[Mgumu]

Kwa wakazi wa Dar na vitongoji nyake taarifa hii ni kukatisha tamaa, kutokana na usumbufu ninaupata kila asubuhi na jioni kugombania dalala nathubutu kusema hatuna serikali na kama ipo imekwenda likizo.

Hivi ile pesa ya Richmond,IPTL au rada ingewekezwa kwenye miradi ya usafiri hapa nchini, tungekuwa mbali.

Mungu yupo hawa mafethuli siku zao zinahesabika


Mradi wa mabasi yaendayo kasi ni kitendawili kigumu

Mobini Sarya

KAMA kuna kitu ambacho wakazi wa Dar es Salaam, walikuwa wanakisubiri kwa hamu na kwa muda mrefu, ni mradi wa usafiri mpya wa mabasi yaendayo kasi, uliotarajia kuanza mapema mwaka huu.

Usafiri jijini Dar es Salaam, ambako asilimia saba ya Watanzania wanaishi wakisaka maisha, unatajwa kuwa kikwazo kikubwa kwa maendeleo ya nchi.

Kutokana na kukosekana usafiri wa uhakika katika jiji hili, inakisiwa kuwa, wakazi wake hupoteza wastani wa saa zaidi ya tatu kwa siku nje ya ofisi zao.

Pia inakisiwa kuwa, asilimia 70 ya pato la taifa, huzalishwa kwenye jiji hili, lakini pamoja na umuhimu huo, mapato yanayopatikana yameshindwa kutumiwa vyema kuboresha miundombinu ikiwamo barabara ambazo nyingi ni zile zilizojengwa wakati wa uhuru.

Tatizo la usafiri Dar es Salaam, kushindwa kutatuliwa na mamlaka zinazohusika, ni kielelezo tosha cha uwajibikaji hafifu kwa baadhi ya watendaji, hasa katika maeneo fulani yaliyobinafsishwa. Kwa mfano tangu serikali ilipojitoa kwenye sekta ya usafiri jijini Dar es Salaam na kuamua kuikabidhi Kampuni ya Usafiri jijini humo (UDA) kwenye sekta binafsi, kampuni hiyo imeshindwa kuleta matumaini.

Hadi sasa, inakisiwa kuwa wastani wa abiria 123,000 hutumia usafiri wa daladala, ambazo zinakadiriwa kufikia 9,300, zinazotoa huduma kwa siku, huku ikikadariwa kuwa, abiria zaidi ya 100,000 hukosa usafiri huo. Aidha, husafiri kwa miguu, baiskeli, pikipiki, gari ndogo na hata kupanda malori ya mizigo.

Katika uchunguzi uliofanywa mwaka 2004, ilibainika kuwa kila siku daladala moja hupoteza sh 6,000 sawa na sh 180,000 kwa mwezi, ambazo hutumika kuwalipa wapiga debe.

Pesa hizo kama zingekusanywa na Chama cha Wamiliki wa Daladala (TABOA), kwa daladala 9,300, wangepata zaidi ya sh milioni 55 kwa mwaka.

Pesa hizo zingeunda kampuni ya usafirishaji jijini (KAUJI) na wengeweza kuzitumia kama dhamana kupata mkopo ili kuagiza mabasi mengi makubwa.

Kutokana na umuhimu huu wa usafiri wa jiji, serikali imekuwa ikilaumiwa kwa kushindwa kuuoboresha kwa kupanua miundombinu ili watu wawe wanawahi kazini na wanafunzi wanawahi mashuleni ili taifa lipate maendeleo.

Ndio maana Serikali ya Mkoa wa Dar es Salaam, ikaamua kubuni na kutangaza kuanzisha mradi wa usafiri wa mabasi yaendayo kasi Dar es Salaam (Dar Rapid Trans - DART), ambao kila mara wamekuwa wakiwatangazia wananchi kuwa ungeanza mapema mwaka huu.

