[King Kong III]

• Wafanyakazi 30 watimuliwa wakidaiwa kutoa mawasiliano ya siri kwa Gazeti la MwanaHalisi

KUTEKWA, kupigwa na kuteswa kwa Mwenyekiti wa Jumuiya ya Chama cha Madaktari nchini, Dk. Steven Ulimboka na hatimaye kufungiwa kwa Gazeti la MwanaHalisi kwa muda usiojulikana, kumeleta kizaazaa katika kampuni ya simu za mkononi ya Tigo, Tanzania Daima Jumatano limebaini.

Habari kutoka ndani ya kampuni hiyo ya simu yenye mtandao mpana nchini, zinasema kuwa zaidi ya wafanyakazi 30 wamefukuzwa kazi na wengine wako kwenye uchunguzi wakituhumiwa kuvujisha mawasilino ya siri ya simu za wateja kwa Gazeti la MwanaHalisi.

Kwa mujibu wa habari hizo, taarifa za mawasiliano za simu zinazodaiwa kuvujishwa na wafanyakazi hao, zilikuwa kati ya Dk. Ulimboka, Afisa Usalama wa Ikulu na watu aliowasiliana nao kabla ya kutekwa.

Rais Jakaya Kikwete amepata kuliambia taifa mara mbili kwa njia ya televisheni, mwishoni mwa Juni na alipozungumza na wahariri wa vyombo vya habari wiki iliyopita, kwamba serikali yake haihusiki kuteka, kutesa na kumtupa daktari huyo porini.

Naye Waziri Mkuu Mizengo Pinda amepata kuliambia Bunge kuwa, serikali yake haihusiki na utekaji, utesaji na kuhoji, “...serikali imteke ili iweje?”

Hivi karibuni serikali ililifungia Gazeti la MwanaHalisi baada ya kuandika habari iliyomtaja ofisa mmoja wa Idara ya Usalama wa Taifa Ikulu (TISS), kuwa ndiye aliyetekeleza mpango wa kumteka, kumpiga na kumtesa hadi kumjeruhi Dk. Ulimboka, ambaye kwa sasa anaendelea na matibabu kwenye hospitali moja nchini Afrika Kusini.

Kwa mujibu wa habari hiyo ambayo serikali inadai kuwa ni ya uchochezi, MwanaHalisi ilianika namba ya simu ya ofisa huyo pamoja na watu wengine wanaodaiwa kuhusika katika tukio hilo linaloendelea kuchunguzwa na kamati maalumu iliyoundwa na Ofisi ya Mkurugenzi wa Makosa ya Jinai (DCI).

Vyanzo vya habari kutoka kwa baadhi ya wafanyakazi waliokumbwa na sekeseke hilo, zinasema kuwa waliofukuzwa wengi ni wafanyakazi wa kitengo cha IT ambao wanadaiwa kuhusika kutoa taarifa za siri ya mawasilino kati ya Dk. Ulimboka na watu wanaoaminika kuwa ni wabaya wake.

Mmoja wa wafanyakazi kutoka Kampuni ya Tigo, aliliambia gazeti hili kuwa mbali na kutuhumiwa kutoa siri kwa Gazeti la MwanaHalisi, wafanyakazi wengine wametimuliwa kwa madai ya kufanya udanganyifu kwenye huduma za Tigo Pesa na kujipatia fedha.

“Kweli watu wengi wamefukuzwa wakituhumiwa kutoa siri kwa Gazeti la MwanaHalisi, lakini wengine walikuwa wakishirikiana na mawakala wa Tigo Pesa kuiibia kampuni.

“Kwa mfano mfanyakazi alikuwa anakubaliana na wakala kumwingizia kiasi kama cha sh milioni moja, lakini anaweza kuingiza hadi sh milioni 1.5 na kati ya hizo sh 500,000 ni mali yake,” alisema mfanyakazi huyo.

Akizungumzia na Tanzania Daima Jumatano, Mhariri Mkuu wa Gazeti la MwanaHalisi, Jabir Idrissa alishangazwa na taarifa za Tigo kuwafukuza wafanyakazi wake kwa sababu ya habari iliyochapishwa na gazeti lake.

“Chanzo chetu cha habari hakikutoka kwa wafanyakazi wa Tigo. Kama wamefukuzwa kwa sababu ya MwanaHalisi, wamewaonea bure. Kama Tigo ndio waliotupa taarifa na zile za Tume ya Taifa ya Uchaguzi (NEC), zilitoka wapi?” alihoji Jabir na kusisitiza wafanyakazi hao wameonewa bure.

