Topic: CCM yamwaga Mamilioni kuivaa CHADEMA; Watu wasombwa kwa malori

CHAMA cha Mapinduzi (CCM), kimedaiwa kutumia mamilioni ya fedha kugharimia mkutano wake wa hadhara unaotarajiwa kufanyika leo katika viwanja vya Jangwani jijini Dar es Salaam, katika kile kinachoonekana kujibu mapigo ya mahasimu wao, Chama cha Demokrasia na Maendeleo (CHADEMA).

Kinyume na madai ya CCM kwamba lengo la mkutano huo ni kuhamasisha uhai wa chama na kutolea ufafanuzi mambo kadhaa yanayojitokeza ndani ya chama hicho, lakini duru za siasa zimedai kuwa, lengo kuu ni kujipima nguvu na CHADEMA ambacho wiki mbili zilizopita kilifanya mkutano wa hadhara katika viwanja hivyo na kuhudhuriwa na maelfu ya wananchi.

Katika mkutano huo wa CHADEMA ambao ulirushwa moja kwa moja na kituo cha luninga cha ITV, maelfu ya wanachama waliofurika, walifika katika viwanja hivyo kwa njia zao bila kusombwa na magari, wala kupokea posho.

Ili kuhakikisha mkutano wa leo unafunika ule wa CHADEMA kwa kupata watu wengi, CCM imeamua kuwasafirisha wajumbe wake kwa magari makubwa ya kukodi kama vile malori na mabasi kutoka kila tawi na kuwafikisha katika viwanja hivyo.

Mbali ya kusombwa kwa magari, CCM pia imeamua kugawa bure fulana na kofia, na kuna madai kuwa chama hicho kitatoa posho kwa wanachama wake watakaohudhuria mkutano huo.

Mkakati wa kuhakikisha mkutano huo unapata watu wengi, umesukwa kuanzia ngazi ya matawi, wilaya hadi mkoa kwa zaidi ya wiki moja sasa.

Kana kwamba hiyo, haitoshi, CCM imeandaa baadhi ya wasanii maarufu wa muziki wa kizazi kipya (Bongo Flava) watakaotumbuiza mapema kabla ya kuanza mkutano kwa nia ya kuwavuta wanachama.

Baadhi ya wasanii hao ni Diamond, Marlaw, Frola Mbasha na wengine wengi ambao walipata kutumika wakati wa mikutano ya kampeni ya Rais Jakaya Kikwete.

Akizungumza na waandishi wa habari jana, Katibu wa Uenezi na Itikadi CCM, Nape Nnauye alisema baadhi ya mawaziri na makada maarufu ndani ya chama hicho tawala, watahutubia katika mkutano huo.

Alisema mkutano huo unaotarajiwa kuwa wa aina yake, ulipangwa siku nyingi kwa lengo la kuwakutanisha pamoja viongozi wa chama wa mashina na matawi waliochaguliwa hivi karibuni katika uchaguzi wa CCM unaoendelea katika ngazi mbalimbali.

“Kuna vyombo vimesema mkutano huo utahutubiwa na Mzee Mkapa, Mwinyi. Hiyo sio kweli maana hata mwenyekiti wa chama taifa, Rais Jakaya Kikwete hatakuwepo jukwaani,” alisema Nape.

Aliwataja mawaziri watakaohutubia mkutano huo kuwa ni pamoja na Waziri wa Uchukuzi, Dk. Harrison Mwakyembe, Naibu Waziri wa Mawasiliano, Sayansi na Teknolojia, Januari Makamba, Waziri wa Nchi Ofisi ya Rais (Mahusiano), Steven Wassira, Waziri wa Ushirikiano wa Afrika Mashariki (EAC), Samuel Sitta, Waziri wa Ujenzi, John Magufuli, Mjumbe wa Halmashauri Kuu (NEC) na Kamati Kuu (CC), Abdulrahman Kinana na Nape mwenyewe.

“Mzee Kinana atazungumzia masuala ya katiba na sheria na atatoa kauli kuhusiana na vurugu zilizotokea visiwani Zanzibar na kueleza msimamo wa chama kuhusu kikundi cha Uamsho cha visiwani humo kinachodaiwa kuwa chanzo cha vurugu hizo.

“Wasira atajikita kwenye uchumi, Dk. Mwakyembe atazungumzia jinsi serikali inavyoshughulikia masuala ya uchukuzi, Magufuli atazungumzia utekelezaji wa ilani katika eneo la ujenzi na mkakati wa kuondoa foleni jijini Dar es Salaam,” alisema Nape.

Kama ilivyokuwa kwa CHADEMA, CCM nao wameamua kurusha mkutano huo moja kwa moja kupitia kituo cha Televisheni ya Taifa (TBC) na Televisheni ya ITV na baadhi ya vituo vya redio.

Aliwataka wananchi, wanachama wa CCM na wakereketwa kujitokeza kwa wingi katika viwanja hivyo ili kuwasikiliza viongozi wa chama na serikali watakaozungumzia kuhusu utekelezaji wa Ilani ya Uchaguzi ya CCM ya mwaka 2010/2015.

CHADEMA yaipa masharti magumu
Akizungumzia mkutano huo wa CCM, Katibu Mkuu wa CHADEMA, Dk. Wilbroad Slaa, aliponda juhudi za kukusanya watu ili kuonesha kuwa chama hicho tawala bado kinapendwa.

