Topic: Mbowe kuanza kutoa shukrani kuanzia kesho

Mbowe aanzisha safari ya 2010 kwa helikopta tena



na Mwandishi Wetu


MWENYEKITI wa Chama cha Demokrasia na Maendeleo (CHADEMA), Freeman Mbowe, leo anaanza awamu ya kwanza ya ziara ya kuzunguka mikoa 10 nchini, akitumia helikopta, kwa malengo ambayo yanaonyesha kuanza maandalizi kwa ajili ya Uchaguzi Mkuu wa mwaka 2010.


Habari kutoka Mwanza ambako ndiko ziara hiyo inakoanzia zinaeleza kwamba, helikopta ambayo Mbowe ataitumia, iliwasili katika jiji hilo jana jioni ikitokea nchini Kenya.


Kwa mujibu wa habari hizo ambazo zilithibitishwa na Mbowe mwenyewe, ajenda kuu ya ziara hiyo ni kuwashukuru wananchi kwa namna walivyokiunga mkono chama hicho katika Uchaguzi Mkuu wa mwaka jana.


Hata hivyo, alipotakiwa kueleza iwapo ziara yake hiyo ilikuwa ikilenga kuanza kufanya maandalizi kwa ajili ya Uchaguzi Mkuu wa mwaka 2010, Mbowe hakuwa tayari kueleza moja kwa moja zaidi ya kusema tu kwamba; “lengo la chama chochote makini ni kuchukua madaraka ya dola.”


Taarifa rasmi kuhusu ziara hiyo iliyotolewa Dar es Salaam jana jioni na kutiwa saini na Naibu Katibu Mkuu wa CHADEMA, Shaib Akwilombe, ilisema dhumuni la kwanza la ziara hiyo ni kuwashukuru Watanzania waliokipigia kura chama hicho, kwenye uchaguzi wa mwaka jana.


Pamoja na hilo, Akwilombe katika taarifa yake hiyo alisema pia kwamba, atakapokuwa katika ziara hiyo, Mbowe atawashukuru wananchi kwa kufanikisha uchaguzi huo kwa njia ya amani, pamoja na kuwapo kwa mazingira magumu waliyokuwa nayo, ambayo hata hivyo taarifa hiyo haikuyafafanua.


Dhumuni jingine linalotajwa katika taarifa hiyo, ni kuwaandaa wananchi kujenga na kuimarisha chama hicho, kwa lengo la kuimarisha upinzani nchini, kama sehemu ya utekelezaji wa programu ya miaka mitano ya chama hicho yenye ujumbe unaosema ‘Tumaini Jipya’.


Aidha, alisema ziara hiyo ina lengo la kuhamasisha uwajibikaji wa viongozi na wananchi katika ngazi mbalimbali baada ya mwaka mmoja wa Serikali ya Awamu ya Nne, ili kuchochea demokrasia na maendeleo nchini.


Naibu huyo amesema, ziara ya mwenyekiti huyo itaanza leo wilayani Nansio kisiwani Ukerewe mkoani Mwanza, Shirati, Tarime na Musoma mjini, mkoani Mara.


Akiwa katika ziara hiyo ambayo itamchukua siku 10, Mbowe atakwenda pia katika mikoa ya Kagera, Mara, Kigoma, Shinyanga, Arusha, Manyara, Kilimanjaro, Tanga na Dar es Salaam.


Kwa mujibu wa taarifa hiyo, awamu ya pili ya ziara hiyo ya Mbowe ambaye hivi sasa anasoma masomo ya falsafa, siasa na historia katika Chuo Kikuu cha Hull nchini Uingereza na wakati huo huo akipata mafunzo mengine maalum ya uongozi huko huko Uingereza, itaanza katikati ya Mwezi Aprili mwakani.


Katika uchaguzi mkuu uliopita, Mbowe ambaye aligombea urais kwa mara ya kwanza, alishika nafasi ya tatu, akitanguliwa na Rais Jakaya Kikwete (CCM) na Prof. Ibrahim Lipumba (CUF), na chama chake kilipata viti vitano vya wabunge na kina wabunge sita wa viti maalum.

Mhishimiwa Mbowe bora wewe unayekumbuka kutoa shukrani. Wenzako walituahidi hatuoni ahadi kutimizwa wala kuwaona wao wenyewe.

By Jafar

Mhishimiwa Mbowe bora wewe unayekumbuka kutoa shukrani. Wenzako walituahidi hatuoni ahadi kutimizwa wala kuwaona wao wenyewe.

