Rubani wa Uholanzi Afanya Kituko Ambacho Hakijawahi Kutokea

Thursday, July 02, 2009 8:32 AM

Rubani wa ndege ya shirika la ndege la Arkefly la Uholanzi ametoa kali ya mwaka kwa kuwashusha abiria wote kwenye ndege na kuendelea na safari ndege ikiwa tupu baada ya kukasirishwa na baadhi ya abiria ambao waligoma kufunga mikanda. Tukio hilo lilitokea ijumaa kwenye uwanja wa ndege wa Schiphol wa jijini Amsterdam, Uholanzi wakati ndege hiyo ilipokuwa ikijiandaa kupaa kutoka Uholanzi kuelekea Uturuki.

Wakati ndege ikiwa iko kwenye hatua za mwisho za kupaa huku taratibu za usalama kwenye ndege zikitolewa, abiria wapatao 10 walikataa kukaa kwenye viti vyao na pia walikataa kufunga mikanda yao.

Tukio hilo lilimkasirisha rubani wa ndege hiyo raia wa Uholanzi ambaye aliamua kuirudisha ndege hiyo kwenye terminal na kuwashusha abiria wote waliokuwemo kwenye ndege hiyo na kuanza safari ya kuelekea Uturuki ndege hiyo ikiwa tupu haina abiria hata mmoja.

Abiria walioachwa uwanja wa ndege walipandishwa ndege nyingine siku iliyofuatia na kuendelea na safari zao.

Shirika la ndege la Arkefly halijasema chochote juu ya rubani wao huyo ambaye amekuwa gumzo kutokana na hatua yake hiyo.

Source: nifahamishe.com

[Mpita Njia]

Aliwashusha kwa nguvu au?

[kui]

	Quote:	Mpita Njia
	Aliwashusha kwa nguvu au?

No, aliwaambia washukie hapo airport ama sivo angeruka halafu akawashusha kwa nguvu wakati ndege iko hewani.

[Skills4Ever]

Pia rubani akisha toa order lazima ifuatwe maana anaweza fanya lolote...hapo rubani anaweza akakosa kazi au adhabu tu za kiutendaji wao wana sheria zao....maana hata hvy atajiteetea sababu za kiusalama ndg haiwezi kuruka abiria wamesimama....ila kosa kuzira kuwashusha na kuwaacha.

[Shukuru]

So alienda Uturuki kufanya nini? au ndio kutimiza ratiba?

maana hapa bongo ni upuuzi kulinda ratiba afu uchome mafuta bure

[Pape]

mwe, hiki ni kituko atii. ila ni sawa, nadhani angewashusha wale waliogoma kukaa na kufunga mikanda tu. kosa lake ni kuwashusha wote!!!

[JuaKali]

	Quote:	Mwema Felix
	mwe, hiki ni kituko atii. ila ni sawa, nadhani angewashusha wale waliogoma kukaa na kufunga mikanda tu. kosa lake ni kuwashusha wote!!!

Samaki mmoja akioza......

[Mbogela]

	Quote:	Shukuru
	So alienda Uturuki kufanya nini? au ndio kutimiza ratiba? maana hapa bongo ni upuuzi kulinda ratiba afu uchome mafuta bure

Ndege ilikuwa na aratiba ya kurudi na abiria kutoka uturuki. Fikiria kama KLM au BA haijaja hapo bongo kwasababu jamaa alikuwa hana abiria wa kuwaleta wangapi wataathirika hapo DSM.

[Kasheshe]

	Quote:	Shukuru
	So alienda Uturuki kufanya nini? au ndio kutimiza ratiba? maana hapa bongo ni upuuzi kulinda ratiba afu uchome mafuta bure

Nimeelewa, alienda Uturuki kuchukua abiria wasiokuwa na hatia, hao Wa-dutch walimletea za kuleta akasema aende zake Istanbul akachukue abiria wapole.

[rmashauri]

Kweli hii ni kali ya mwaka