN). Na huko huchomwa kwenye jotoridi la takriban nyuzijoyo 1400. Udongo huyeyushwa na kuchangamana. Chanzo cha moto huwa ni makaa ya mawe ambayo hupondwa na kuwa vumbi kisha husukumwa kwa upepo wenye gandamizo kubwa na kuzalisha moto kama jehanam ya ajabu sana ndani ya jiko hilo. Moto ule (Carbon) na udongo huo ukijumlisha na mzunguko wa jiko lenyewe, manake linachoma huku linazunguka basi huzaa vijiwe vidogo vyeusi vinavyoitwa Clinker.

Clinker hizo hupozwa kwenye ghala (hydrous)na baadae hukimbizwa kwenye mpipa mkubwa unaozunguka wenye magololi ya chuma na vikwazo ndani yake, huko clinker hugongwagongwa na kuwa vumbi laini sana ambalo huchanganywa na vumbi jingine linaloitwa gypsum (udongo unaochimbwa Tanga) na hapo kutoa vumbi ambalo likipata maji hukauka na kuwa jiwe linaloitwa CEMENT.

Baada ya chochezi hilo nikapeleleza na utengenezji wa Clinker kule India, ambapo mawe hununuliwa, mfinyanzi hununuliwa na zaidi ya hayo wao huchoma kwa kutumia mafuta ambapo ni gharama sana sisi tunatumia makaa ya mawe ambayo kusini ni mengi tu..

Ukiangalia mchakato huo HAPA KWETU, Miamba geu iko mingi na bure kabisa, Makaa ya Mawe Tunayo Kusini ya Kumwaga tu, Gypsum ni udongo unaopatikana Tanga mwingi sana na Bure tu. Sasa nani katuroga mpaka Cement isiwe na bei ya Tsh 2500 au 3000 tu????!!!????

Nikagundua gharama Kubwa za Cement ni Unyonyaji tu, Viwanda vingi vinaendesha mataifa ya nje na si tanzania. Mfano waholanzi hawa Lafarge wanamlipa MZUNGU Technician tu mwenye certificate ya ufundi karibia Dola 8,500 sawa na (8500 x 2580) = Tshs 13,400,000/=kama mshahara wake mwezi, wakati Mhandisi Mtanzania mwenye Jiwe lake moja au mawili, aliyekokotoa shule ngumu ya FoE na term system that time, na kuvivuka vikwazo vyote vya kina Prop Chambega, Luhanga , Masuha Nk ambaye ndiye mkuu wa sekta mojawapo labda project manager, au Chief Electrical, mechanical, Civil nk kiasi cha Tsh 820,000 kwa mwezi. Usawa uko wapi?. Wakati huyu fundi wa kizungu maelekezo na miongozo ya kazi anaipata kwa Mtanzania huyu ambaye ni meneja wa kitengo husika. Hivi usawa uko .. kama Fundi tu anakula madolali yote hayo je Eng wa kizungu, je Chief of DPt je manager je CO wa kizungu anajichotea mangapi.. kama hiyo haitoshi je wanajilipia kwenye serikali yao kiasi gani kwa External security, BIMA, INSUARANCE nk (maana huduma hizi zote wanajitegmezea huko kwao) na kiasi gani wanarundika kwenye mabenki yao na kuimarisha uchumi wao?

Fedha nyingi na Utajiri Mwingi wazawa hawafaidi, tunanyonywa na kukubali kunyonyeka. Kiwanda sio Inshu kubwa, Serikali ikiamua kujenga Kiwanda hiki ni kazi nyepesi na laini sana. Kama Hawa wazungu wanaleta makandamizi haya basi tuwaalike Wajerumani waliowajengea hawa waholanzi na wengineo viwanda waijengee serikali kupitia vichwa makini chini ya PSRC ikaendesha kiwanda hiki kwa ukombozi wa wananchi wake. INAWEZEKANA..

Alamsik..!!

NB: Kwa muda wako jisomee:

Tanzania: Cement sh 5,000 yawezekana!
&k
Maisha BORA: Songea mfuko wa cement sh 20, 000 per bag!
...

By Ukana Shilungo

you are real brialiant,uchambuzi safi kabisa,mbeya cement kiwanda cha songwe Injinia mwandamizi Maro ni alikuwa injinia mkuu toka kiwanda kinajengwa mpaka kinaanza uzalishaji,aliacha kazi kwa ajili ya mzungu asiyejua kazi kulipwa Milioni 13 ili hali yeye akipokea milioni 1.5,alipatwa na uchungu akaacha kazi.meneja mkuu Diyami alimshauri Mkapa kutobinafisisha kiwanda cha Songwe ila mkapa hakusikia,kwa hiyo bei ya saruji ingeweza kuwa nafuu tatizo ni ufisadi toka kwa hawa wageni tuliowapa viwanda kwa bei ya kutupa,lengo ni kupata super profit,so THE MISSION OF CAPITALIST WHEREVER THEY ARE IS EXPLOITATION by any means,hivyo saruji kuuzwa 5000 kama alivyosema Dr slaa ni kweli,kweli tupu.

