Topic: Utenzi wa Tanzania - Miaka Hamsini ya Uhuru (Beti 100)

Utangulizi

Nilipata wazo la kuandika utenzi huu* kuanzia mwaka jana. Nilikuwa nimekusudia kuandika Utenzi wenye beti 1000 kwa ajili ya maadhimisho ya miaka 50 ya Uhuru wa Tanzania. Lakini katika uvivu wangu na mihangaiko ya dunia nimejikuta nimeishia kwenye hizi beti 100 za utenzi huu wa Tanzania. Maadhimisho ya miaka hamsini ya Uhuru ni maadhimisho siyo ya mipaka ya nchi, siyo ya jina na kwa hakika kabisa siyo maadhimisho ya kupita kwa muda. Ni maadhimisho – naamini- ya utu wetu.

Kwamba, katika miaka hamsini iliyopita tumeweza kufanya kile ambacho hakikuwahi kufanywa kwa miaka 2000 iliyopita katika eneo letu. Yaani, kuwaunganisha watu watu wetu wote, chini ya mipaka ile ile, wakiwa huru na haki sawa. Katika utenzi huu nimeelezea jinsi eneo letu lilivyojulikana kama Azania katika masimulizi ya Wagiriki au kama Zenji kwa Waarabu na wakati mwingine kuhusiana na majina ya maeneo ya Kushi na Nubia katika Biblia. Kama jamii ya watu tumepitia mambo karibu yote ambayo yamepitiwa na jamii nyingine za dunia. Kuanzia maisha ya ujima, utumwa, vita, mapigano, na hatimaye uhuru.

Kumbe basi historia yetu haina tofauti sana na historia ya jamii nyingine za watu ambazo zimesimama katika pande za dunia. Unaposoma utenzi huu ni matumaini yangu utakufanya ujisikie fahari kuwa wewe kama vile mimi ni zao la historia hii. Tumefungamanishwa na historia kiasi kwamba haiwezi kufunguka. Mbele yetu wametutangulia wengi katika historia ambao nao walisimama kutambua utu wao na kuudai mbele ya watawala wa zama zao. Ni hiki ndicho tunachokifurahia kwamba leo tuko huru kuwa watu sawa na wengine – kwa kila hali.

Ni utu wetu ndio ulikuwa msingi wa kupigania uhuru wetu na unatakiwa kuwa ndio kiini cha kushangilia uhuru huo. Ni vipi tumetumia uhuru huo kuinua utu wetu hili ni swali jingine ambalo kizazi chetu kama kizazi kinachokuja kitahiji kujibu. Je, mambo tunayoyafanya na kufanyiana yanalingana na utu huo? Je, tunatendeana kama watu wenye utu katika sera, sharia, mipango, na mambo tunayoyafanya? Utenzi huu basi ni kukumbushia utu wetu.

MMM Disemba 5, 2011

SIFA KWA MUNGU!

1. Ee Mola ninakujia

Kwako ninasujudia

Sifa nakurudishia

Utukufu enzi pia

2. Ewe uliye Jalia

Mmiliki wa Dunia

Hukumu ni zako pia

Na adhabu ya Jehania

UTANGULIZI

3. Kalamu naishikia

Naandika beti mia

Kwa tungo nazipangia

Zinasifu Tanzania

4. Ni tungo za historia

Ni wapi tulianzia,

Na wapi tumefikia,

Lengo ni kukumbushia

5. Nataka kusimulia

Kwa hizi tungo mia

Huku nawahisabia

Mpaka zitapotimia

6. Tangu walipoingia

Wageni toka Asia

Na wale wa Yuropia

Makabila yalohamia

7. Ishirini na mia,

Makabila ya Tanzania,

Makubwa madogo pia

Hapa nawasimulia

8. Na beti zikitimia

Zikifika hizo mia

Kalamu nitaachia

Lengo nitalifikia.

9. Ujumbe nauanzia

Wa hizi beti mia

Kwa kina nitagusia

Ni wapi tulianzia

...

