Topic: Kilimo Kwanza; Sauti ya Yakobo, Mikono ya Esau.....

Napata tabu sana kupata utashi wa dhati wa viongozi wetu katika suala la kinachoitwa kilimo kwanza. Ukisikiliza sana kauli zao na kuangalia kinachofanyika katika hali halisi utaona kabisa kwamba ni aina fulani ya mtaji wa kura kwa kucheza na mindset za Watanzania. Nimemsikiliza Mkuu wa nchi jana (01032012) na kuona kwamba bado tunayo safari ndefu ya kufikia azma ya ukombozi wa kiuchumi kupitia kilimo.....Hebu angalia kwanza kauli yenyewe kilimo kwanza....ukisikiliza utadhani ndio kipaumbele cha nchi katika sera, mipango na bajeti lakini kiuhalisia kilimo kwanza hakina tija kwa mkulima masikini wa Tanzania bali kwa wawekezaji wakubwa hususan wa kigeni hasa katika kukidhi matakwa ya nchi za ughaibuni. Ona kwa mfano jinsi ambavyo mashamba makubwa yalivyokuwa yanailisha nchi hii kama vile Mbarali, Kapunga, Rufiji nk yalivyogawiwa kwa wawekezaji ili kupanda mazao ya nishati uoto kama vile mbono kaburi (jatrofa) ambao kwa hakika ni kwa ajili ya kupata mafuta ya magari ya huko.....hivi kweli tuna dhamiri ya dhati ya kufanya kilimo kiondoe njaa Tanzania?

Sijui wadau mnasemaje....

Mrisho Mpoto, swali
Kilimo kwanza ni kaulimbiu au mpango Wa kumaliza njaa Tanzania, karne ya 21 bado Chakula ni issue Ndiyo nipo kwenye gate la ukaguzi IKULU kumueleza Mjomba kuwa tuna taka utekelezaji Wa mengi tuliyokubaliana kabla ya kumpa Funguo ya jengo jeupe


Ndimara Tegambwage,jibu


Mpoto ndugu yangu!
Kilimo kwanza ni wao
Na kilichopo ni chao
Si chako, si changu
Hata kaulimbiu ni yao
Wewe na mimi kalagabao!
Yetu yawe makofi - pwa! pwa! pwa!


Ndoto wamepandikiza
Vichwani mwa hohehahe
Eti watakula
Eti watashiba
Hata kuvimbiwa
Eti watasaza
Hata kuuza nje
Eti neema yaja
Yetu yawe makofi - pwa! pwa! pwa!


Si changu si chako
Kilimo Kwanza ni chao
Tunda la mbongo zao
Wenye mipango lukuki
Wenye wenyeji ikulu
Na katika vyake viunga
Wenye "kontakti" nje
Na ndani kusaka manamba
Yetu yawe makofi - pwa! pwa! pwa!


Wamekaa Marekani
Hata nyumanju ya ikulu
Wazawa na wakuja
Kunguru ni kunguru tu!
Wamevikuna vipara
Na kilimo wakatua:
Ndio lango, ndio shibe
Mwafaka wa wanga.
Yetu yawe makofi - pwa! pwa! pwa!


Ili wapate ardhi, wameimba:
Kilimo Kwanza
Ili wapewe mikopo, wameimba:
Kilimo Kwanza
Ili wapewe kipaumbele, wameimba:
Kilimo Kwanza
Ili wale, wanywe ikulu, wameimba
Kilimo Kwanza
Waite unavyotaka:
Wawekezaji au wawekezwaji?
Yetu yawe makofi - pwa! pwa! pwa!


Wanatafuta miliki
Ya ardhi na mazao
Wanahemea mapato
Kwa migongo ya wazawa
Wanatafuta fadhila
Kwa ikulu na kwingineko
Wale, washibe, wasaze
Yetu yawe makofi - pwa! pwa! pwa!


Kilimo Kwanza mpango
Wa wakubwa kuvimbiwa
Kilimo kwao kutaja
Hilo hasa ni kudandia
Waonekane wanajali
Njaa kuikong'ota
Kumbe njaa yao faida, ziada
Nasi yetu makofi: pwa! pwa! pwa!


Sikiliza wa Mpoto
Na umri wako rejea
Kilimo kwanza ije leo
Jana ulikulani?
Mkolezo una jambo
Ni shinikizo babukubwa
Wanasiasa waimbe
Wafike kukushawishi
Wanamipango wanene
Eti huo “ukombozi”
Ili uone sasa utapona:
Kumbe tai anashuka
Chako kitakuwa chao
Na chao kitabaki chao
Nasi yetu makofi: pwa! pwa! pwa!