Wananchi wanashangaa na wanashindwa kupata majibu kamili, ilikuwaje taarifa zilikuwa zikitolewa na kuwapa watu matumaini, wakati mradi huo ambao unasubiriwa na wengi haujawa tayari? Taarifa hizo zilianza Agosti mwaka jana, kwamba mradi huo wa DART ungeanza kutoa huduma, lakini haikuwa hivyo.

Mradi huo, unasimamiwa na Halmashauri ya Jiji la Dar es Salaam, mwishoni mwa waka jana ilitolewa taarifa kwenye vyombo vya habari kuwa, mradi huo ungeweza kuanza kazi Machi, mwaka huu. Wananchi wakazidi kuvuta subira, hasa wale wa Mabagala na Gongo la Mboto, ambao usafiri mzuri kwao ni anasa na kupita kwenye madirisha ya mabasi wala si jambo la kushangaza.

Taarifa ambazo zimekuwa zikitolewa, inaonekana kuwa usafiri huo utakuwa wa usalama, uhakika na wa haraka hali inayowapa matumaini makubwa wakazi wa Dar es Salaam.

Wakati tulipokuwa tukiambiwa mradi unaanza mwezi wa Agosti, mara mwaka kesho, ulikuwa ni wimbo mtamu ambao msikilizaji alikuwa hauelewi vema. Aidha, mwimbaji alikuwa anatumia ujanja kumliwaza msikilizaji hata kama wimbo huo ulikuwa unaimbwa kwa mafumbo.

Wanasema kuwa, unaweza kuwadanganya watu wote, lakini si kwa wakati wote, huo msemo ndio ulinifanya nikapiga hodi kwenye ofisi ya Mkurugenzi wa Jiji la Dar es Salaam ili nifahamu ukweli wa mradi huu kwamba utaanza lini.

Nilipofika kwenye ofisi hiyo, haikuwa kazi rahisi kupata taarifa, kwani ofisa niliyekutana naye kwenye ofisi za kitengo hicho, hakuwa tayari kutoa ukweli huo na hata habari hizo hazikumfurahisha, baada ya kufahamu kuwa nilikuwa nataka kujua ni lini usafiri huo utaanza rasmi.

Baada ya mabishano ya muda mrefu, hatimaye tulifikia mwafaka na akanipeleka kwa ofisa mwingine aliyeniahidi kuwa, nirudi baada ya mwaka mpya ili aweze kunipatia taarifa kamili, sikufanya ubishi, niliondoka na mwaka mpya ulipoanza nilikwenda tena kwenye ofisi hizo.

Wakati najaribu kufuatilia habari hii, kichwani nilikuwa najiuliza habari ya mradi mwingine wa kuzalisha umeme, uliokabidhiwa kampuni moja ya nje yenye jina la Richmond, ambao wasemaji wake walikuwa wakipiga danadana tarehe ya uhakika ya kuanza kuzalisha umeme.

Baada ya kufika, nilikabidhiwa ripoti kamili iliyoandaliwa Desemba 5, mwaka jana kutokana na kikao kilichofanyika kwenye Ukumbi wa Manispaa ya Temeke na kuwakutanisha viongozi mbalimbali wa Jiji la Dar es Salaam, wadau pamoja na mkuu wa mkoa.

Kwenye mkutano huo, ambao walialikwa pia waandishi wa habari, Mkuu wa Mkoa wa Dar es Salaam, Abbas Kandoro, akitoa hotuba yake alisema miundombinu kwa ajili ya mradi huo inatarajiwa kuanza mwaka huu, na huduma ya usafiri itaanza kutolewa rasmi mwaka 2009, kisha akamaliza kwa kusema “hatutarajii mipango isiyo na mwisho, tunataka matokeo.”

Lakini pamoja na taarifa hiyo kubainishwa kwamba usafiri utaanza rasmi mwaka 2009, taarifa ambazo zilitoka kwenye vyombo vya habari, zilikuwa zinabainisha kuwa, huduma hii ya usafiri wa mabasi yaendayo kwa kasi itaanza Machi mwaka huu.

