HIvi neno "venture" tunaweza kulitafsiri vipi katika Kiswahili.?

a. He ventured into new mission

b. He was a venture capitalist

__________________
Ukipewa uchaguzi na adui yako, chagua kile wanachohofia! - M.M. Original

Mkuu Mkjj,

Hilo neno maana yake ni "KUDIRIKI" - likiwa na maana "kufanya jambo fulani pamoja na kuwa jambo hilo linaweza kuwa na hatari au athari mbaya".

neno diriki ni sawa na thubutu ambayo kwa cha wenyewe wanasema "dare". Venture nadhani inaelekea huko huko na yawezekana kutumia "diriki" kutafsiri "venture" laweza kuwa sahihi.

__________________
Ukipewa uchaguzi na adui yako, chagua kile wanachohofia! - M.M. Original

Nadhani pia waweza kutumia neno 'mhanga' sina uhakika sana ila nadhani katika matumizi ya kiswahili na kutoa tafsiri ya neno kutoka lugha fulani, neno hilo linaweza kuongeleka au kuandikika kirahisi zaidi hata kama tafsiri yake kwenda kiingereza itakuwa si sahihi sana ukilinganisha na pale linapotumika ndani ya kiswahili.

Nimependekeza neno hili baada ya kufikiria matumizi ya venture kwenye mifano mbalimbali na hiyo hapo juu ya Mkjj.

my two cents!

__________________

Fikra ni kitu kizuri, uzushi unatokana na fikra, fikra za uzushi ni kitu kibaya na ni uzushi, kutotenganisha uzushi na fikra ni kitu kibaya zaidi kwani mwisho wa fikra ni matendo pale fikra hazibakii kuwa fikra. SDD6-07.

Venture is an undertaking which is daring.



Kuna tofauti kati ya kudiriki na kuthubutu?

a. "kudiriki" ni kufanya kitu kwa kudhamiria hasa pale inapozaniwa kuwa kitu hicho hakitafanyika. Katika hili kudirika kuna presume kuwa kitu fulani hakitafanyika.

mfano: "Alidiriki kumpinga hadharani" - hakuna aliyedhania atafanya hivyo lakini alifanya hivyo. Kitu ambacho mtu amediriki kukifanya hakikuonekana uwezekano wa kufanyika.


b. Kuthubutu ni kutenda bila ya kujali matokeo yake hata kama watu wanajua kitendo hicho kinaweza kufanywa. Mtu anayethubutu kusema au kufanya kitu anaweza kujua uwezekano wa matokeo fulani lakini bila kujali uwezekano wa ubaya/hatari/tatizo bado atafanya kitu hicho.

mfano: Alithubutu kumpinga hadharani licha ya kuambiwa kwa kufanya hivyo kutamfukuzisha kazi.

Kudiriki hakuoneshi mgongano ni kitendo kinachoendana na uungwana kuliko ukorofi, ugomvi, au kujitakia ubaya, lakini kuthubutu mara zote kunaendana na mgongano na uwezekano wa jambo baya kutokea.

M.M.

__________________
Ukipewa uchaguzi na adui yako, chagua kile wanachohofia! - M.M. Original

sasa hii inajibu vipi neno "venture"... naona bado niko kwenye kipeo cha kwanza!

__________________
Ukipewa uchaguzi na adui yako, chagua kile wanachohofia! - M.M. Original

--venture capitalist: bepari mhanga
--he/she ventured into something: alidiriki kufanya kitu fulani


--suicide terrorist: gaidi wa kujitoa mhanga
--suicide attempt: jaribio la kujiua

Hapo ndipo maana mimi nasema 'mhanga' laweza kuwa na nafasi yake kutegemeana na sentensi. Si lazima liwe na maana kamili katika kiingereza, as long as linaleta ladha nzuri na kueleweka kwenye kiswahili. Ndipo hapo unapokuta sisi hatuna she au he, lakini wao wanazo.

SteveD.

__________________

Fikra ni kitu kizuri, uzushi unatokana na fikra, fikra za uzushi ni kitu kibaya na ni uzushi, kutotenganisha uzushi na fikra ni kitu kibaya zaidi kwani mwisho wa fikra ni matendo pale fikra hazibakii kuwa fikra. SDD6-07.

mhanga - inatumiwa vibaya sana. Mhanga kimsingi ni "victim" yaani mtu aliyekutwa na jambo baya SIYO mtu alinayefanya jambo ambalo ambalo laweza kuwa baya au zuri.

hivyo: tuna "Mhanga wa mafuriko ya Tsunami" - Victim of the Tsunami"

Walioharibu matumizi ya neno hilo naamini ni BBC ambao walianza kutafsiri neno "waliojitoa mhanga" wakifikiri wanamaanisha aliyejitolea kuua!

Kujitoa mhanga ni kuwa kujitolea ili wawe yakukute yale mabaya ambayo yalikuwa yawakute watu wengine; you become a victim. Kwa wale waliowahi kuiona filamu ya "War Bus" watakumbuka askari mmoja mlevi mlevi aliwaokoa wenzake liliporushwa bomu la mkono kwa yeye kujirusha juu ya bomu hilo na hivyo likamlipua yeye na kumuua na kuwanusuru wale wengine (waliokuwa wanahangaika kwenye basi kuondoka eneo hilo). HIvyo yule askari "alijitoa mhanga" kuwaokoa wengine, he became a victim.

Hivyo basi, "mhanga" ni mtu ambaye anakutwa na jambo ambalo ni baya (huwezi kuwa mhanga wa jambo zuri) aidha alilolitarajia (kwa kuweka maslahi yake nyuma) au pasipo kulitarajia (kwa bahati mbaya).



Naamini mhanga anaweza akawa aliyenusurika (siyo lazima afe) na pia anaweza kufa katika kujitahidi kuokoa au kufanya jambo ambalo linanusuru, kuokoa maisha ya watu wengine.

__________________
Ukipewa uchaguzi na adui yako, chagua kile wanachohofia! - M.M. Original

Kwa tafsiri halisi VENTURE ni jambo la hatari, jurusisha ama thubutu. Hii ndiyo tafsiri halisi ya venture.