Ofisa Uhusiano wa Tigo, Edward Shila, alipohojiwa kuzungumzia tukio hilo, hakukubali wala kukataa madai hayo na kumtaka mwandishi kumtumia maswali kupitia e-mail yake ili aweze kuyatolea majibu kiofisi.

“Kama una maswali naomba uniandikie kupitia e-mail yangu ambayo nakutumia sasa hivi…maana siko tayari kutoa kauli yoyote isiyokuwa ya kiofisi,” alisema.

Naye Omary Matulla ambaye amejitambulisha kuwa ni ofisa wa kitengo cha kumbukumbu katika kampuni hiyo, alikanusha kuwapo kwa taarifa za kufukuzwa wafanyakazi wa kampuni hiyo.

Alisema kuwa kila mfanyakazi ana mipaka ya kufanya kazi katika kampuni hiyo, na pia ni wajibu wa kila mtumishi kutunza siri kubwa.

“MwanaHalisi ana mbinu zake za kupata habari wala haiwezekani kupata habari kupitia kampuni yetu na hata hivyo jambo hilo si rahisi hata kidogo kutokea,” alikanusha Omary.

Dk. Ulimboka alitekwa usiku wa Juni 26, kusukumizwa kwenye gari, kupigwa, kufungwa mikono na miguu, kunyofolewa kucha na kutolewa meno na hatimaye kutupwa katika msitu wa Mabwepande nje kidogo ya Jiji la Dar es Salaam.

Tangu kutokea kwa tukio la kutekwa kwa Dk. Ulimboka, Chama cha Demokrasia na Maendeleo (CHADEMA) na wanaharakati wa kutetea haki za binadamu, wamekuwa wakiinyoshea kidole serikali kwamba ndiyo iliyohusika.

Kamanda wa Kanda Maalumu ya Polisi mkoani Dar es Salaam, Suleiman Kova, hivi karibuni alitangaza kumfikisha mahakamani mtu mmoja aliyedai kukiri kuhusika na utekaji wa Dk. Ulimboka.

Kova aliwaambia waandishi wa habari kuwa, polisi wamekamata mtu aitwaye Joshua Malundi kutoka Kenya ambaye amekiri kumteka na kumtesa Dk. Ulimboka.

Alidai kuwa mtuhumiwa alikwenda kutubu katika Kanisa la Ufufuo na Uzima, Kawe, Dar es Salaam.

Lakini hata hivyo, mchungaji wa kanisa hilo, Josephat Gwajima alikana kauli ya Kova juu ya mtuhumiwa huyo, akisema hajakwenda kutubu kwao.

Source: Tanzania Daima

[Singo]

kama wamedhani siri imevujishwa na wafanyakazi wa tigo hiyo ni akili ndogo.Kuna watu kwa nafasi zao za kazi serikalini(USLAMA)wanaweza kuihitaji taarifa za mtu yeyote za mawasilino yake,na hao kwa utashi wao wameona ni vyema wanachi wajue pitia mwanahalisi, na isitoshe wataendelea hivyo kwa wasivyo viafiki.

[busara moco]

Huyu jamaa amesingiziwa.haiwezekani mtu atumie jina lake halisi na namba alizosajili kumpigia mtu then amteke.huu ni uzushi mtupu

mnakera na comments zenu,si mkae kimya tu,tunajua mpo kazini na huyo E.Coli...hamna jipya!!

[Mwanamayu]

tiGO imefukuza karibu wafanyakazi wake 30 kutokana na kile kuwa wamefanikisha Kubenea au MwanaHalisi kupata mlolongo wa mawasiliano ya simu kati ya yule mfanyakazi wa ikulu, Ramadhani, na Dr. Ulimboka. Je, hii ni sababu au ushahidi tosha ya kuthibitisha kuwa serikali inahusika na mkasa wa Dr. Ulimboka?

Source: TanzaniaDaima 8/8/2012, toleo namba 2805, Wednesday

[UPOPO]

Kazi ipo!mbona mpaka 2015 watafukuza wengi sana

[Ndahani]

Kumbe wamefukuzwa! Ina maana Kubenea ndiye aliyefanya au ni baadhi ya watu ndani ya system yenyewe ambao wana access na mitandao yetu ya simu?

[Crashwise]

hivi kuna mwehu mpaka leo hajaamini kuwa serikali ili husika kwa asilimia 100, au kuna mwehu anasubiri serikali ya chama cha mambwepande isimamame jukwaani na kukiri kuwa ilihusika..

[Sibhonike]

Hizi zama ni zaidi ya zama za UWAZI NA UKWELI.

[thatha]

breaking News.

