Tanzia

Msanii 28th September 2007, 08:10 AM

Ndugu zangu wana JF

Kwa masikitiko makubwa natangaza kifo cha jabali na hazina ya Taifa katika sanaa na utamaduni Marehemu Godwini Kaduma.

Marehemu alikuwa ndiye mkuu wa kwanza wa chuo cha sanaa Bagamoyo, ambapo pia ndiye mwalimu wa magwiji wengi wa sanaa za maonesho akiwemo nguli Prof. Amandima Lihamba. Amewahi kuwa Mkurugenzi wa Utamaduni miaka ya themanini. Ndiye aliyeandaa na kuratibu mswada wa uanzishwaji wa Mfuko wa Utamaduni Tanzania ambapo wadau ktk sanaa zote wanapata mikopo huru (Grants) ktk kuboresha uzalishaji na maendeleo ya sanaa zao. Pia mpaka kifo kinamchukua alikuwa mshauri wa kiufundi ktk kuanzisha Mfuko wa Utamaduni huko Zimbabwe, Ndiye aliyeweka mchakato wa kuanzishwa Tanzania Theatre Centre. Amewahi kuwa Mwenyekiti wa Baraza la Sanaa la Taifa. Shujaa huyu amefia ktk uwanja wa vita kwani mpaka anafariki alikuwa mwenyekiti wa Bodi ya COSOTA (Copyright Society of Tanzania) since 2005. iliyoanzishwa kwa mujibu wa sheria ili kulinda na kuhifadhi haki na maslahi ya wasanii wa kada zote ikiwemo ukusanyaji wa mirabaha.

Ingawa alikuwa binafsi ni kiongozi na mwanaharakati wa sanaa pia alikuwa ni msanii mahiri wa maigizo. Ana mengi aliyowahi kuyafanya nadhani baadhi ya wanaJF wanazo inputs zingine, naombwa wazipost.

Amefariki Alhamisi tarehe 27/09/2007 saa saba mchana ktk wodi ya SewaHaji namba 18. Amefariki baada ya shambulizi la pili la ugonjwa wa kupooza ambao alikuwa anatibiwa hapo hospitali. Ameacha mke na watoto. Amefariki akiwa na umri usiozidi miaka 70na kitu.

Habari hizi nimepata kwa wadau walioko Tanzania na zimethibitishwa na Mke wa Marehemu.

Poleni watanzania na wapenda sanaa/ utamaduni.

__________________
......2010 ndo hii lakini SINA IMANI kama utafanya maamuzi sahihi OKTOBA.... - Msanii

Msanii JF Premium Member Join Date: Wed Jul 2007 Posts: 3,146 Thanks: 337 Thanked 186 Times in 117 Posts Show Printable Version Email this Page

Mzalendohalisi

Mwawado

Mzee Mwanakijiji

Steve Dii

Msanii