By Henge

Asante mkuu hata kama umeniongezea hasila!

wenzako wameamua kujenga 2016.... nadhani unajua nani atakuwa anashika madaraka ya nchi hii

By S.Liondo

Kwa hii taarifa yako mkuu, basi uduni wa maisha tulionao watanzania ni wa kujitakia wenyewe, tena kwa kuukumbatia kwa mapenzi makubwa kiasi cha kushindwa kuihukumu CCM kupitia sanduku la kura. Hakuna maendeleo ya maana hapa Tanzania mpaka kuwe na mabadiliko ya maana katika serikali inayotawala.

ni wakujitakia mkuu tena kwa asilimia zote....

Walahhi tenah! Mi na nyinyiemu 2015, mungu aendelee kumpa nguvu mheshimiwa rais, Dr. Wilbroad Slaa..AMeN

ooh man JF is back....well analytical and constructive thread ever

Nazdi kupata hasira na serikal ilioko madarakan! 'wananchi wasiopiga kura ndio wanaowachagua viongoz wasiofaa' lazma 2badilike jaman

mkuu asante kwa uchambuzi umesomeka

Safi sana mkuu, good analysis

Salma kwa uchambuzi na utafiti ulofanya una haki ya kusema ulosema hasa kuwa bei ya cement yaweza shuka hadi chini ya 5,000/- ya Ki-TZ. I salute you and you deserve my (our) respect!!! Wewe ni GREAT THINKER...!!!

Viongozi mlo madarakani endeleeni kubisha tu ila ipo siku mambo yatageuka na watakuja watu makini washike serikali na ndo wata-prove kuwa inawezekana na nyie kama mtakuwa hai au wana wenu watakuja ona aibu kuwa why nyie mlitunyonya na kutukandamiza watanzania kwa maisha magumu na nyie ndo muishi kwenye maisha bora kwa kila mnyonyaji na Fisadi!!

Mtu mmoja nilisoma kitabu chake nikiwa shule enzi hizo, alimsimulia mtu mmoja aitwaye Rashidi kama sikosei ambaye alikuwa Kuli bandarini...kwa shida alizo kuwa anazipata alihitimisha hivi..."YANA MWISHO HAYA".

So hata ufisadi ulokubuhu nao Una mwisho wake na OLE WENU MAFISADI NA WANYONYAJI WOTE WA TAIFA HILI...Wakati ukifika Mtalia na kusaga meno....

Halafu hiyo hesabu yako mfuko mmoja ni shillingi ngapi? ukiweka gharama za usafiri wa meli (zilizo sawa, hiyo ya dola 400 kwa container la futi 40 ni porojo), gharama za bandari? usafiri wa nchi kavu? gharama za kuhifadhi (storage)? gharama za kuuza (sales cost)? kwi kwi kwi teh teh teh, bado ni elfu tano tu kwa mfuko? sasa wewe mbona juu huko kwa gharama porojo na unauza 10,000 kwa mfuko? umempita bei Slaa kwa 100%, sasa nani porojo zaidi wewe, au yeye?

Mambumbu ni wengi sana Tanzania, wanasifia uongo! hizo ndio shule za kina mtakatifu. Tukiwaambia mnasaidiwa na NECTA mnakataa, mmeshazitazama hizo hesabu za bi Salma lakini au mnachekelea kama misukule tu?

Dada naomba ruhusa niprint utafiti huu niusambaze mtaani kwa gharama yangu nikuatribute tafadhali.

Hongera sana kwa uchambuzi makini, wacha Kigoda na serekali wasome labda wataelewa pia TBC wanaweza kukanusha makala zao

asante mkuu kwa info,,,,,,,,hatuna utashi kwa vile hatuna uzalendo,,,,chadema valien njuga mambo haya,,,kampen futa nyumba za tope na nyasi tz au op makazi bora,,,

Ubaya ni kwamba ndugu zetu wakina Nape huwezi kuwaona huku waki reason kwa issue badala ya propaganda.

Wakina rejao wao wanajua mambo laini laini tu!