Taarifa kwenye vyombo hivyo zilisisitiza pia kuwa, hata daladala ndogo zitapigwa marufuku kuingia katikati ya jiji, baadhi ya wafanyabiashara waliokuwa wameagiza magari hayo, waliingiwa na hofu na hata wengine wakarudisha magari waliyokuwa wameagiza kwa hofu kuwa huenda yangeshindwa kufanya kazi. Hakuna lililoendelea, mambo hayo ni sawa na tunda bichi ambalo halijawa tayari kuliwa.

Ukweli ni kwamba, kama kuna wafanyabiashara waliokuwa wamesita kuagiza magari ya kutolea huduma, ni bora wakabadilisha msimamo wao na kuagiza magari hayo, kwani ukweli ni kuwa, mradi huo unaelezwa kuwa, unatarajiwa kuanza kutoa huduma kuanzia Machi 30 mwaka 2009 kwa kutumia mabasi yenye uwezo wa kubeba abiria 140 na 160, tena kwa kuanzia katika Barabara ya Morogoro tu.

Mpango mzima wa mradi huo na ambao labda unaweza kumaliza tatizo la usafiri jijini, unatarajiwa kukamilika mwaka 2035, kutokana na mpango huo kugawanywa katika awamu sita, ambazo zina jumla ya kilometa 137, ambazo barabara na miundombinu mingine itakuwa ikitengezwa kwa awamu.

Kutokana na ripoti hiyo, inaonekana kuwa, kuanzia Machi 2007 wataalamu wa mradi huo wataanza kusanifu barabara zenye kilometa 20.9 ambazo zitahusisha vituo vya Kimara, Ubungo, Morocco, Kariakoo na Kivukoni katika zoezi hilo litakalokwenda sambamba na kufanyia tathmini wale wote wanaopaswa kulipwa fidia ya kuhamishwa ili kupisha ujenzi wa barabara mpya, ambazo zitatumiwa na mabasi hayo.

Shughuli hii inatarajiwa kukamilika Septemba mwaka huu na ujenzi wa awamu ya kwanza ya mradi unatarajiwa kugharimu sh bilioni 122, ambazo zinatolewa na Benki ya Dunia na watakaoshughulika na ujenzi huo ni Wakala wa Barabara nchini (TANROADS).

Awamu hiyo ya kwanza ya mradi itakuwa na barabara yenye urefu wa km. 20.9 na itakuwa imegawanyika katika sehemu kuu tano, ambazo ni zile za wanaokwenda kwa miguu, baiskeli, magari ya watu binafsi vituo vya daladala nyingine na vile vya mabasi hayo maalumu.

Nauli ambazo zinapendekezwa mradi huu ukikamilika ni kati ya sh 200 na 300 hadi 500 mpaka mwisho wa safari.

Tathimini iliyofanywa mwaka 2004, ilibainika kuwa, Barabara ya Morogoro inaongoza kwa kupitiwa na magari mengi na ndipo mradi utakapoanzia na baada ya hapo itafuatia Barabara ya Kilwa ambayo nayo inatumiwa zaidi. Mradi wa awamu ya pili utakaohusisha barabara hiyo utaanza mwaka 2012 ukiwa na kilometa 19.3 na awamu ya tatu itakuwa mwaka 2016 ukiwa na barabara ya km. 23.6.

Awamu ya sita na ya mwisho inatarajiwa kukamilika mwaka 2035 takribani miaka 10 baadaye, kama mipango itakwenda kama inavyoelezewa na kama yatazingatiwa maneno ya Kandoro aliyosema kwa ‘hatutarajii kuwa na mipango isiyo na mwisho’, lakini vilevile itategemea sera ya viongozi wanaofuata miaka kumi inayokuja.