Wanayo yao madai
Kilimo kikubwa wataleta
Kilimo kikubwa ni ardhi kubwa
Hata yangu na yako kumezwa
Hata ya mkulima wa jembe,
Yule aliyetulisha hadi jana
Hadi leo na hadi kesho wavunapo
Chwai! Itakwenda
Nasi tutabaki na makofi: pwa! pwa! pwa!


Kilimo kikubwa mitambo
Walokuwa wakulima
Sasa wawe manokoa;
Wale wa kurandwa mijeredi
Mithili ya utumwa wa babu.
Kutumika watatumika
Kutumiwa watatumiwa
Kuchakaa watachakaa
Mafao yao ni hapa
Kwani wao watumishi
Kwa soko lile la nje
Lile la wawekezaji
Au sema wawekezwaji
Nasi yetu makofi: pwa! pwa! pwa!


Kilimo kikubwa mbegu
Mbegu nyingi kutumika
Mbegu zao za viwanda
Wanaziita za kisasa.
Za asili zitapotea, pwe!
Sote tule vikakara
Vyenye ladha masimango
Tubaki tukiimba
"Maendeleo, maendeleo!"
Makofi kuwapigia: pwa! pwa! pwa!


Kilimo kikubwa mbolea
Ile ya kwao viwandani
Ardhi hii kunajisi.
Baada ya miaka mitatu, minne
Nayo kuwa kikakara
Hakimei kisichochao
Hakikui wasichotaka
Hakipandwi wasichoruhusu
Sote hatufurukuti
Tunalinda soko la "bwana!"
Tunaendelea: pwa! pwa! pwa!


Kitu gani hatuwezi
Wewe na mimi,
Pale madarakani tukikaa?
Hata hayo tungefanya
Kwa mipango, kwa haki.
Sasa wafanye kunguru
Wasiothamini utu?
Wasiothamini asili yako?
Watumikiao soko la nje
Kwa kutufanya manokoa?
Kwa mwavuli wa Kilimo Kwanza?
Nasi tuendelee kuwapongeza
Kwa makofi: pwa! pwa! pwa!


Kilimo Kwanza ni wao
Wao hawa watafutaji
Kama mipango ni yao
Na kaulimbiu ni yao
Sisi twabaki na njaa yetu
Njaa ya kualika
Njaa ya kusukumiziwa;
Na kwa sauti zilizonyauka
Macho yaliyoenda kengeza;


Kwa uchovu
Miili iliyofinyazwa kwa viboko;
Vile viboko vya watawala
Na wawekezwaji.
Halafu tupige makofi
Pwa! pwa! pwa!


Afadhali "Kilimo Mwisho"
Kuliko Kilimo Kwanza
Kilimo Kwanza si chako
Kilimo Kwanza si changu
Acha watu na dili zao
Wewe na mimi tufumbuke
Tuache kupiga makofi
Mwisho wa pwa! pwa! pwa!
Ndio mwanzo wa kufikiri.



Chanzo. Mabadiliko

Haya bana nikupe hongera kwa shairi lako zuri linaloongelea ukweli mtupu ktk hii kauli mbiu ya kilimo kwanza

Allaaaahhh!!!!! kumbe ni KAULI TU ehhee!!!! ...kwetu huku walalahoi sio?

Kilimo kwanza ni chao, Maisha bora ni yao, hata kauli mbiu ni yao. Sisi yetu makofi pwa pwa pwa !

Kilimo kwanza ni slogan au propaganda ya kisiasa iliyoanzishwa na wanasiasa kwa lengo la kupata mvuto kutoka kwa wapiga kura.Ili kilimo kwanza kifanikiwe na kiwe endelevu kilipaswa kushirikisha wataalamu mbalimbali wa kilimo ili waunde sera na kusimamia utekelezaji wake,.Lakini leo hii ni ajenda ya wanasiasa ambao hawajui kilimo chetu kimekwama wapi??Tunahitaji mbegu bora, tunahitaji umwagiliaji, tunahitaji zana (machinery), tunahitaji viwanda vya kusindika, tunahitaji watalaam hadi ngazi za vijiji, tunahitaji masoko ya bidhaa za kilimo, tunahitaji pembejeo nyingine kama mbolea madawa, tunahitaji watafiti, wagani, nk. Hayo yote yanahiji pesa, je ni kiasi gani kimetengwa kwa wizara ya kilimo kutekeleza mkakati huu??na uko wapi mpango kazi wa serikali kutekeleza hiki kilimo kwanza??Je evaluation inafanyikaje na baada ya muda gani??Serikali ifanye siasa lakini mambo ya kitaalam wawaachie wataalam, otherwise tutaendelea kupiga hatua moja mbele na tano nyuma!!!

Itakuwaje kilimp kwanza wakati hata wakulima wakiuza mazao yao zambia au malawi serikari inakimbilia kufunga mpaka afu yenyewe haiyanunui mpaka yanaoza mikononi mwa wakulima.

