Topic: Live kutoka Diamond Jubilee: Utoaji tuzo kwa waandishi bora 2011 - JK Mgeni rasmi

nitawapatia live update kutoka hapa Diamond Jubilee ambako muda mfupi ujao waandishi kadhaa nchini watatuzwa kwa kutambua mchango wao katika kuhabarisha jamii kwa mwaka 2011.

pia atakuwepo mwandishi bora wa jumla ,huyu atalamba takribani sh milioni 7


wageni wanaingia kwa wingi

nadokezwa kuwa TBC1 watakuwa live


Updates
Najulishwa hapa kuwa pia Rais atatumia muda huo kutoa hotuba.
Mwandishi bora wa jumla ni kati ya hawa-David Azaria (Habari Leo, Mwanza); Neville Meena (Mwananchi ,Dar ) Joseph Bura(TBC Taifa ,Dar) na Polycarp Machira(The Citizen ,Dar).


Mshindi wa jumla ni Nevile Meena wa Mwananchi

Mteule wa tuzo ya Maisha na mafanikio katika Uandishi wa habari ni Fil Karashan


1.mpiga picha bora
ni Khamis Said kutoka uhuru

2.mchoraji bora wa kibonzo
ni Nathan Mpangala
alichora katuni iliyoonesha wabunge wakijongeza posho huku wanananchi wakisota

3.Utawala bora gazeti
Nevile meena-Mwananchi

4.utawala bora tv
emmanuel buohera-itv

5.utawala bora radio
Noel Thomson

6.Habari za Malaria-Gazeti
Audax Mutiganzi-Rai

7.Habari Malaria-Radio
Gelvas Hubile-TBC

8.Mwandishi bora Michezo-gazeti
Iman man
9.Habari za michezo -radio
Abdala Majura
10.Habari za michezo Tv
Anuary Mkama mliman tv

11.Habari za Watu wenye ulemavu-gazeti
David Azaria

12.Watu wenye ulemavu -tv
Lekoko-Channel ten

13.Mwandishi wenye ulemavu-radio
Tuma Dandi

14.Jinsia -Gazeti
Nasra Abdalah-Tanzania daima

15.Habari za Ukimwi-Gazeti
Elias Msuya

16.Habari za UKIMWI-Radio
Beatrice Nangawe

17.Habari za Afya-gazeti
Sharifa Karokola

18.Habari za afya-radio
Secilia Ndabageze

19.Habari za mazingira-Gazeti
Lukas Liganga

20.Uchumi na biashara-Gazeti
Polycap machira-The Citizen

21.Uchumi na biashara-tv
Aneth Andrew-TBC

22.Habari za elimu-gazeti
Erick Kabendera

22.Habari za elimu-TV
Victoria Patrick-TBC Dodoma

23.Habari za elimu-radio
Grace kihondo

24.Habari za watoto-Gazeti
Nashon Kenedy

25.Habari za watoto TV
nanganile mwakanjala

26.Habari za watoto-radio
Mchome

27.Ifadhi za taifa-Gazeti
Paul Swaurts-raia mwema

28.Ifadhi za Taifa-radio
Alex Magwiza-TBC Taifa

29.Utalii wa ndani-Gazeti
Monica Luhondo

30.Utalii wa ndani-TV
Juma Lugazi

31.Maafa na migogoro-gazeti
Daniel Mbega

32.Maafa na migogoro- radio
Joseph bura

33.Habari za sayansi na technlojia
bernad lugongo

34.Habari za sayansi na technlojia-radio
Abel onesmo mwende

35.Tuzo za telecomunication -gazeti
Nevile Meena

36.Habari zenye mvuto mkubwa kwa watu
Polycap Machira

Hotuba ya Waziri Nchimbi
mswada wa sheria mpya ya habari nchini itashirkikisha wadau.
uhuru wa vyombo vya habari uko juu sana tz
vyombo vya habari vifanye kazi kwa weledi
anamuomba rais awe akikutana na jukwaa la wahariri mara moja kwa mwaka
anamkaribisha rais kutoa hotuba

Hotuba ya Rais Kikwete
Serikali itatazama namna ya kuunga mkono kuendeleza utoaji tuzo