Akizungumza kutoka Jimbo la Mtama, mkoani Lindi kwa njia ya simu, Dk. Slaa alisema CCM inatakiwa kuwaambia Watanzania na wananchi namna gani imetimiza ahadi zake ilizotoa wakati wa kampeni za uchaguzi mkuu, zikiwemo za kuwaletea wananchi maisha bora badala ya kusomba watu kwa magari.

Dk. Slaa aliongeza kuwa, hali za Watanzania kwa sasa ni mbaya mara mbili hata kabla ya uchaguzi mkuu na kila mtu amepigika vibaya, kinyume kabisa na namna alivyoahidiwa na watawala.

CHADEMA pia kimewataka viongozi watakaohutubia wananchi, waseme waziwazi idadi ya viongozi wa CCM waliokwisha vuliwa magamba hadi sasa, tangu wawatangazie Watanzania kuwa wanapambana na watu hao miaka miwili sasa.

“CCM isijisumbue wala kujidanganya kusomba watu na kuaminisha umma kuwa bado inapendwa. Watu wameichoka kwa sababu imewadanganya.

“Tunataka waseme, wamewaleteaje watu maisha bora kama walivyowaambia wakati wa kampeni, na pili waseme ni magamba mangapi yamevuliwa tangu wajitape kufanya hivyo,” alisema Dk. Slaa.

By GeniusBrain

CRAAAAAAAAAAAAAAAAAP hakuna kitu muda huu matumbo yanawauma naona mko busy kuleta uongo wa kila aina, ila ikifika saa 6 mchana na kuhara sasa mtaanza, na mkutano ukiisha saa 12 mnapelekwa na hospitali kuongezewa dripu kwani maji yatakuwa yamewaishia mwilini, na msipo wahiwa ni kifo kabisa.

GeniusBrain karibu, naona umemaliza kifungo!

wenye akili wanafahamu ccm ni chama kikubwa huwezi linganisha na chadema.

By GeniusBrain

Utamaliza maneno yote leo, ila kuchinjwa kuko pale pale

Kwamtindo wa malori, wasanii wa bongo flavor,T-shirt kanga na kofia ni lazima mtu achinjwe.wapo wengi wasiokuwa na khanga kofia na t-shirt so ni lazima waende wakapatiwe hivyo vyote.

By MNAMBOWA

wenye akili wanafahamu ccm ni chama kikubwa huwezi linganisha na chadema.

Na wenye akili kabisa wanafahamu CCM ni chama cha waizi huwezi linganisha na chama cha wazalendo CHADEMA

By Nduka

Waulizeni viongozi wenu ruzuku wanapeleka wapi? Au ndio wanazotumia kujilipa posho na kujengea mahawala zao majumba? Chama kinashindwaje kuwabeba wachaga kutoka kimara hadi jangwani lakini kiweze kumpa mkataba wa kifisadi Josephine yule hawala wa Slaa?

Nduka, We lazima unakesi na baraza la mitihani .....!!

kila la kheri bwana ngoja mkutano umalizike tutaoa tathmini kama nguvu iliyo tumika italingana na matokeo yake

Kizuri chajiuza kibaya chajitembeza.

By Ezan

Namimi naweza kupita pale huenda nitapata kitisheti cha kuendea shamba

Pigia deki mkuu ukienda nacho shamba watu watajua na wewe ni walewale.

Mods, unganisha hii thread zimekuwa nyingi

Kuna tatizo gani wanachama wa CCM wakipatiwa usafiri kwenda kwenye mikutano ya hadhara? Mbona ni kawaida sana mashabiki kutoka Karatu na Moshi kuletwa na mabasi mjini Arusha kwenye mikutano ya hadhara ya CDM! nendeni Jangwani mkatuwakilishe halafu mtupe habari za maana kwenye toleo la kesho.

By ritz

Mods, unganisha hii thread zimekuwa nyingi

Kuna thread wenzako wanalalamikia mods hebu pitia huko

By Mungi

Kuna thread wenzako wanalalamikia mods hebu pitia huko

Kama wewe unavyolalamika na malori...kuna thread zaidi ya 10 zote za Jangwani.

Nimeona jina la Kinana kwenye list ya watu watakaohutubia leo Jangwani. Kama ni kweli basi nategemea Kinana atatoa tathmini ya biashara ya meno ya tembo pamoja na usafirishaji wa wanyama hai.

By tindikalikali

maskini baba/mama/kaka/dada zangu hawa..!
natamani wangeijua kweli ili kweli iwaweke huru.

By ritz

Kama wewe unavyolalamika na malori...kuna thread zaidi ya 10 zote za Jangwani.

Wenzako wanalalamika kwamba thread zao zinaunganishwa kwenye thread zingine!

By AcinonyxJubatus

Kizuri chajiuza kibaya chajitembeza.

imepita bila ubishi.

tatzo nape na ccm wamelala! m4c inavuruga akili na bado huo ni mwanzo tu!

By GeniusBrain

Utamaliza maneno yote leo, ila kuchinjwa kuko pale pale

mimi nikiwaambia watu kuwa ccm ni chama cha mauji wana kataa, msome masaburi brain halafu kumbuka mwenyekiti wa ccm usa river alie muua kikatili mwenyekiti wa chadema kata ya usa river

By MNAMBOWA

wenye akili wanafahamu ccm ni chama kikubwa huwezi linganisha na chadema.

Kwa nini wanasomba watu na malori? Kama kweli CCM ni chama kikubwa na kama kweli kama wanajiamini waache kusomba watu na malori halafu tuone Jangwani kukoje.