Jafar,

Huu ni uongo. Akina JK na EL wamepita sana tu... mpaka wameanza kusemwa kuwa kwanini hawakai ofisini. Tofauti iliyopo ni hayo makeke ya Mbowe ya helikopta.,.. a press release rasmi kuwa, according to Chinga, '..anakwenda kutoa shukrani kwa kutochaguliwa'!

Mhmmm,
Mwaka mmoja unamalizwa kwa ziara za shukrani je tutafika?

By Mafuchila

Mhmmm,
Mwaka mmoja unamalizwa kwa ziara za shukrani je tutafika?

Hivi kuna kibaya gani Mbowe kafanya sasa? Mbona wengine humu mna roho ya korosho? Kama angekuwa mzomokaji angekwisha kufanya hiki anachokifanya sasa. Lakini lazima awape walioshinda muda wa kutekeleza ahadi zao. Mwaka mmoja unatosha kufanyia tathmini ya kazi za serikali. Huu ndio upinzani makini.

Kichwamaji usiwe kichwamaji kweli, hakuna mahala ambapo CHADEMA wamesema ni ziara ya kufanya tathmini, walichosema ni ziara ya kuwashukuru wananchi. So my point of departure was shukrani na sio tathmini kama unavyodai.

Jina ama nia shukrani na mengine yatatokea. JK alifanya Ziara Mara kusemas asante na akaambiwa Mara CCM haiko ni ubabe umewaa ushindi . Akaenda Tarime akajionea akasema he was not happy . Akasema atarudi na kweli karudi na baadaye kamtuma Lowasa .Wote kwa ujumla Ziara 4 na wamevuna Uongozi wa Wilaya wa Chadema maana ni mwiba pale Tarime . Sasa Mbowe atasema asante na kuwakumbusha wananchi walivyo liwa na watakavyo liwa maana bado miaka 4.Atawaeleza juu ya Richmonds etc . Ndiyo mambo yalivyo kile ni Chama hakiweza kufanya mambo kwa mujibu matakwa yetu tusio wanachama wake no.

Hivi kwa nini CHADEMA wasitoe hiyo asante yao kwa kujenga madarasa au zahanati? au hata kutoa mikopo midogo midogo. To me that mekes more sense to an average mTz than just going to say asante empty handed!

Siyo kwamba wanakwenda kutoa shukrani tu, bali wanakwenda pia kukitangaza na kuwaelezea wananchi sera zake.

Kujenga shule au zahanati siyo jukumu la chama cha siasa na hata kama wangependa kufanya hivyo lazima wapate eneo, vibali vya kuendesha nk. Je kwa mawazo yako unadhani Serikali itao kibali cha shule au Zahanati itakoyukuwa inajengwa au kumilikiwa na wapinzani.

Nadhani ni vizuri kwenda kutoa shukrani na kutangaza chama empty handed kuliko kwenda kuwadanganya watu na bahasha zenye mia tano tano au kamba na kofia.

Je wakati Ndesamburo alitaka kukarabati barabara za moshi mjini hasa ile ya Swahili na Kiusa, mbona Serikali ilimkatalia.

Wewe umeshawahi kujiuliza kwa nini watu wengi wakipenda kutoa misaada yao lazima wapitie kwenye taasisi za dini. Jibu ni kwamba ukijifanya wewe ni mjanja na unajali masilahi ya wananchi utayaona matokeo yake hasa kama ni mkereketwa wa sera mbadala na Serikali.

Unahitaji kuishi Tanzania na kukaa ndani ya siasa kujua namna mambo yanavyofanyika.

Watu wako radhi kuchangia sherehe kuliko kuchangia maendeleo kwani wataonekana kuikosoa serikali.

Eljazeera
Maneno mazito haya na mwenye masikio haambiwi bali asikie na mwenye macho asome na kutia akili .Mbowe na Chadema Hoyeeeeeeeeeeeeeee

