Ujenzi wa barabara ya Sam Nujoma - JamiiForums |The Home of Great Thinkers

Ujenzi wa barabara ya Sam Nujoma · 4th July 2007, 05:10 PM

Salaaam wana Jamii Forums...

Ni majuzi nilipita pale kwenye barabara mpya ya Sam Nujoma. Kwa kweli barabara hii imejengwa/inaendelea kujengwa vizuri sana. Lakini kuna baadhi ya mambo ambayo kwa kuangalia inaonekana kama kuna mtabaruku kidogo. Suala lenyewe ni kwamaba inaonekana mjenzi (Chinese company) wameamua kujenga kile tunachokiita lami nene (minimum 10cm thick, single lift). Tatizo lenyewe ni kwamba kwa wale amabao tumeweza kufanya kazi hizi za lami (asphalt concrete, both AC and AG), njia hii sio nzuri na ina madhara makubwa kwa ufanisi (life span) and utendaji (performance) ya barabara hii. Cha ajabu ni kwamba mheshimiwa huyu contractor na consultant wake hawajui vifuatavyo:

1. Hali ya hewa ya joto (temperate climate) inahitaji lami hii iwe kwenye unene mdogo kuzuia kiitwacho temperature softening ya lami. Hii itasababisha barabara yetu kubomoka kabla ya wakati na kuzuia ni labda kama wameweka/wametumia ile inayoitwa teknolojia ya kutumia "high performance binders"

2. Vifaa wanavyotumia siku nilipopita pale (na siku nyingine mbili tatu zaidi ni kandamizo yenye matairi laini (pneumatic roller) moja na kandamizo gumu (steel drum roller) moja. Kwa unene wa layer kwa kweli vifaa hivi ni vidogo/vichache kwa kutimiza mkandamizo unatakiwa kabla lami haijapoa na kuanza kuwa "rigid" na hivyo kuna uwezekano kukawa na "under compaction" itakayoelekea kuruhusu maji kuingia na kusababisha "premature failure"

3. Kiutendaji, barabara ya lami inatakiwa kutokuwa na migongo au miyumbo. Kwa unene wa layer uliowekwa tayari barabara imeanza kuwa na miyumbo. Mara nyingi hii inatokana na lami labda kutoshindiliwa vizuri (traffic indiced consolidation/compaction), layer kuwa nene sana na vifaa kushindwa kupata "even compaction/smoothness" kutokana na kuwa na uwezo mdogo, paver kuwa na "poor sensors". Kwa harakaharaka kwa ule upande ambao tayari wameshamwaga lami kwa kweli inaonekana kuna mapungufu sababu tayari barabara ina miyumbo hata kabla ya barabara kufunguliwa.

Sasa mimi nashangaa ina maana walivyoshinda kazi hii serikali haina wataalamu ambao wangeweza kuona mambo haya?? Na hii kampuni ya China iliyoshinda mradi huu ina maana waliweka vifaa vichache (walipataje kazi??) au ni kwamba hawajaleta vifaa vyote?? Mwisho, ina maana tunachohitaji ni kuona barabara mpya au tunahitaji pia kupata "quality of work worth of our money invested??".

Kwa habari tuzipatazo kutoka mikoani ikiwemo Singida - Manyoni amabapo kampuni nyingine ya Kichina imeshindwa kutimiza mkataba na malalamiko ya wananchi kuhusu utendaji kazi wa makampuni haya inakuwaje bado tunaendelea kuyaona yakipata kazi hapa nyumbani?? Kibaya zaidi barabara hii ipo mbele ya macho ya watu wengi vikiwemo vyombo vya kusimamia wahandisi, makampuni na vinginevyo vingi??

Tumsaidie mheshimiwa Rais kataka kutimiza miradi na vilevile tujionee huruma sisi walipa kodi.

Naomba kuwasilisha...

Shy · #2 4th July 2007, 09:31 PM

Hello Morani

Karibu Na Ahsante Kwa Mada Yako Nzuri

Kwa Mimi Ninavyojua , Hii Barabara Ya Sam Nujoma Kwanza Tenda Yake Ina Utata Inasemekana Hiyo Kampuni Ya Kichina Ilipata Hiyo Tenda Kutokana Na Gharama Zake Kuwa Ndogo Lakini Inashangaza Kwa Sababu Wafadhili Wa Barabara Hii Ni European Union Sasa Sijui Hapa Ilikuaje Kuaje Na Hawa Eu Wana Masilahi Gani Hapa Mpaka Wakachagua Kampuni Kama Hii .