Na. M. M. Mwanakijiji (Sauti ya Kijiji)
Disemba 5, 2011
Email: mwanakijiji@jamiiforums.com
Facebook: "mimi mwanakijiji"

Ω

NB:* - Utenzi huu unaweza kuchapwa popote na mahali popote bila kubadilisha maneno kama sehemu ya maadhimisho ya miaka 50 ya Uhuru. Haki zote za kuunakili zimeruhusiwa bila kubadilisha jina la mtunzi au utenzi wenyewe; lazima kuweka maelezo ya mawasiliano kama yalivyo.

Sasa ndugu yangu Mwana kijiji mbona Tanzania haijawahi kupata uhuru.

Wazungumzia Tanzania ipi?

ngoja niendele kuisoma kwa umakini kabla sijaijibu

By RealMan

Sasa ndugu yangu Mwana kijiji mbona Tanzania haijawahi kupata uhuru.

Wazungumzia Tanzania ipi?

Ukisoma vizuri utaona nazungumzia ipi.

By RealMan

Sasa ndugu yangu Mwana kijiji mbona Tanzania haijawahi kupata uhuru.

Wazungumzia Tanzania ipi?

I sense the call for Tanganyika is coming! Where does it come from???

nimekubali

Awali ya yote

Thalatha inamaanisha tatu na sio thelathini
Aroba (arba) inaamisha nne na sio arobaini (arbaini)
kama ambavyo tisa inamaanisha tisa na sio tisiini

Pili, ningeomba kuelezewa huu 'utenzi', unafuata kanuni gani za uandishi wake?

By Mzee Mwanakijiji

Ukisoma vizuri utaona nazungumzia ipi.

Wewe Mwanakijiji nilikua nakuamini sana, lakini hili...... HAPANA. Hapa unazungumzia Tanzania bwana, Tanzania haijapata uhuru na wala haijafikisha miaka hamsini(50) usituzuge acha kufuata mkumbo

Uhuru wa Tanganyika sio TANZANIA!

Hongera kwa beti mia
sote tumejionea
kusoma nimepania
punde nitachangia

Tanzania haijawahi kutawaliwa na haina siku ya uhuru bali ni siku ya Muungano tu, atakaepotosha ukweli huu amelaaniwa duniani mpaka mbinguni.
Nawapenda sana Tanganyika Law Society walijiondoa kwenye unafki huu tangu awali.

By Mzee Mwanakijiji

Utangulizi

Nilipata wazo la kuandika utenzi huu* kuanzia mwaka jana. Nilikuwa nimekusudia kuandika Utenzi wenye beti 1000 kwa ajili ya maadhimisho ya miaka 50 ya Uhuru wa Tanzania.................

Nimeishia hapa. Siwezi kuendelea kusoma beti 100 za uhuru wa tanzania. Nitaweza kusoma au hata kuimba beti 10,000 za Tanganyika baada ya uhuru wa kweli tutakapoachana na Zanzibar. Anza kutunga.......

Tanzania haijapata uhuru wewe

Beti nimemalizia
yote nimejionea
asante kwa historia
na mengi kujifunzia

hongera kwa kuyaona
makosa yalotendeka
nchi mbili kuungana
na mbili kupatikana

Tanganyika kupotea
ndilo linatusumbua
muungano twakosoa
kwani unatuumbua

Kutenda kosa si kosa
kosa kurudia kosa
tuyakosoe makosa
haki tusije ikosa

Aaah! amechanganya historia ya tanganyika na zanzibar huyu mie nimemwelewa hivyo! lakini ameskip! 9.december ni uhuru wa nchi ipi! mwanakijiji umenunuliwa? maana katika utenzi huu unaonyesha kuwa kwa jinsi mwingiliano wa maisha wakati wa ukoloni tulitakiwa kuwa tanzania since before sivyo? Huoni hii ni history ya kufikirika hii! ebu tengeneza utenzi kama huu specific kwa Tanganyika sawa mkuu usibadilike kaka!

Hivi Tanganyika ni nchi ya nani? Kwanini watu wanalilia nchi ya mkoloni?