Kwa hali yoyote ile, kukamilika kwa mradi huu ni sawa na mwenye njaa anayesubiri matunda yaive ndipo ale, kama mradi huu unategemea fedha za wafadhili ndio utekelezwe, matumaini yake ni madogo, na hata kama ni wawekezaji, basi wasiwe na sura ya Richmond, ambao wataendeleza yale ya ngoja leo ngoja kesho.

Kulingana na maelezo ya mradi huu unaotarajiwa kukamilika mwaka 2035, amabako wengi hatutarajiwi kuwapo hai, tungeomba serikali itazame njia haraka na mbadala kama ya usafiri wa baharini na kuingia ubia na mwekezaji mpya wa TRC ili aweke usafiri wa reli kupita maeneo ya jiji ili kuondoa adha kwa wananchi.

Mwandishi wa makala hii anapatikana kwa anwani ya: barua pepe; [email protected]. Simu; 0753 399 579 au 0717 328 102.

[kimatire]

Yapo mambo ya kitaalamu yanahitajika kufanywa kwa umakini wa hali ya juu ili mradi wa jinsi hii uweze kuanza kazi.Moja wapo ni hilo la ujenzi wa Miundo mbinu jingine ni la upatikanaji wa magari hayo, na la tatu ni mfumo wa uongozaji na ukusanyaji wa nauli.Kwa wale waliobahatika kwenda katika nchi za Brazil,Chile,China,Cleverland( USA) watakubaliana nami kuwa kuna kazi kubwa inayotakiwa kufanyika ili mfumo huu wa mabasi yaendayo haraka uweze kufanya kazi katika jiji letu.
Lakini kwa akili ya mtu wa kawaida hawezi kulielewa hili kwa mapana yake ,kwani anakuwa ana ulinganisho na mabasi tu makubwa au Ikarius,Kumbe ni mfumo mwingine kabisa wa usafiri wa haraka wa kisasa na wenye kuhitaji teknolojia ya GPS na GSM Kuuendesha.Hivyo tuwape nafasi wataalam wenye fani zao wafanye kazi kwa uhakika huku tukitarajia huduma bora kwa siku za usoni kama miaka mitatu hivi kuanzia sasa.Binafsi naujua mfumo huo ambao unajulikana kama BRT-Bus Rapid Transit Systems.Umeanzia chi za Latin America na kusambaa Mashariki ya mbali, na sasa ndo unaingia Afrika ukiwa umetekelezwa huko Lagos Nigeria, Afrika ya Kusini kwa ajili ya kombe la dunia na sasa ndo umebisha hodi hapa kwetu Bongo.Tuwe na imani na subira tutafika siku ya siku, siyo blaaah blaah wala maneno ya kisiasa bali ni kweli tupu kwamba kazi ni kubwa sana.Inahitaji umakini wa hali ya juu sanaa.

[Mkaa Mweupe]

Naomba nitoe angalizo.

Kwa kawaida ya watanzania tumezoea kuwa mawaziri ndio wazungumzaji wa miradi ilhali waziri kuwepo katika wizara husika kwa muda wa zaidi ya miaka mitatu sio wa lazima kwa kuwa Rais anaweza kubadili waziri wakati wowote.

Kwa hali hii inabidi miradi kama hii inapaswa kuwa chini ya katibu wa wizara husika na yeye ndio awe msemaji si hawa wanasiasa.

Mpoo...

[mmaroroi]

Mradi huo hautaanza hadi wakubwa wapate pa kupeleka vipanya vyao na kununua hayo mabasi makubwa.Wakubwa wetu hawajali shida ya usafiri iliyopo wanachoangalia wao ni namna gani watakamua fedha nyingi zaidi kwa gharama nafuu.

[JamiiForums]

[Koba]

watafanya kila kitu kuanzia kupiga vipanya marufuku mpaka hiyo DART etc lakini bila kujenga na kuongeza barabara itakuwa ni kujaza maji kwenye gunia tuu!