Lakini,
Ebu twende mbele turudi nyuma!
Hivi kweli kuna haja ya kutumia Helikopta ktk kutoa shukrani...hali chama kina matatizo ya Kifedha! (kulingana na habari za wale waliokimbia).
I mean, kwa nini Freeman asitangaze ktk TV ama Radio, kisha wajumbe wake waendelee kumwakilisha...
Jamani swala tunalozungumzia kila siku ni matumizi makubwa ya fedha za Umma pasipo sababu muhimu..Yes tunakubali kuwa Freeman hana muda mrefu wa kukaa TZ inabidi arudi Uingereza mapema lakini ktk kipindi hiki kifupi ataweza kukamilisha mangapi muhimu ktk hotuba za masaa ambapo hawezi hata kulala ktk wilaya hizo ili apate kuzungumza na wananchi wa sehemu hizo (kubadilishana mawazo). Navyofikiri mimi, ni muhimu sana kwa Freeman kwenda mikoani na kuwa msikilizaji zaidi kuliko mhutubiaji...shukran ya mswahili sio maneno matupu.. wape ahadi za kweli kulingana na matatizo yao. Unapotembelea wilaya, mikoa ni bora upate muda wa kusikiliza matatizo ya wananchi, kuelewa vipaji vyao, kuona mapungufu ya serikali ktk sehemu hizo kisha kupanga mbinu ambazo zinaweza kuwapa ahadi za uhai hawa wananchi!..
hayo ni mawazo yangu sielewi kwa nini Freeman kafanya haraka hivyo wakati mgumu kama huu ambao yeye mwenyewe hana nafasi ya kutosha na pia chama bado kinahitaji fedha zaidi kujijenga!...
Unless, kuna mambo muhimu zaidi ya kutoa shukrani..

Huko Bongo tuna kazi . sio CCM wala CHADEMA wenye uwezo wa kuwaondoa waTZ kwenye matatizo ya umasikini. Hawa wote wanaangalia mifuko yao.

Tutafika tuu.

mwacheni akaibomoe CCM huko mikoani. tumechoka,tumechoka,nasema tumechoka!!

viongozi wote wa vyama vya upinzani waende mikoani "kuwashukuru" wananchi.

Jokakuu,
Ebu nifahamishe hapa! Itaibomoa vipi CCM kwa mkutano wa masaa kisha huyooo anaruka na dude!..Hizi shukrani za kitu gani hasa!..

Mkandara,
unachoogopa ni nini? mwache akafanye hilo alilodhamiria, matokeo tutayajua baadaye.

shukurani za kumnyima kura, na sasa watanzania wanayaona wenyewe.

Mkandara,
Freeman is a politician. Angetoa shukrani kwenye TV ni wangapi ambao wangemsikia? Lakini kwa helikopta ametembelea maeneo mengi zaidi in such a short time. He has to stay in the news by making news. Na si hilo tu kuna message anayotoa katika kila kituo. Alipokuwa Musoma nasikia amezungumzia suala la Richmond na kwamba atawaomba wabunge wa chama chake walizushe bungeni. That is good, I think.

Mkandara
JK na Lowasa na hata Viongozi wa CCM kama Makamba huwa mikoani na maeneo hayo na kukaa masaa na kutoa hotuba zao huwa zinasaidia nini maana huwa hawa lali huko . Mbowe anaweza kulala kituo cha mwisho kwa siku hiyo maana siamini kwamba anaweza kuwa Mara na ni jioni aamue kurudi Moshi no . The same kwa akina Lowasa na JK .Mwacheni atoe shukrani .Chadema imetulia wenye shida ni hao walio nunuliwa kwa gharama kubwa toka Tarime ni nguvu za JK na Lowasa na hawana impact kule Tarime ndani ya Chadema. Chadema ni watu wengi na viongozi ni wale wachache wameondoka na wengine wataziba nafasi yao .

Mkandara: Kumbuka kuwa siku zote wapinzani wamelaumiwa kwa kufanya press conference pale maelezo bila kuwafikia wananchi. Sasa CHADEMA wameamua kuwafuata wananchi huko walipo, hilo nalo ni nongwa. Kuhusu helicopter, hiki ni chombo cha usafiri. Wangeweza kwenda kwa miguu, kutumia punda, baiskeli, gari, meli, n.k. Ni swala la kuangalia ni usafiri gani utafanikisha malengo yako kwa muda unaotaka na kwa gharama unazozimudu. Kuhusu gharama, rejea uchambuzi wa Mnyika katika hili.

Hata CHADEMA isingetumia helicopter hao waliohama wangekuja na sababu zingine. Ni swala la matarajio. Inategemea hawa bwana walitarajia nini katika kujiunga kwao na CHADEMA. Kwa kweli katika upinzani mtu ukiingia kwa matarajio ya kuneemeka kipesa, utasubiri sana na mwishoni itabidi urudi ccm kama walivyofanya hao ndugu zangu. Kwa hiyo mimi siamini kwamba ni helicopter ndiyo iliyowatoa chadema. Kumbuka tupo katika mapambano sio tu na ccm, lakini na dola. Ahadi moja ya JK ilikuwa ni kuisambaratisha CHADEMA na aliitoa hii ahadi waziwazi sio katika vikao vya siri. Sasa kazi yetu ni kupambana. Katika haya mapambano, tutapoteza baadhi ya wapiganaji, na tutapata wengine katika mchakato huo. Tunaamini JK hatoweza kuua upinzani Tanzania kwa mikakati ya kuua upinzani bali kwa kutekeleza matarajio ya maisha mema aliyowapa, kitu ambacho kuna kila dalili kuwa kinamshinda.