Dr ulimboka kutua nchini wakati wowote akitokea af kusini kwenye matibabu.
wanaharakati,madokta wenzake na vyama kadhaa vya siasa vinaandaa na kuratibu mapokezi yake yatakayofanyika kuanzia uwanja wa ndege jijini dsm.

wanasiasa wakisaidiana na mwanahalisi inasemekana wanamlisha maneno ili aje ayaseme kuonyesha kwamba serikali ndio inahusika na kwamba mkenya ametengenezwa. namtakia afya njema dr ulimboka na ninamshauri asiendeleze malumbano,aendelee kupigania uhai wake kwanza kwani jamii ya watanzania bado inamhitaji na maadui zake bado wanamuwinda.

[Dumelang]

Confirmed! Kikwe ana husika...na jumba lake la magogoni. Siku moja tukiwa katika mkutano wa ndani wa Chama (Sio wa Hadhara) Mh. Mbowe, alisema kuna watu wakati wa kufa hurusha miguu sana na usipokuwa makini uliye pembeni utapigwa mateke,alikuwa akitoa Angalizo kuhusu chama cha Majambazi kuwa kinapoelekea kufa KINAKUFA NA WENGI, kila mtu awe makini, wakati tunakifunika sanda NYEKUNDU,mtu akae upande wa kichwani, ukikaa miguuni tu, umekula teke.
BURIANI CCM

[Ulimakafu]

Japo wamefukuzwa wametusaidia kidogo kuujua ukweli.

[yaser]

Confirmed! Kikwe ana husika...na jumba lake la magogoni. Siku moja tukiwa katika mkutano wa ndani wa Chama (Sio wa Hadhara) Mh. Mbowe, alisema kuna watu wakati wa kufa hurusha miguu sana na usipokuwa makini uliye pembeni utapigwa mateke,alikuwa akitoa Angalizo kuhusu chama cha Majambazi kuwa kinapoelekea kufa KINAKUFA NA WENGI, kila mtu awe makini, wakati tunakifunika sanda NYEKUNDU,mtu akae upande wa kichwani, ukikaa miguuni tu, umekula teke.
BURIANI CCM

khaaa sasa ww unaamin maneno ya DJ

[PrN-kazi]

tiGO imefukuza karibu wafanyakazi wake 30 kutokana na kile kuwa wamefanikisha Kubenea au MwanaHalisi kupata mlolongo wa mawasiliano ya simu kati ya yule mfanyakazi wa ikulu, Ramadhani, na Dr. Ulimboka. Je, hii ni sababu au ushahidi tosha ya kuthibitisha kuwa serikali inahusika na mkasa wa Dr. Ulimboka?

Source: TanzaniaDaima 8/8/2012, toleo namba 2805, Wednesday

Kumbe tiGO imewafukuza wafanyakazi wake???, CMA iko wazi inawasubiri hao wafanyakazi ndani ya muda walete malalamiko yao suluhu itapatikana.

[ha ha ha]

Haki ya mtu haichukuliwi,ila inaweza kucheleweshwa ata kama ni miaka mia ipo siku ataipata.

[Heri]

Kila kazi ina ethics zake. Haijalishi hata kama kuna kitu kina kukera ,uende kutoa siri. Hii ni moja za sababu ya employers kutokuwa na imani na Watanzania.

[Nduka]

Japo wamefukuzwa wametusaidia kidogo kuujua ukweli.

Kwa nini msiwachangie mishahara yao kila mwezi, kuna hatari vijana wakaanzm kudonolewa.

[mopaozi]

Wafukuzwe tu kiherehere chao kimewaponza

[luckman]

Habari za kuaminika toka ndani ya uvungu wa kampuni ya simu ya tigo, limeingia hatua nyingine baada ya wafanyakazi wake wanasadikika kufukuzwa wakidaiwa kutoa information za mawasiliano aliyoyafanya Dr Ulimboka na watekaji wake kwa Saed Kubenea, kazi hii imefanywa kwa ufasaha mkubwa sana na makachero nchi wanaofanya kazi ndani ya kampuni na wengine walionje ya kampuni, hii inasikitisha sana,

serikali inahusika moja kwa moja juu ya hili sakata! lakin naomba mtambue mwisho wa haya yote u karibu sana!

[Mzalendo JR]

Hii kampuni nishasepa kitambo, wababaishaji kama serikali ya TZ.

[Bajabiri]

Eh,haya mambo bado yanaendelea,,,tigo wenyewe hata siku nzima huwa wako off-air,washatuchosha,hapa nipo maeneo ya mikochen industrial arean,netweki inasumbua ajabu

[Nyalotsi]

Hii kampuni nishasepa kitambo, wababaishaji kama serikali ya TZ.

mi mwenyewe line yao niliivunja vunja. Hii habari ni ya kitambo lakini!