[Sonara]

Madolla yanamwagwa na wamarekani shukrani kwa Rais kikwete safari zake zimezaa matunda kuliko wakati wa Rais yeyote yule aliyewahi kukamata madaraka hapa Tanzania mnajionea wenyewe kazi yake na nema zinavyo miminika kuanzia USA ,Europa, Asia, ni kupeta tu .Hongera Jk

[Mwiba]

Hiyo si hongera ya kupewa Kikwete bali hongera ya kupewa wananchi kuwavumilia mafisadi

[Mkandara]

Lakini Marekani haijulikanai kwa kuwa na Public transit nzuri hata kidogo. Kuna states hazina usafiri mzuri na mipango ya Usafiri nxcchini humo ni tatizo sugu ambalo limewashinda viongozi kibao wa wajimbo..
Kwa nini serikali yetu isitazame nchi zenye usafiuri mzuri kama vile UK, France, Canada na kadhalika badala ya Marekani?.

[Kwame Nkrumah]

Tumeishaanza kupeana hongera hata jiwe la msingi halijawekwa ....!!!!

[Sikonge]

Lakini Marekani haijulikanai kwa kuwa na Public transit nzuri hata kidogo. Kuna states hazina usafiri mzuri na mipango ya Usafiri nxcchini humo ni tatizo sugu ambalo limewashinda viongozi kibao wa wajimbo..
Kwa nini serikali yetu isitazame nchi zenye usafiuri mzuri kama vile UK, France, Canada na kadhalika badala ya Marekani?.

Mkandara umejuaje?

Nilishawahi kuwaona viongozi wa state moja (Arkansas??) ya USA wakija Europe kuangalia jinsi Public Transport zinavyofanya kazi maana wao hawana. Walitembelea nchi nyingi na kujionea wenyewe mambo yalivyo.

Hii kitu ni kweli kabisa, miji kama London, Paris, Moscow, Praga, Berlin nk unaweza kujionea mwenyewe jinsi jamaa walivyofanya vitu vyao.
Ukifika pale Berlin kuna hizi train za chini ya ardhi na juu ya ardhi (S-and U-Bahn), kwa kweli zinabeba watu hadi unashindwa kuamini. Hapo ongeza mabasi kibao juu. Unamalizia kwa matrain yanayokuja Berlin na kwenda pembezoni au miji ya karibu. Ukiachilia hilo, wamejenga rings za highways kuzunguka Berlin. Paris nao wana ring zao.

Kwa Tanzania nilishaandika sana kuwa pale Dar, bila ya njia za reli, hakuna tutakalofanikiwa. Pia inabidi kuweka kujenga ring nyingine maana Mandela Road kwa sasa imezidiwa mno. Na ikibidi basi waanze kabisa kuplan ya tatu ili mji utakapokuwa, basi tayari iwepo barabara. Hili hata Dodoma, Arusha, Mwanza, Moshi, Mbeya, Mtwara inabidi lianze kufanyika maana hii miji yakua kwa speed kubwa sana.
Wengine akina yala masikini kama Tabora, Kigoma, Singida nk si vibaya na wao wakaanza kuweka plan zao tayari ili ikitokea BOOM basi wawe wamejiandaa kwa barabara pana katikati ya mji (ikiwezekana 6 lanes).

[Nyani Ngabu]

Lakini Marekani haijulikanai kwa kuwa na Public transit nzuri hata kidogo. Kuna states hazina usafiri mzuri na mipango ya Usafiri nxcchini humo ni tatizo sugu ambalo limewashinda viongozi kibao wa wajimbo..
Kwa nini serikali yetu isitazame nchi zenye usafiuri mzuri kama vile UK, France, Canada na kadhalika badala ya Marekani?.

True...public transportation kwenye majimbo mengi ya Marekani ni mbofu kweli. Kuna sehemu mtu kama huna gari lako binafsi huwezi hata kuishi.