Wanabodi,
Nadhani mmenijibu vya kutosha pamoja na kwamba mmekwenda nje kabisa ya makusudio yangu..
Nitawaeleza kwa kirefu nilichokuwa nikiuliza.

Lunyungu,
Umezungumzia JK na Lowassa kutembelea mikoani..
Hizi ndizo tofauti ambazo Chadema wanashindwa kuziona. JK na Lowassa ni CCM, Chama kilichokwisha jijenga kwa wananchi na hakihitaji intro!.. Tofauti na Chadema kabisa!
Hikihiki CCM wakati kilipoanzishwa (Kupighania Uhuru) walitembelea mikoa kwa dhumuni maalum.. na walichukua muda wao kujitangaza kwa kila hali na mali. Chadema leo hii ipo stage ya CCM miaka 45 kama sii 50 iliyopita!..
Mila yetu inatueleza kuwa mgeni asiyelala huwa na dharau fulani ya makazi yako!... lakini yule anayelala na wewe ktk zizi la ng'ombe ndiye mgeni anayeyakubali maisha yako na kuelewa machungu ya kulala ktk zizi la ng'ombe...Kwa mkerewe inabidi ulishwe samaki wetu furu na Ugali wa mhogo.. kisha lazima kinywa kiwe na uchambuzi wa nyama na mifupa bila kutumia mikono.. hapo wewe mwenzao! (Utani)
Kuna tofauti kubwa sana kati ya yale ambayo JK na Lowassa wanatakiwa kuyafanya na Freeman.. lazima Chadema mfahamu culture za watu wengine hasa mikoa ya ziwa.

Jasusi,
Point yako nzuri sana lakini hukuelewa kuwa nachojaribu kusema mimi ni kuwa ipo tofauti kubwa ya JK kulitangazia taifa kwa dakika 10 na kuwepo kwa saa moja. Lowassa alipotembelea hapa alitufanya hivyo wananchi, na kusema kweli kajenga lugha mbaya sana midomoni mwa wananchi.- Bad moral character!...hilo ndio neno pekee linalozungumzwa hivi sasa wakati Lowassa hafikirii hivyo kabisa.

Mwanasiasa,
Nadhani swala langu kubwa sio gharama za utumiaji wa helikopta peke yake ila gharama zake zitakuwa pigo kwa Chadema kama hazitaweza ku-de-liver kitu. Kila kitu kina mazuri na mabaya yake.. na binafsi naona mabaya ya Helikopta ni mazito zaidi kulingana na mipangilio aliyopewa. Ni uwezo wa helikopta ambao utamfanya Freeman asiweze kukaa zaidi na wananchi kwa sababu atakuwa na mikutano sehemu nyingine... Watu hawatakuwa na muda wa kumfahamu Freeman na Chadema. Freeman ni mgeni ktk nyumba za hawa wananchi na anapokwenda huko kujitambulisha kwa kumponda JK ili yeye apewe mke inabidi achukue muda zaidi ya masaa. Lugha inayotumika hapa ni kupondana tu!.. Freeman will be a good husbad kuliko JK na asichokifahamu Freeman ni kwamba Wazazi wa JK (yaani CCM) wanafahamika vijijini humo na sii rahisi Mdanganyika kumpa mke (kura) mtu ambaye hawamfahamu vizuri...Na kikubwa zaidi familia ya JK wanazo fedha... magunia kwa magunia ya mchele humwagwa kila siku.

Kwa hiyo hapa nazungumzia hizo technics ambazo Chadema wanazitumia kwa muda mfupi kama huu tena sehemu ambazo wananchi wake wana mila zao.

Mkandara,
Usikwazwe na neno Shukrani. Hakuna timing nzuri kama hii kwa CHADEMA hasa baada ya kuwa Makuwadi wa rushwa wamepitia huko Tarime. Bila shaka hata kama hao viongozi wamerudi kule wanakoamini kuna ulaji bado kuna wanachama na washabiki wao ambao sera za CCM bado hazijawashika. Ingekuwa ni kichekesho Mbowe kukaa maelezo na kuanza kuwaelezea watu hawa mikakati ya CHADEMA kupitia magazeti na runinga vitu ambavyo hata hivyo wenye access ni wachache mno.