Kilimo kwanza ni usanii tu.

Utasemaje kilimo kwanza hamna barabara? Hayo mazoa si yataoza shambani.

Utasemaje kilimo kwanza hamna umeme. Utahifadhi kivipi hayo mazao.

Utasemaje kilimo kwanza elimu ya waTZ ni hoi. Si ndo mwanzo wa kukata mikono albino ili wabutue ela kirahisi.

Kilimo kwanza ni cha JK na familia ake. Full stop

By Goodrich

Kilimo kwanza ni chao, Maisha bora ni yao, hata kauli mbiu ni yao. Sisi yetu makofi pwa pwa pwa !

Tanzania itajengwa na wenye moyo na kuliwa na wenye meno..

By collezione

Kilimo kwanza ni usanii tu.

Utasemaje kilimo kwanza hamna barabara? Hayo mazoa si yataoza shambani.

Utasemaje kilimo kwanza hamna umeme. Utahifadhi kivipi hayo mazao.

Utasemaje kilimo kwanza elimu ya waTZ ni hoi. Si ndo mwanzo wa kukata mikono albino ili wabutue ela kirahisi.

Kilimo kwanza ni cha JK na familia ake. Full stop

..kabla ya full stop...na wawekezaji kisha fool stop

By mzambia

Itakuwaje kilimp kwanza wakati hata wakulima wakiuza mazao yao zambia au malawi serikari inakimbilia kufunga mpaka afu yenyewe haiyanunui mpaka yanaoza mikononi mwa wakulima.

wanafunga mipaka ili wauze yao kwanza

Hebu fanya kiunganishi kati ya mada na metaphor uliyotumia

By Raia Fulani

Hebu fanya kiunganishi kati ya mada na metaphor uliyotumia

hicho ni kisa cha mtoto aliyempateli baba yake kwa kuwa alikua ni kipofu......alichofanya alijivika ngoZi ili afanane na kaka yake hatimaye apewe baraka ya kuwa mrithi halali wa mali......alipeleka nyama iliyonona kwa baba yake na kumuomba ampe mbaraka wa kurithi mali pindi atakapotoweka duniani...baba alipomshika mkono akadhani ni mtoto wake wa kwanza ( Esau) lakini aliposikiliza sauti akaona ni ya mtoto wa pili na kusema sauti ni ya yakobo hali mikono ni ya esau.....kiunganishi katika kilimo kwanza viongozi wana mikono tofauti na sauti zao, wakiwa jukwaani wanahubiri kilimo kwanza tofauti na matendo halisi yanayofanyika kwenye say utengwaji wa bajeti etc (they preach what they dont practise and they practise what they dont preach) ie they say what they dont do and they do what they dont say...sasa soma kianzio cha mada

inaelekea raisi wetu hajui maana ya kipaumbele. Ebu tujadili iko "kilimo kwanza".

Tuangalie Je, wataalamu wetu waomaliza vyuo wote wanaenda kulima? Hata kama sio wote, tuseme 80%.

Kilimo kwanza kina-ajili watu wangapi hapa Tanzania? Na kinaingiza pato la taifa kiasi gani?

Kama hizo factor are not satisfied, then kilimo kwanza as a mojor sector is "usanii"

Waziri mkuu mstaafu wa Malaysia alishawahi kusema. "Kiongozi shuvapu na jasiri ni yule anayeweza badili uchumi wa nchi yake kutoka kwenye kilimo mpaka kwenye viwanda".

China, India, Singapore, Malaysia wameweza. Viongozi wao wamekuwa wajasiri na shupavu. Leo wanatengeneza magari hawa jamaa.
Sisi hata toothpick tuna-import.

Shame kwa viongozi wanaotumia mwanya wa waTanzania ambao hawana uelewa...

Unashangaa ya kilimo kwanza wakati hadi leo hii wafanyakazi wa serikali hawaajlipwa mishahara??????
eti hazina hakuna umeme kwa siku ya 3, hivi hili linakuingia akilini?
Are we serious?
Umewabana wafanyakazi na wafanyabishara wadogo wadogo wenye viduka kodi hadi wengine wanafungua maduka usiku kwa kuogopa maofisa wa TRA. wanaojibana kuleta magari ndio hivyo tena, wanalipa kodi za kufa mtu, leave alone kodi kwneye petrol na mengine.
Leo unashindwa kuwalipa mishahara?

This is Tanzania.

KAULI MBIU MNAISEMA NUSU TU. KAULI MBIU KAMILI INASEMA

"Kilimo kwanza, malalamiko baadaye". Haina maana ya kuwa kilimo ni kipaumbele. Wakulima wanahimizwa walime badala ya kulalamika..oh hatuna pembejeo, oh bei ya mazao iko chini, oh mazao hayana soko..n.k