Mheshimiwa, kwa maana iyo ni nafuu zaidi kuagiza contena la cement toka nje kwaajili ya ujenzi kuliko kununua hapa nchini..kama option hii ipo kwann tuna endelea kung'ang'ana na cement za hapa nchini au serikali inakata kodi ya juu mno kwenye iyo

Uchambuzi mzuri sana, na ni kweli hilo linawezekana kabisa
na kwa kuongezea tu, bei inawezaje kuwa sawa nchi zima? yaani kama Dar ni 5000 basi na Kigoma, Lindi na Shinyanga bei inakuwa hiyohiyo ya 5000tsh

Kwa nchi zenye kujali raia wake na kuwapunguzia kasi ya ugumu wa maisha, utaratibu unaotumika ni wa kuwapa punguzo la kodi na kuwashushia bei ya mafuta kwa wasafirishaji wote wanaopewa tenda ya kusafirisha hiyo cement kwenda mikoa husika, mwenye roli anayepeleka cement Morogoro anakuwa na kiwango chake cha kodi na bei yake ya mafuta ambayo itakuwa juu kidogo kuliko ya yule anayepeleka Kigoma ama mwanza, utaratibu huu unasaidia sana kwa kuweka uwiano sawa wa bei kwa nchi nzima

Yawezekana kama viongozi wetu wataacha ulafi uliopitiliza. Wamekula wameshiba bado wanajitapisha ili waendelee kula huku wananchi wa kawaida wakiteseka kwa njaa na umasikini uliokithiri. Hawana aibu kabisa wameshatufanya misukule yao wao na familia zao wakineemeka kwa jasho letu.AIBU YAO MILELE

Mkuu kwanza nashukuru kwa shule kubwa uliyotupa.., Mimi naamini kabisa kila kitu kinawezekana ila kama unavyosema TZ kila kitu ni Udalali ambao unaanzia kwa waziri hadi watendaji wa chini.

Mfano the same inatokea kwenye Sukari, Unga nk...

Tufike mahali kama Dr Anasema inwezekana Mfuko wa Cement kuwa 5000/=, Elimu Bure, Afya Bure etc Tumpe hii Nchi atuonyeshe the wengine wafuate... Tatizo hapa ni CCM na Mafisasi wanatumia sana Pesa ili kupotosha ukweli huu...

Mimi namwamini sana huyu Mzee... Nakumbuka Mara ya kwanza wakati anagombea ubunge kule Karatu alisema... Kusambaza maji viji vyote vya Karatu inawezekana, Kupunguza kodi ya kichwa kutoka 5000 hadi 2000 inawezekana, Wanafunzi wa karatu kusoma bure inawezekana, Kila kijiji kuwa na Dispensary inawezekana... Wakati jamaa wa CCM anahubiri maji hakuna TZ nzima si karatu tu...

Watu wa Karatu wakaona isiwe taabu.. Wakampa Ubunge pamoja na halimashauri... Unajua alifanyaje? Kwanza alifuatilia kodi ya kichwa inakusanywa kiasi gani kwa mwaka, akakuta zaidi ya 80% inatumika kwenye process ya ukusanyaji.

Simply akasema kama atatengeneza kodi ndogo ambayo watu watailipa wenyewe then amemaliza Kazi ndiyo ikawa 2000/= na 500/= kwa ajili ya kuwasomesha wanafunzi kutoka olevel hadi Alevel.

Badala yake wakazi wa Halimashauri zinazoizunguka Karatu wakawa wanalipa kodi zao Karatu. Mapato yakawa mengi ndiyo CCM wakaamua kuifuta.


Sasa ni muda wa kuangalia tusichague tena hawa wazee wa mades tuchagu Rais mwenye IQ, I mean Ram, HDD pamoja na Processor speed kubwa ambaye si Rahisi kumdanya sikufichi hata mchwa na vipandikizi Pale CDM vinashindwa kufanya kazi pale CDM kwa sababu ya huyu Mzee.

Mtu mwingine ambaye namkubali ni Freeman Mbowe huyu bwana anastahili kuwa kwenye nafasi ya Juu maana hata Nyerere alijua hili kabla hajafariki, IQ yake ni kubwa huwezi kukuta mahali ukawakusanya interlectuls kama alivyofanya kule marekani then ukawaambia nataka tufanye QA session kwa maana yeye atoe maelezo then wao wamwuulize maswali na majibu na tumeona ameweza kuwa convince wote na badala yake sasa ni balaa tupu CCM wanahaha.

Kunaambao mpaka leo hawajui kwanini watanzania ni maskini.

Well said sister!
Hili hata kwa NONDO na BATI linawezekana, Kwani halina tofauti na NGUZO ya TANESCO kuuzwa 1 Milioni.