Topic: CUF yakerwa kuitwa CCM-B; Wabunge sita watua Igunga kuongeza nguvu

*Wabunge sita watua Igunga kuongeza nguvu

Na Peter Mwenda, Igunga

CHAMA cha Wananchi (CUF) kimekionya Chama cha Demokrasia na Maendeleo (CHADEMA) kuacha mara moja kutangaza
kudanganya wananchi wa Jimbo la Igunga kuwa chama hicho kisipewe kura kwa madai kuwa ni CCM-B.

Akizungumza katika mkutano wa kampeni ya uchaguzi mdogo Jimbo la Igunga juzi, Kaimu Katibu Mkuu wa CUF-Bara, Bw. Julius Mtatizo alisema CHADEMA imekuwa ikiwadanganya wananchi kuwa CUF ni CCM-B, wasikichague kwa sababu hakitaleta maendeleo jambo ambalo ni udanganyifu ambao unastahili adhabu.

Alisema CUF imevumilia sana kauli hizo na sasa imefika kikomo, hivyo kilichobaki ni wao kuweka hadharani mabaya ya CHADEMA kwa sababu ya upotoshaji huo kwa wapiga kura wa Igunga.

Bw. Mtatiro alisema cha kushangaza, ni kwa nini CHADEMA iseme uongo wakati CUF haijawahi kusema mtindo wa uongozi wa upendeleo uliopo katika chama hicho, ambao hauna tofauti na yale yanayofanywa na chama tawala CCM.

"Mfumo wa uongozi wa CHADEMA hauna tofauti na ule wa CCM kwa sababu ule mfumo wa uongozi wa kupeana ulipo CCM ambao hautawahi kutokea CUF," alisema Bw. Mtatiro.

Alisema CHADEMA ilipata viti maalumu 36 na kushindwa kugawa kwa kuzingatia uwakilishi wa wananchi, bali walipendeleana wao kwa wao kwa kugawa viti 16 kwa mkoa wa Kilimanjaro pekee ambako viongozi wa chama hicho, walitoa kwa wake zao, wadogo zao na jamaa zao.

Alisema CUF Tanzania bara na Zanzibar walipata viti maalum kumi ambavyo ilivigawa bila upendeleo Dodoma (Bi. Moza Abeid), Mwanza (Bi. Mkiwa Kimwanga , Tanga Bi, Amina Mwidau, Mtwara (Bi. Clara Mwatuka, Kaskazini Pemba (Bi. Riziki Omar Juma), Mjini Magharibi Bi. Amina Amour na Kusini Magharibi (Bi. Thuwaiba Idris) ambao wanakilisha wa wananchi badala ya kulimbikizia kundi chache.

Alisema suala la Serikali ya Umoja Zanzibar ni mfumo uliofikiwa na Wazinzibari wenyewe ili kuondoa uhasama uliokuwepo, sasa inakuaje CHADEMA iseme CUF imeingia mkataba wa urafiki na CCM.

Wabunge waongeza nguvu

Wabunge sita wa CUF kutoka Zanzibar waliokuwa katika msiba wa meli ya M.V Spice Islanders wamewasili Igunga kuanza kampeni za kumnadi mgombea wa chama hicho, Bw. Leopold Mahona.

Wakitambulishwa katika mkutano wa kampeni uliofanyika Kata ya Nanga juzi jioni, Kaimu Katibu Mkuu wa CUF Bara, Bw. Julius Mtatiro alisema pamoja kuwa msiba huo ni mkubwa na umegusa familia za wabunge hao, wamekuja kuongeza nguvu kuhakikisha chama hicho kinachukua kiti.

Waliotambulishwa ni Mbunge wa Nungwi ambako meli hiyo ilizama, Bw. Yusuf Haji Khamis, Bw. Rashid Ali Omar (Kojani), Mohamed Habib Mnyaa (Mkanyageni), Haroub Mohamed Shamis (Chonga), Bw. Salim Hemed Khamis (Chambani).