By Mzee Mwanakijiji

Hivi Tanganyika ni nchi ya nani? Kwanini watu wanalilia nchi ya mkoloni?

Labda ungetusaidia kutuonesha Tanzania bara iko wapi nadhani huu utata wote utaisha. United Kingdom inaonesha kila kitu na kila kisiwa status yake,kwa nini sisi tunakuwa matapeli?

aliyekuambia Tanganyika nchi ya mkoloni nani!?

By Mzee Mwanakijiji

Hivi Tanganyika ni nchi ya nani? Kwanini watu wanalilia nchi ya mkoloni?

Kwa mara ya kwanza unisamehe ndugu......napata taabu kutamka hili.......lakini nahisi swali hili.....lakini nisamehe kwa sababu nakuheshimu....ila hata kama mkubwa hajambi......akikosea lazima tumseme.......katika hili.....UMETUMIA MASABURI KUPOST.

Tanganyika ni nchi yangu na si nchi ya mkoloni. Kama ingekuwa nchi ya mkoloni isingesubiri hadi 1964 kusilimu au kubatizwa na kuitwa Tanzania

By MAMENGAZI

hongera kwa kuyaona
makosa yalotendeka
nchi mbili kuungana
na mbili kupatikana

Na mimi naongezea
Beti moja kujazia
Tanganyika kurejea
Dua ninaiombea

Tanganyika haikuwahi kuwa zao la watu wa Tanganyika; vinginevyo wazee wasingetaka uhuru kutoka kwa Mwingereza. Tanganyika ni zaidi ya nchi au mipaka au jina. Labda watu warudi nyuma na kujifunza historia yetu kidogo. Tanganyika ilizaliwa katika misingi yake ambayo mtu aliposema "Mtanganyika" ilijulikana anamaanisha nini. Labda watu mrudi na kusoma hotuba za kuelekea Uhuru, ya siku ya Jamhuri na Hotuba ya Nyerere Umoja wa Mataifa baada ya maadhimisho ya Uhuru. Misingi ambayo ilikamilika katika Tanzania. Tanzania ni zao la njozi ya Tanganyika.

Inanishangaza watu wanatukuza "Tanganyika" lakini hawataki kuangalia misingi ya Tanganyika ilikuwa nini na wengine hata hawajui ilikuwa ni nini. Huwezi kuwa na Tanganyika bila kurudia misingi yake! Ni sawa na mtu ambaye anataka kurudia nyumba aliyokuwa nayo lakini bila kurudia alipoijengea. Aidha utakachopata sicho - japo inaweza kufanana na ukaita ni chako. Tanganyika na Tanzania haviwezi kutenganishwa. Hata bila Zanzibar - Tanzania inaweza kuwepo kwa sababu Tanzania ni zao la Tanganyika.

Kinyume na watu wengi wanavyosema wakati wa Muungano Tanganyika haikupoteza utambulisho wake, iliukamilisha na inapaswa kuendelea kuukamilisha kwa kuelekea Shirikisho la Afrika ya Mashariki. Kuirudia Tanganyika ni kurudia kitu ambacho tulikiacha na kutaka kurudia nyuma ya historia. Ndio maana huwezi kuwakuta wazee waliofahamu uhuru na harakati za uhuru wanalilia Tanganyika - kama wapo wachache tu.

By Mzee Mwanakijiji

Tanganyika haikuwahi kuwa zao la watu wa Tanganyika; vinginevyo wazee wasingetaka uhuru kutoka kwa Mwingereza. Tanganyika ni zaidi ya nchi au mipaka au jina. Labda watu warudi nyuma na kujifunza historia yetu kidogo. Tanganyika ilizaliwa katika misingi yake ambayo mtu aliposema "Mtanganyika" ilijulikana anamaanisha nini. Labda watu mrudi na kusoma hotuba za kuelekea Uhuru, ya siku ya Jamhuri na Hotuba ya Nyerere Umoja wa Mataifa baada ya maadhimisho ya Uhuru. Misingi ambayo ilikamilika katika Tanzania. Tanzania ni zao la njozi ya Tanganyika.