[Koba]

True...public transportation kwenye majimbo mengi ya Marekani ni mbofu kweli. Kuna sehemu mtu kama huna gari lako binafsi huwezi hata kuishi.

....ni kweli mheshimiwa Ngabu,washauri wenzako wasihamie huku wakaishia kukimbia kama ulivyokimbia wewe!

[Nyani Ngabu]

....ni kweli mheshimiwa Ngabu,washauri wenzako wasihamie huku wakaishia kukimbia kama ulivyokimbia wewe!

Vipi lile demu lako bonge la makaratasi?

[Bongolander]

Madolla yanamwagwa na wamarekani shukrani kwa Rais kikwete safari zake zimezaa matunda kuliko wakati wa Rais yeyote yule aliyewahi kukamata madaraka hapa Tanzania mnajionea wenyewe kazi yake na nema zinavyo miminika kuanzia USA ,Europa, Asia, ni kupeta tu .Hongera Jk

Mkuu Tatizo la Tanzania sio fedha, fedha zipo tatizo ni mismanagement ya fedha na matumizi mabaya ya fedha. Kibaya zaidi ni mismanagement ya miradi yeneywe. Hii BRT ikikaa muda mrefu sana ni miaka mitano tu. Unless waachwe watakaojenga wamanage mpaka mwisho.

NDIVYO TULIVYO- Tunataka pesa tu, hata kama tunazo tunapenda kuwa ombaomba. Baada ya kuona aibu tunapopewa pesa kama walivyo wenye akili, sisi tukipewa tunachekelea. NDIVYO TULIVYO.

[Baba Lao]

Siyo U S wala nini.

Ebu tuige kwa Wachina walivyo jizatiti kwenye huu usafiri wa BRT.Hakuna sababu ya kukimbilia Marekani.Huyo Cosmas Tekule aende China akajionee walivyojenga BRT na wanavyozimanage

[Baba Lao]

Lakini Marekani haijulikanai kwa kuwa na Public transit nzuri hata kidogo. Kuna states hazina usafiri mzuri na mipango ya Usafiri nxcchini humo ni tatizo sugu ambalo limewashinda viongozi kibao wa wajimbo..
Kwa nini serikali yetu isitazame nchi zenye usafiuri mzuri kama vile UK, France, Canada na kadhalika badala ya Marekani?.

Mkuu gonga hapa ujionee wachina walivyo juu kwenye BRT.Nadhan utamshauri huyo Cosmas Tekule aende apate somo la jinsi gani unatakiwa kuzitunza hizo BRT.

gonga hapa
http://www.chinabrt.org/defaulten.aspx

[Kisusi Mohammed]

Yawezekana habari hii sijaisikia kwa sababu inanipita au yawezekana haiongelewi. Kuna kipindi mwaka juzi na mwaka jana iliongelewa sana kwamba mradi huu ungeanza kutekelezwa kwa watu waliopo maeneo ya mradi kulipwa fidia ili kupisha utekelezaji wa mradi huo. Sasa imekuwa kipindi toka mradi huu uache kuzungumziwa. Nikiwa kama mkereketwa wa maendeleo nikaona si vibaya nikianika fikra zangu kwa wanaJF ili tujuzane na kujua exactly kinachoendelea kuhusu mradi huo.

[October]

Yakhe Hujaona Mabasi makubwa yakielekea Katikati ya jiji?
Huo ndio Mradi wenyewe kama huijui hii sirikali, we ungetaka mafisadi wapate wapi kisingizio cha kuchota hela kama sio kuja na mawazo mbofu mbofu kama haya? Ndo imetoka hivyo hakuna cha mabasi ya kasi wala nini, na mabilioni ya hela yameshatumika

[Kigogo]

Kisusi umenikumbusha...hakuna lolote katika huo mradi juzi nasikia wanataka kujenga barabara za juu kupunguza foleni..teh tehhhh kazi kweli kweli

[Magezi]

tangu lini mwizi akawaza kuwa na kilicho chake???