Katika mkutano huo mgombea ubunge wa CUF, Bw. Leopold Mahona alisema akichaguliwa atahakikisha wananchi wa Kata hiyo wataondokewa na kero zinazowasumbua kwa miaka mingi bila kupatiwa ufumbuzi

Hawapendi kuitwa CCM B kwani wameshakwalfai kuwa CCM A?

By RUMANYIKA

Mbona Shinyanga hamna hata mmoja wakati kuna wabunge wanne wa CDM? Mgawanyo ulikuaje kwa mkoa wa Shinyanga.

Walifanya uteuzi kwa Strategy yao; Mbona Mkoa wa Tabora hakuna Mbunge wa CAF lakini wana Mbunge wa Viti Maalum? CAF had their own strategy as well...

Hawawachagui hivi hivi wanaangalia hadi issue ya Udiwani kuteua hao wabunge wa viti maalum

Umeona wa Mwanza alivyo fanya kura yake imeipa Umeya wa Mji wa Mwanza kwa Chadema? - example of one of their strategy

By nngu007

Sikujua kuwa Bw. Mtatiro pia anadanganya kuwa wabunge wa kuteuliwa 16 wametoka Kilimanjaro
Sikujua ana matatizo ... Ana Matatizo huyu kijana

Wabunge wa Viti Maalumu wa CHADEMA ambao majina yao yamepitishwa na mikoa wanayotoka kwenye mabano ni pamoja na Lucy Owenya (Kilimanjaro), Esther Matiko (Mara) Mhonga Luhanywa (Kigoma), Anna Mallac (Katavi), Paulina Gekul (Manyara) na Conchesta Rwalumulaza (Kagera).

Wengine ni Suzan Kiwanga (Morogoro), Grace Kiwelu (Kilimanjaro), Suzan Lyimo (Kilimanjaro), Regia Mtema (Morogoro), Christowaja Mtinda (Singida), Anna Komu (Dar es Salaam), Mwanamrisho Abama (Zanzibar), Joyce Mukya (Arusha), Leticia Mageni Nyerere (Mwanza) na Naomi Kaihula (Dar es Salaam).

Majina mengine ya wateule hao ni Chiku Abwao (Iringa), Rose Kamili (Manyara), Christina Lissu (Singida), Raya Ibrahim Khamis (Zanzibar), Philipa Mturano (Dar es Salaam), Mariam Msabaha (Zanzibar) na Rachel Mashishanga (Dar es Salaam).

Tuliambiwa vitimaalum 36 lakini umetutajia 23 bado 13 nafasi zilio bakia tumalizie mkuu,tupate kujua nani mkweli.

jamani mimi ci shabiki wala mwanachama wa chadema, ila katika hili naomba niwatete! mimi nikingalia mgawanyo wa chadema ulizingatia vitu vikubwa viwili:
1. maeneo ambayo wana nguvu kubwa mfano mwanza arusha na baadhi ya maeneo ya dar
2. hawakutaka kuwapoteza akina mama waliokwenda kujaribu kugombea kwenye majimbo kisha wakakosa

ila kwa kweli sijaelewa kwa nini akina lisu wapo wawili?

kuhusu cuf nao wamegawanya vizuri kulinga pande mbili za muungano, swala la dini kwangu halina nafasi tunachoangalia ni uwezo wa mtu!

Jimbo la Igunga halina tofauti na ligi ya mabingwa ulaya ambapo wachezaji wanacheza sio kupata kombe, bali kutangaza majina. Nguvu nyingi inayotumika na vyama huko sio kwa sababu wanalitaka jimbo tu, bali kwa sababu wanataka kujitangaza nchi nzima kwa sababu vyombo vya habari kwa sasa vinamulika huko...

By Albimany

Tuliambiwa vitimaalum 36 lakini umetutajia 23 bado 13 nafasi zilio bakia tumalizie mkuu,tupate kujua nani mkweli.

Mtatiro nae alisema walipata 10, lakini hapa vimetajwa 7. Tunaomba hivyo vitatu pia.