Tumieni siku hii kupima sekta ya habari nchini

Tasnia ya habati tz imepata mafanikio makubwa-kwa uhuru wa habari

vyombo vya habari vimeiongezeka nchini

Serikali itaendelea kudumumisha uhuru wa habari nchini

wanahitajika waandishi wazalendo kwa nchi yao

je ni lazima kila picha mnazopiga zichapishwe?

pamoja na uhuru mlionao waandishi je ni lazima kuandika habari za uchochezi?

pawepo mfumo mzuri wa kusimamia ajira na maslahi ya waandishi nchini

kuna waandishi wengi nchini hawana ajira na walioajiriwa hawajui hatima yao

mtu yoyote atakayewalipa watamtumikia

sijui kama wamiliki wana taratibu za kuajiri watu wenye sifa

wanastahili kupata ujira mzuri,hawatakiwi kuajiri wasiosomea fani husika

kuwepo mfumo mzuri katika kuanzisha vyombo vya habari na mfumo mzuri wa ajira

waandishi watazame namna ya kutetea maslahi yao

waandishi zingatieni maadili kwa kuandika habari za kweli na uhakika

mpate machungu ya wale mnaowasingizia

serikali itajikita katika kukuza sekta hii hasa katika mafunzo

kupitia sheria mpya serikali itawekla utaratibu wa kusomesha waandishi nchini

serikali inataka kuwepo uandishi wa kubobea katika jambo fulani

kuna waandishi wanajitahidi kuonesha kuwa nchi ya tz ni ya hovyo,wakati wanaishi humo humo

wakati mwingine mambo ya kufadhiliwa tabu tu,wengine hawataki tupige hatua

nitaunda tume ya katiba siku chache zijazo,naomba waandishi mtusaidie kuelimisha jamii
Rais Kikwete amemaliza hotuba

Nawashukuru sana, ninakwenda kupumzika saa 11:47 usiku

Wenu
M.Byabato

Naona baba riz anawatolea uchovu kina Saed kubenea.

radio afya ya mwanza imefanya vizuri

TBC1 wamejitahidi kurusha live ila floor management imekuwa ya hovyo sana!!

analaumu waandishi kuandika mambo mabaya! Sasa kama mabaya ndio yanafanywa, mazuri yataandikwa kutoka wapi?

HATIMAYE jk amsifia Babu wa Loliondo!
Anasema anatibu magonjwa yooote sugu!

Neville Meena mshindi wa jumla hii ni makala yake
NIMEKUWAPO Arumeru Mashariki kwa zaidi ya wiki mbili sasa, nikifuatilia kampeni za uchaguzi mdogo wa ubunge ambao umepangwa kufanyika Jumapili ijayo, Aprili 1, 2012.

Kwa ujumla kampeni hizi zimekuwa za kistaarabu zaidi ikilinganishwa na zile za mwishoni mwa mwaka jana wilayani Igunga ambako pia kulifanyika uchaguzi mdogo na CCM kuibuka washindi kupitia kwa mgombea wake, Dk Dalaly Kafumu.

Waandishi wa habari tunaoandika matukio ya kampeni hizi ndiyo tunaotizamwa na Watanzania wote kuwapa kile kinachotokea kwani si wote wanaoweza kufika Arumeru Mashariki, lakini kinyume chake tunatia aibu kiasi cha kutisha.

Vyombo vya habari vinawajibika kwa umma wa Watanzania walio wasomaji wa magazeti yetu, wasikilizaji wa radio zetu na hata watazamaji wa luninga zetu.

Jambo moja ni dhahiri kwamba katika hadhira hii ambayo ni wateja wetu wapo wenye itikadi mbalimbali, ziwe za kisiasa, kidini na nyinginezo lakini pia wapo wasiokuwa na itikadi zozote zile, wao ni Watanzania, wala hawafungamani na upade wowote. Wote hawa tunapaswa kuwatumikia.

Nijuavyo mimi sisi tunaoripoti habari za uchaguzi haimaanishi kwamba bora zaidi kuliko waandishi wa habari wengine la hasha, bali tumeaminiwa kutenda kwa niaba ya wenzetu wengi ambao pia wana uwezo kama wetu.