Pili Mimi Binafsi Huwa Napita Barabara Hii Karibu Kila Siku , Hata Sasa Hivi Nimepia Barabara Hii Wakati Nakuja Kupumzika Na Sasa Ni Usiku Ujenzi Unaendelea , Ujenzi Huu Wa Usiku Ndio Unatia Mashaka Pengine Ndio Siri Zinafichwa Sana Hapa Kwa Sababu Usiku Huu Hukuti Mainjinia Wa Kitanzania Ni Wachina Tu Na Vibarua Wao Sasa Wazalendo Wetu Wako Wapi ? Jibu Wanalo

Tatu Hatujui Norplan Wana Uzoefu Gani Na Usimamizi Wa Miradi Ya Ujenzi Wa Barabara Hata Hii Kampuni Ya Kichina Pia Hii Nayo Inaweza Kuchangia Mambo Ya Experiance Au Unasemaje ?

La Mwisho Na Kumalizia Ni Kwamba Tangia Barabara Hii Inaanza Kujenga Hakuna Mtaalamu Wowote Wa Kitanzania Amewahi Kuongelea Suala Hili Kiutaalamu Zaidi Au Hizi Kampuni Hazina Press Conference Za Kuelezea Maendeleo Ya Maradi Huu Ili Wananchi Waweze Kuuliza Na Kuelimishwa

Halafu Mradi Huu Haujulikani Kwa Watu Wengi Zaidi Ya Njia Tu Hakuna Picha Maalumu Akilini Mwa Watu Yaani Njia Itakuwaje Au Utafanyaje Kazi , Wangeleta Simulation Ya Kuelezea Jinsi Mradi Utakavyokuwa , Adhari Zake Kwa Jamii Na Kadhalika

Vyote Hivi Hatuna

Lakini Mradi Unaendelea

Usiku Mwema

Phillemon Mikael · #3 4th July 2007, 09:35 PM

safi sana mtaaluma ,hii inatakiwa ..kweli jf ni kisima na ma engneer tunao..yupo pia engneer mohamed...

Kigarama · #4 6th July 2007, 06:01 PM

tuanahitaji ufafanuzi kama huo kwa maendeleo ya nchi yetu!

Morani75 · #5 30th November 2007, 01:05 PM

Salaam kwa WanaJambo wenzangu!! Wengi tutakumbuka kuwa muda si mrefu sana uliopita niliweka "post" kuhusu barabara yetu hii ya Sam Nujoma. Nakumbuka wakati ule pamoja na kwamba ujenzi ulikuwa unaendelea, mambo yalikuwa ahueni kuloko sasa. Mheshimwa Rais anajaribu kuweka mandhari mzuri kwa uwekezaji na maendeleo lakini tatizo ni kwamba kuna tatizo kwenye mtandao mzima. Sio madini pekee yanahitaji marekebisho, pia kwenye vitu kama miundombinu kuna matatizo zaidi.... Sasa hatimaye dakika ya 89 ya mechi ya hii barabara imewadia. TANROADS (under new management and technical skills) wanarushiana mpira na wizara husika, kunani??? Someni wenyewe habari hii niliyopata kutoka "www.ippmedia.co.tz" leo:

	Quote:
	Makabidhiano ya barabara Sam Nujoma bado ni kitendawili 2007-11-30 08:26:27 Na Dunstan Bahai Hatima ya kukamilika kwa ujenzi wa barabara ya Sam Nujoma ya jijini Dar es Salaam ambayo ilikuwa ikabidhiwe kuanzia wiki ijayo, haijajulikana baada ya Wizara ya Miundombinu na Wakala wa Serikali wa Barabara (TANROADS) kurushiana mpira. Kwa upande wa TANROADS, Ofisa mmoja mwandamizi aliyekataa kutaja jina lake, alisema, Wizara ya Miundombinu wamewakataza kuzungumzia barabara hiyo na badala yake wenye mamlaka ni wizara. Hata hivyo, Naibu Waziri wa Miundombinu, Dk. Makongoro Mahanga alisema, ofisi yake haina taarifa ya kuwakataza Tanroads kuzungumzia barabara hiyo. `Mimi sina taarifa zozote juu ya wao kukatazwa kuzungumzia matatizo na mafanikio ya barabara hiyo kwani wao ndiyo wasimamizi wakuu, walikuwa kwenye nafasi nzuri ya kuizungumzia,` alisema Naibu Waziri juzi jijini Dar es Salaam. Aidha alimuahidi mwandishi kuwa angeweza kuzungumzia hatma ya barabara hiyo jana baada ya kuwasiliana na maofisa wa TANROADS kwa vile hakuwa anaelewa vizuri kutokana na kuwa nje ya ofisi yake kwa muda mrefu. Hata hivyo jana alipoulizwa, alisema hayuko kwenye nafasi nzuri ya kuzungumzia na badala yake alimuomba mwandishi kuwasiliana na maofisa hao wa TANROADS au Katibu Mkuu wake ambaye hakuweza kupatikana jana. Mkurugenzi Mkuu wa Tanroads, Bw. Ephraim Mrema kwa upande wake alisema, eneo alilokutwa katikati ya jiji halikuwa muafaka kuzungumzia suala hilo, ingawa hakusema eneo muafaka ni lipi. Barabara hiyo imekuwa ikileta maswali mengi kuliko majibu kwa wakazi wa jiji la Dar es Salaam kutokana na ujenzi wake kuchukuwa muda mrefu. Aidha makabidhiano ya ujenzi wa barabara hiyo yamekuwa yakiahirishwa mara kwa mara na serikali imekuwa tayari kuiongezea muda kampuni inayoitegeneza kwa zaidi ya mara tatu ambapo mara ya mwisho ni mwezi Desemba unaoanza kesho. SOURCE: Nipashe