Inanishangaza watu wanatukuza "Tanganyika" lakini hawataki kuangalia misingi ya Tanganyika ilikuwa nini na wengine hata hawajui ilikuwa ni nini. Huwezi kuwa na Tanganyika bila kurudia misingi yake! Ni sawa na mtu ambaye anataka kurudia nyumba aliyokuwa nayo lakini bila kurudia alipoijengea. Aidha utakachopata sicho - japo inaweza kufanana na ukaita ni chako. Tanganyika na Tanzania haviwezi kutenganishwa. Hata bila Zanzibar - Tanzania inaweza kuwepo kwa sababu Tanzania ni zao la Tanganyika.

Kinyume na watu wengi wanavyosema wakati wa Muungano Tanganyika haikupoteza utambulisho wake, iliukamilisha na inapaswa kuendelea kuukamilisha kwa kuelekea Shirikisho la Afrika ya Mashariki. Kuirudia Tanganyika ni kurudia kitu ambacho tulikiacha na kutaka kurudia nyuma ya historia. Ndio maana huwezi kuwakuta wazee waliofahamu uhuru na harakati za uhuru wanalilia Tanganyika - kama wapo wachache tu.

Tueleweshe hiyo historia ili tupate kusherehekea uhuru wa miaka 50 ya Tanzania ambayo haikuwepo miaka 50 iliyopita.

Btw, tungeomba ufanyie marekebisho tungo yako ili kuondoa makosa ya maneno uliyoyatumia kinyume na maana yake sahihi

Heh hili la Azania nalo jipya,

By Mzee Mwanakijiji

Hivi Tanganyika ni nchi ya nani? Kwanini watu wanalilia nchi ya mkoloni?

Sawa, na iwe ya mkoloni, lakini tunatetea ukweli, tunakataa kupotoshwa. Unachokosea, unataka kulazimisha kwamba Tanzania ina miaka 50, ambao ni uongo wa chiriku, alisema Nyerere, ambae wewe ni zealot wake, kwamba "Ukweli haupendi kudharauliwa" ndio maana unaona kila ukijaribu usanii wa miaka 50 ya Tanzania, kunakuwa na mapingamizi mengi. Hata ingerembwa kwa beti za ngonjera.

Mkataa asili yake au kwake ni Mtumwa.

Nchi yetu Tanganyika,
Sisi tunahuzunika,
Jinsi walivyo kuzika,
Bila sisi kuridhia.

Hakika umetutoka,
Moyo umehuzunika,
Daima twakukumbuka,
Ni lini utarejea?

Mwenzio wa ushirika,
Ambaye uliridhika,
Mzazi wa uhakika,
Bado anaendelea.

Mkazaa Tanzania,
Wewe ukatokomea,
Ulezi ukakimbia,
Kumwacha Zanzibaria.

By Gaijin

Tueleweshe hiyo historia ili tupate kusherehekea uhuru wa miaka 50 ya Tanzania ambayo haikuwepo miaka 50 iliyopita.

Btw, tungeomba ufanyie marekebisho tungo yako ili kuondoa makosa ya maneno uliyoyatumia kinyume na maana yake sahihi

LOL, vina na mizani vitapwaya - labda aandike errata mwisho wa tenzi na kukushukuru mhariri mahiri !

Hizi sherehe hizi ni bora serikali izitishe au la kama wanategemea watu wataachana na
haya mambo sherehe zikimalizika lakini naona kama wanafungua pandorabox.

By Companero

LOL, vina na mizani vitapwaya - labda aandike errata mwisho wa tenzi na kukushukuru mhariri mahiri !

Nilijua imeandikwa kwa kutumia mfumo wa Magharibi flani hivi manake kwa mfumo wa mizani ya kwetu Waswahili, kama ishapwaya tayari. Na ndo maana nikauliza :D

By RealMan

Sasa ndugu yangu Mwana kijiji mbona Tanzania haijawahi kupata uhuru.

Wazungumzia Tanzania ipi?

bora hata ingepata uhuru, ni kuwa haijatimiza miaka 50 badooooooooooooooooooooo!!!!!! !!!!!!!!!!!