Kwa kifupi naweza kusema tuko zamu na pengine kukiwa na uchaguzi mwingine tunaweza kupewa zamu nyingine, au wakapewa wenzetu.

Ni kwa bahati mbaya kwamba sisi tulioaminiwa kufanya kazi ya kuripoti habari za kampeni za Arumeru Mashariki tumejisahau, kiasi cha kufanya kazi ambazo si zetu. Tumeacha maadili namisingi ya kazi zetu, tumeingia katika ushabiki wa vyama jambo ambalo si hatari tu kwa mustakabali wa demokrasia ya nchi yetu bali hata kwa maisha ya taaluma ya habari nchini.

Waandishi wa habari katika kampeni hizi matendo yetu yanawatia kuchefuchefu hata makada wa vyama vya siasa vinavyoshiriki uchaguzi, kwani tumechukua kazi zao na tumegeuka kuwa makada na wakereketwa wa siasa kuliko wao. Hii si kazi yetu.

Uswahiba huu na vyama vya siasa umetufanya kushindwa hata kuandika ukweli wa kile kinachotokea kwenye mikutano ya kampeni. Tunafikia mahali pa kuweka makubaliano ya kijinga ya kuua habari kwasababu tu ya ukereketwa wetu, sijui hili kwa maslahi ya nani!.

Tumejengea baadhi ya waandishi wenzetu uhasama wa hali ya juu kwa kuwa watoa taarifa kwa viongozi wa kisaisa, tukibaguana kwamba huyu ni wa chama fulani, si mwenzetu na yule ni mwenzetu si kwa misingi ya taaluma ya habari bali kwa misingi ya vyama tunavyoviandikia habari.

Badala ya kuwaandikia Watanzania, wenye uchu na shauku ya kufahamu mchakato wa demokrasia unavyokwenda Arumeru Mashariki, basi tunaviandikia vyama vya siasa vinavyoshiriki, hili si sawa kabisa na halikubaliki.

Hali hii imetufikisha pabaya kwani katika kampeni hizi wapo waandishi wa habari hawawezi kufika katika kambi za vyama vingine kwani wao wamejibagua tayari kwamba wanautumikia mlengo wa kushoto au mlengo wa kulia.

Nasema hivi kwa mifano hai kwani wengine ‘tumeshtakiwa’ na waandishi wenzetu kwa wanasiasa hawa, kwamba eti tupo kwa ajili ya kuhujumu vyama fulani, lakini kwa hulka ya wanasiasa walivyo mwishoni mwa siku wanatufikishia taarifa hizi, na kuwataja wale waliopeleka ‘mashtaka’.

Katika haya tumeruhusu hata wanasiasa kutupangia aina ya habari tunazopaswa kuziandika na kuzituma kwenye vyombo vyatu vya habari, hii ni aibu na fedheha kubwa kwa taaluma yetu na waandishi ambao tuna tabia za aina hii.

Hatuwezi kuacha tabia za aina hii kuendelea, lazima tuchukue hatua kama wanataaluma kwani kuziacha ni sawa na kuiweka taaluma ya habari rehani.

Kama walivyo Watanzania wengine, waandishi wa habari nchini tuna uhuru wa kuwa wananchama wa vyama vya siasa, kushiriki uchaguzi na kuwachagua viongozi katika chaguzi mbalimbali.

Lakini lazima tujitambue kwamba, kitaaluma tunapaswa kuwa juu ya ushabiki wa siasa za vyama, kwani kwa kufanya hivyo tu ndipo tunaweza kutekeleza wajibu wetu kwa Watanzania kwa haki.

Tunapofanya kazi kwa ushabiki na upenzi wa kupitiliza tujue kwamba hatuwatendei haki walaji wa habari zetu ambao kwao habari ni zaidi ya vyama, siasa na wanasiasa.

Wakati wadau na wanataaluma wa habari tukiendelea kutafakari jinsi ya kuikwamua taaluma hii hasa tunapokwama kwenye mitego ya kisiasa iwe kwa kupenda sisi wenyewe au kwa sababu nyinginenezo, ni wajibu wa kila mwandishi wa habari ajitambue kwamba ana wajibu upi kwa umma.