Misterdennis · #6 30th November 2007, 01:56 PM

Tatizo ni serikali kukumbatia cheap contracts ... na zinazoruhusu baadhi ya maofisa watoa tenda /wasimamizi kuchukua chao katika hizi contracts. Matokeo wakandarasi wanaishia kufanya sarakasi tuu kwenye saiti bila ujenzi wa maana kuonekana.
kampuni za kichina zimetokea kupewa kazi nyingi za ujenzi siku za karibuni lakini utendaji wao umekuwa si mzuri sana. Barabara ya singida walinyan'ganywa wakapewa konoike.. !!

Katibu Tarafa · #7 30th November 2007, 04:45 PM

tatizo la bongo,pakishakuwa na tatizo tu basi kila mtu atakwambia sio msemaji lakini penye kutafuta ujiko kila mtu atazungumsa hata bila kuulizwa,mimi nafikiri mtu ambaye alipaswa kuzungumzia hii barabara ni site maneger na sio mtu mwingine.yeye ndio anajua mbivu na mbichi,lakini utakutwa anaulizwa waziri au mkurugenzi yeye anajua nini hapa.

Roya Roy · #8 30th November 2007, 05:23 PM

Nilishangaa watu kuaminishwa kwamba barabara ya Sam Nujoma ingemalizika kujengwa kwa muda huu.. kazi kwenye ile barabara ni kubwa. Inajumuisha kujenga daraja kazi ambayo ni vigumu kuiarakisha. Muda uliokadiriwa nadhani ulikua sio "realistic".
Tuendelee kusubiri, ila watu waache kukurupuka kusema mambo ya kufurahisha umma lakini hayapo "realistic".

Idimi · #9 30th November 2007, 05:52 PM

We Roy,
Muda wa ujenzi wa barabara uliopangwa na kukubaliwa kati ya mkandarasi na mtoa tenda (mmiliki wa barabara)ulijumuisha ujenzi wa daraja, sasa kama wewe unasema daraja linachukua muda mrefu kukauka na kukamilika, ina maana halikuhesabiwa katika muda wa ukamilifu wa kazi?
Sioni mantiki hapa. Hii ni tiktak kama zilivyo nyingine katika sirikali yetu, hapa lazima mtu awajibike. Nashangaa kipande cha kilometa nne kinachukua miaka kujengwa, hataka kama ni nia nne, kwa nini? Barabara ya kupitia chuo kikuu inayoanzia pale kituo cha mafuta hadi Ubungo maji, kupitia Survey na chuo cha ardhi ilitengenezwa na Konoike kwa muda usiozidi miezi mitano, kwa nini hii ichukue muda mrefu namna hiyo?
Kuna namna hapa.

Dotori · #10 1st December 2007, 08:11 AM

Bottom line, we are not serious!

Thread Tools
Show Printable Version Email this Page
Display Modes	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
Thread	Thread Starter	Forum	Replies	Last Post
Ukabila IKULU, UJENZI, MAMBO YA NJE, MIPANGO, TRA, BoT + OFISI NYETI ZA SERIKALI	Samvulachole	Jamii Intelligence	1548	24th February 2010 05:46 PM
Barabara ya Morogoro yawa kero kwa watumiaji	MziziMkavu	Habari na Hoja mchanganyiko	21	27th October 2009 10:30 AM
Wafundisheni CHADEMA balance & separation of powers	Kulikoni	Jukwaa la Siasa	24	26th June 2009 07:42 PM
Mimi ninadhani Lowasa anakurupuka mno bila ya kufikiria wewe unasemaje?	tibwilitibwili	Jukwaa la Siasa	24	17th October 2006 09:28 PM

Currently Active Users Viewing This Thread: 1 (0 members and 1 guests)