Vinginevyo basi anayedhani kwamba taaluma hii inambana asitekeleze mapenzi yake ya kisiasa iwe ni kwa chama ama kwingineko, ajiengue mapema kwani kuondoka si dhambi, wapo wengi wamefanya hivyo na maisha yanaendelea.

Hii ni redio changa inayoibukia vizuri sana ndani ya asasi isiyo ya serikali Tandabu ya jijini mwanza.ina vipindi vizuri na hasa vya afya ya binadamu,kupitia kipindi cha daktari wa zamu na vingine vingi.hakika wanastahili tuzo walipewa waandishi wake na baraza la habari Tanzania.jitaidini mfike nchi nzima hongera sana

kujenga barabara
serengeti siungi
mkono hata kidogo
jamani mbuga hii
maarufu mno
duniani mnaweka
barabara?!!. NASEMA
BILA KUSITA JK
Ni JANGA!!! Kuu.

Kilichonifurahisha ni kauli ya mh rais juu ya UJENZI wa baraba waliyozuia wakenya kuwa itajengwa tu!

rais amezungumzia uhuru wa vyombo vya habari kwa kuzingatia wajibu,ukweli na weledi

Wanyama wengi
watagongwa kweli

waandishi waepuke uchochezi,amezungumzia maslahi na ajira kwa waandishi wa habari ili kuepuka kutumiwa na watu wenye nia zao zingine/maslahi binafsi

Mlitaka tuzo apewe nani Dr Slaa hahaha acheni hizo.Pongezeni panapostahili. Wenzenu wanajitahidi wapo juani wanaandika habari nyie mnasema hamna weledi. Hebu kuweni na ustaarabu kidogo.

hotuba ya rais ilikuwa fupi lakini yenye maneno ya busara sana kwa future ya tanzania

kazungumzia katiba mpya na mchakato unaoendelea

Ukiwa na akili
ya maiti bwana!
slaa anainngiaje
hapa!!!?

Wapi Jerrry Muro jaman!
Ktk tuzo au category yake haipo?

JK Kukabidhi Tuzo Za Waandishi Nguli Leo

RAIS Jakaya Kiwete leo usiku amekuwa mgeni rasmi katika utoaji wa Tuzo za Umahiri wa Uandishi wa Habari Tanzania (EJAT) 2011 jijini Dar es Salaam tukio lililomalizika hivi punde .Mchakato wa kuwapata waandishi bora kwa mwaka jana ulianza Februari 6 hadi 11 mwaka huu kwa jopo la majaji tisa wakiongozwa na Jaji Mkuu Wanceslaus Mushi kupitia kazi zilizowasilishwa na waandishi ili kumpata mshindi.

Majaji walioshiliki ni AttilioTigalile, Edda Sanga, Yusuph Omar Chunda, Pili Mtambalike, Purdenciana Temba, Mwazo Millinga, Bernadina Chalali na Anaclet Rwegayura
Kazi ziliziwasilishwa na waandishi wa habari zilikuwa 772 idadi ambayo ilikuwa zaidi ya ile ya Mwaka 2009 ambazo zilikuwa 304 na Mwaka 2010 zilikuwa 437.

Tuzo ambazo zilikuwa zinashindaniwa ni pamoja na habari za Elimu, Watu wenye ulemavu, Utalii wa ndani, Hifadhi za taifa, Malaria, Mchora katuni na Mpiga picha bora.

Tuzo nyingine ni za uandishi bora wa Biashara na uchumi, michezo na utamaduni, mazingira, afya, watoto, Virusi vya Ukimwi na Ukimwi, Utawala Bora, Jinsia, Mawasiliano pamoja na Sayansi na Teknolojia.

Jamani ina maana watangazaji Clouds Media hawana wanachojua ??mbona kama kipindi chao cha michezo kiko juu sana na wanachambua sana sana....vigezo gani vinatumika?Shafii Dauda,Luambano,Jeff Leah mbona wanajitahidi sana ???hata mmoja?duu kazi ipo!!

...wana habari anzeni maandalizi mapema ya kihabari ili kwenye tuzo zijazo kila mtu atunukiwe kulingana na kazi yake maana wahenga wanasema ''MBUZI ANAKULA KULINGANA NA UREFU WA KAMBA YAKE''